2. ஸங்கா⁴தி³ஸேஸகண்ட³ம்

206. யம் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன உஸ்ஸயவாதி³காய பி⁴க்கு²னியா அட்³ட³ம் கரோந்தியா ஸங்கா⁴தி³ஸேஸோ கத்த² பஞ்ஞத்தோ? கம் ஆரப்³ப⁴? கிஸ்மிம் வத்து²ஸ்மிம்…பே… கேனாப⁴தந்தி?

207. யம் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன உஸ்ஸயவாதி³காய பி⁴க்கு²னியா அட்³ட³ம் கரோந்தியா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ உஸ்ஸயவாதி³கா விஹரி, தஸ்மிம் வத்து²ஸ்மிம். அத்தி² தத்த² பஞ்ஞத்தி, அனுபஞ்ஞத்தி, அனுப்பன்னபஞ்ஞத்தீதி? ஏகா பஞ்ஞத்தி. அனுபஞ்ஞத்தி அனுப்பன்னபஞ்ஞத்தி தஸ்மிம் நத்தி². ஸப்³ப³த்த²பஞ்ஞத்தி, பதே³ஸபஞ்ஞத்தீதி? ஸப்³ப³த்த²பஞ்ஞத்தி. ஸாதா⁴ரணபஞ்ஞத்தி, அஸாதா⁴ரணபஞ்ஞத்தீதி? அஸாதா⁴ரணபஞ்ஞத்தி. ஏகதோபஞ்ஞத்தி, உப⁴தோபஞ்ஞத்தீதி? ஏகதோபஞ்ஞத்தி. சதுன்னம் பாதிமோக்கு²த்³தே³ஸானம் கத்தோ²க³த⁴ம் கத்த² பரியாபன்னந்தி? நிதா³னோக³த⁴ம் நிதா³னபரியாபன்னம். கதமேன உத்³தே³ஸேன உத்³தே³ஸம் ஆக³ச்ச²தீதி? ததியேன உத்³தே³ஸேன உத்³தே³ஸம் ஆக³ச்ச²தி. சதுன்னம் விபத்தீனம் கதமா விபத்தீதி? ஸீலவிபத்தி. ஸத்தன்னம் ஆபத்திக்க²ந்தா⁴னம் கதமோ ஆபத்திக்க²ந்தோ⁴தி? ஸங்கா⁴தி³ஸேஸாபத்திக்க²ந்தோ⁴. ச²ன்னம் ஆபத்திஸமுட்டா²னானம் கதிஹி ஸமுட்டா²னேஹி ஸமுட்டா²தீதி? த்³வீஹி ஸமுட்டா²னேஹி ஸமுட்டா²தி – ஸியா காயதோ ச வாசதோ ச ஸமுட்டா²தி, ந சித்ததோ; ஸியா காயதோ ச வாசதோ ச சித்ததோ ச ஸமுட்டா²தி…பே… கேனாப⁴தந்தி? பரம்பராப⁴தம் –

உபாலி தா³ஸகோ சேவ, ஸோணகோ ஸிக்³க³வோ ததா²;

மோக்³க³லிபுத்தேன பஞ்சமா, ஏதே ஜம்பு³ஸிரிவ்ஹயே. …பே…;

ஏதே நாகா³ மஹாபஞ்ஞா, வினயஞ்ஞூ மக்³க³கோவிதா³;

வினயம் தீ³பே பகாஸேஸும், பிடகம் தம்ப³பண்ணியாதி.

208. சோரிம் வுட்டா²பேந்தியா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ சோரிம் வுட்டா²பேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஸியா வாசதோ ச சித்ததோ ச ஸமுட்டா²தி, ந காயதோ; ஸியா காயதோ ச வாசதோ ச சித்ததோ ச ஸமுட்டா²தி…பே….

209. ஏகாய கா³மந்தரம் க³ச்ச²ந்தியா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ ஏகா கா³மந்தரம் க³ச்சி², தஸ்மிம் வத்து²ஸ்மிம். ஏகா பஞ்ஞத்தி, திஸ்ஸோ அனுபஞ்ஞத்தியோ. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – பட²மபாராஜிகே…பே….

210. ஸமக்³கே³ன ஸங்கே⁴ன உக்கி²த்தம் பி⁴க்கு²னிம் த⁴ம்மேன வினயேன ஸத்து²ஸாஸனேன அனபலோகேத்வா காரகஸங்க⁴ம் அனஞ்ஞாய க³ணஸ்ஸ ச²ந்த³ம் ஓஸாரேந்தியா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ ஸமக்³கே³ன ஸங்கே⁴ன உக்கி²த்தம் பி⁴க்கு²னிம் த⁴ம்மேன வினயேன ஸத்து²ஸாஸனேன அனபலோகேத்வா காரகஸங்க⁴ம் அனஞ்ஞாய க³ணஸ்ஸ ச²ந்த³ம் ஓஸாரேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

211. அவஸ்ஸுதாய பி⁴க்கு²னியா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ கா²த³னீயம் வா போ⁴ஜனீயம் வா ஸஹத்தா² படிக்³க³ஹேத்வா பு⁴ஞ்ஜந்தியா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் ஆரப்³பா⁴தி? ஸுந்த³ரீனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? ஸுந்த³ரீனந்தா³ பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ ஆமிஸம் படிக்³க³ஹேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – பட²மபாராஜிகே…பே….

212. ‘‘கிம் தே, அய்யே, ஏஸோ புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா, யதோ த்வம் அனவஸ்ஸுதா! இங்க⁴, அய்யே, யம் தே ஏஸோ புரிஸபுக்³க³லோ தே³தி கா²த³னீயம் வா போ⁴ஜனீயம் வா, தம் த்வம் ஸஹத்தா² படிக்³க³ஹேத்வா கா²த³ வா பு⁴ஞ்ஜ வா’’தி உய்யோஜேந்தியா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் அரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ –‘‘கிம் தே, அய்யே, ஏஸோ புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா, யதோ த்வம் அனவஸ்ஸுதா! இங்க⁴, அய்யே, யம் தே ஏஸோ புரிஸபுக்³க³லோ தே³தி கா²த³னீயம் வா போ⁴ஜனீயம் வா, தம் த்வம் ஸஹத்தா² படிக்³க³ஹேத்வா கா²த³ வா பு⁴ஞ்ஜ வா’’தி உய்யோஜேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

213. குபிதாய அனத்தமனாய பி⁴க்கு²னியா யாவததியம் ஸமனுபா⁴ஸனாய ந படினிஸ்ஸஜ்ஜந்தியா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் ஆரப்³பா⁴தி? சண்ட³காளிம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? சண்ட³காளீ பி⁴க்கு²னீ குபிதா அனத்தமனா ஏவம் அவச – ‘‘பு³த்³த⁴ம் பச்சாசிக்கா²மி, த⁴ம்மம் பச்சாசிக்கா²மி, ஸங்க⁴ம் பச்சாசிக்கா²மி, ஸிக்க²ம் பச்சாசிக்கா²மீ’’தி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

214. கிஸ்மிஞ்சிதே³வ அதி⁴கரணே பச்சாகதாய பி⁴க்கு²னியா யாவததியம் ஸமனுபா⁴ஸனாய ந படினிஸ்ஸஜ்ஜந்தியா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் ஆரப்³பா⁴தி? சண்ட³காளிம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? சண்ட³காளீ பி⁴க்கு²னீ கிஸ்மிஞ்சிதே³வ அதி⁴கரணே பச்சாகதா குபிதா அனத்தமனா ஏவம் அவச – ‘‘ச²ந்த³கா³மினியோ ச பி⁴க்கு²னியோ, தோ³ஸகா³மினியோ ச பி⁴க்கு²னியோ, மோஹகா³மினியோ ச பி⁴க்கு²னியோ, ப⁴யகா³மினியோ ச பி⁴க்கு²னியோ’’தி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

215. ஸம்ஸட்டா²னம் பி⁴க்கு²னீனம் யாவததியம் ஸமனுபா⁴ஸனாய ந படினிஸ்ஸஜ்ஜந்தீனம் ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ ஸம்ஸட்டா² விஹரிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

216. ‘‘ஸம்ஸட்டா²வ, அய்யே, தும்ஹே விஹரத². மா தும்ஹே நானா விஹரித்தா²’’தி உய்யோஜேந்தியா யாவததியம் ஸமனுபா⁴ஸனாய ந படினிஸ்ஸஜ்ஜந்தியா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யம் பஞ்ஞத்தோ. கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ – ‘‘ஸம்ஸட்டா²வ அய்யே, தும்ஹே விஹரத², மா தும்ஹே நானா விஹரித்தா²’’தி உய்யோஜேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

த³ஸ ஸங்கா⁴தி³ஸேஸா நிட்டி²தா.

தஸ்ஸுத்³தா³னம் –

உஸ்ஸயசோரி கா³மந்தம், உக்கி²த்தம் கா²த³னேன ச;

கிம் தே குபிதா கிஸ்மிஞ்சி, ஸம்ஸட்டா² ஞாயதே த³ஸாதி.