9. ச²த்துபாஹனவக்³கோ³

226. ச²த்துபாஹனம் தா⁴ரேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ ச²த்துபாஹனம் தா⁴ரேஸும், தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

யானேன யாயந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ யானேன யாயிம்ஸு, தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

ஸங்கா⁴ணிம் தா⁴ரேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ ஸங்கா⁴ணிம் தா⁴ரேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

இத்தா²லங்காரம் தா⁴ரேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ இத்தா²லங்காரம் தா⁴ரேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

க³ந்த⁴வண்ணகேன நஹாயந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ க³ந்த⁴வண்ணகேன நஹாயிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

வாஸிதகேன பிஞ்ஞாகேன நஹாயந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ வாஸிதகேன பிஞ்ஞாகேன நஹாயிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

பி⁴க்கு²னியா உம்மத்³தா³பேந்தியா பரிமத்³தா³பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ பி⁴க்கு²னியா உம்மத்³தா³பேஸும் பரிமத்³தா³பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

ஸிக்க²மானா உம்மத்³தா³பேந்தியா பரிமத்³தா³பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ ஸிக்க²மானாய உம்மத்³தா³பேஸும் பரிமத்³தா³பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

ஸாமணேரியா உம்மத்³தா³பேந்தியா பரிமத்³தா³பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ ஸாமணேரியா உம்மத்³தா³பேஸும் பரிமத்³தா³பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

கி³ஹினியா உம்மத்³தா³பேந்தியா பரிமத்³தா³பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ கி³ஹினியா உம்மத்³தா³பேஸும் பரிமத்³தா³பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

பி⁴க்கு²ஸ்ஸ புரதோ அனாபுச்சா² ஆஸனே நிஸீத³ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ பி⁴க்கு²ஸ்ஸ புரதோ அனாபுச்சா² ஆஸனே நிஸீதி³ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – கதி²னகே…பே….

அனோகாஸகதம் பி⁴க்கு²ம் பஞ்ஹம் புச்ச²ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ அனோகாஸகதம் பி⁴க்கு²ம் பஞ்ஹம் புச்சி²ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – பத³ஸோத⁴ம்மே…பே….

அஸங்கச்சிகாய [அஸங்கச்சி²காய (ஸ்யா.)] கா³மம் பவிஸந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ அஸங்கச்சிகா கா³மம் பாவிஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஸியா காயதோ ஸமுட்டா²தி, ந வாசதோ ந சித்ததோ; ஸியா காயதோ ச சித்ததோ ச ஸமுட்டா²தி, ந வாசதோ…பே….

ச²த்துபாஹனவக்³கோ³ நவமோ.

நவவக்³க³கு²த்³த³கா நிட்டி²தா.

தஸ்ஸுத்³தா³னம் –

லஸுணம் ஸம்ஹரே லோமம், தலமட்ட²ஞ்ச ஸுத்³தி⁴கம்;

பு⁴ஞ்ஜந்தாமகத⁴ஞ்ஞானம், த்³வே விகா⁴ஸேன த³ஸ்ஸனா.

அந்த⁴காரே படிச்ச²ன்னே, அஜ்ஜோ²காஸே ரதி²காய ச;

புரே பச்சா² விகாலே ச, து³க்³க³ஹி நிரயே வதி⁴.

நக்³கோ³த³கா விஸிப்³பே³த்வா, பஞ்சாஹிகம் ஸங்கமனீயம்;

க³ணம் விப⁴ங்க³ஸமணம், து³ப்³ப³லம் கதி²னேன ச.

ஏகமஞ்சத்த²ரணேன, ஸஞ்சிச்ச ஸஹஜீவினீ;

த³த்வா ஸம்ஸட்ட²அந்தோ ச, திரோவஸ்ஸம் ந பக்கமே.

ராஜா ஆஸந்தி³ ஸுத்தஞ்ச, கி³ஹி வூபஸமேன ச;

த³தே³ சீவராவஸத²ம், பரியாபுணஞ்ச வாசயே.

ஆராமக்கோஸசண்டீ³ ச, பு⁴ஞ்ஜேய்ய குலமச்ச²ரீ;

வாஸே பவாரணோவாத³ம், த்³வே த⁴ம்மா பஸாகே²ன ச.

க³ப்³பீ⁴ பாயந்தீ ச² த⁴ம்மே, அஸம்மதூனத்³வாத³ஸ;

பரிபுண்ணஞ்ச ஸங்கே⁴ன, ஸஹ வுட்டா² ச² பஞ்ச ச.

குமாரீ த்³வே ச ஸங்கே⁴ன, த்³வாத³ஸ ஸம்மதேன ச;

அலம் ஸசே ச த்³வேவஸ்ஸம், ஸம்ஸட்டா² ஸாமிகேன ச.

பாரிவாஸிகானுவஸ்ஸம், து³வே வுட்டா²பனேன ச;

ச²த்தயானேன ஸங்கா⁴ணி, இத்தா²லங்காரவண்ணகே.

பிஞ்ஞாகபி⁴க்கு²னீ சேவ, ஸிக்கா² ச ஸாமணேரிகா;

கி³ஹி பி⁴க்கு²ஸ்ஸ புரதோ, அனோகாஸம் ஸங்கச்சிகாதி.

தேஸம் வக்³கா³னம் உத்³தா³னம் –

லஸுணந்த⁴காரா ந்ஹானா, துவட்டா சித்தகா³ரகா;

ஆராமம் க³ப்³பி⁴னீ சேவ, குமாரீ ச²த்துபாஹனாதி.