2. கோஸியவக்³கோ³

34. கோஸியமிஸ்ஸகம் ஸந்த²தம் காராபேந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? ஆளவியம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² கோஸியகாரகே உபஸங்கமித்வா ஏவமாஹம்ஸு ‘‘ப³ஹூ, ஆவுஸோ, கோஸகாரகே பசத². அம்ஹாகம்பி த³ஸ்ஸத². மயம்பி இச்சா²ம கோஸியமிஸ்ஸகம் ஸந்த²தம் காது’’ந்தி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

35. ஸுத்³த⁴காளகானம் ஏளகலோமானம் ஸந்த²தம் காராபேந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? வேஸாலியம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² ஸுத்³த⁴காளகானம் ஏளகலோமானம் ஸந்த²தம் காராபேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

36. அனாதி³யித்வா துலம் ஓதா³தானம் துலம் கோ³சரியானம் நவம் ஸந்த²தம் காராபேந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² தோ²கஞ்ஞேவ ஓதா³தம் அந்தே [ஓதா³தானம் அந்தே அந்தே (ஸீ.), ஓதா³தானம் அந்தே (ஸ்யா.)] ஆதி³யித்வா ததே²வ ஸுத்³த⁴காளகானம் ஏளகலோமானம் ஸந்த²தம் காராபேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

37. அனுவஸ்ஸம் ஸந்த²தம் காராபேந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கூ² அனுவஸ்ஸம் ஸந்த²தம் காராபேஸும், தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

38. அனாதி³யித்வா புராணஸந்த²தஸ்ஸ ஸாமந்தா ஸுக³தவித³த்தி²ம் நவம் நிஸீத³னஸந்த²தம் காராபேந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கூ² ஸந்த²தானி உஜ்ஜி²த்வா ஆரஞ்ஞிகங்க³ம் பிண்ட³பாதிகங்க³ம் பம்ஸுகூலிகங்க³ம் ஸமாதி³யிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

39. ஏளகலோமானி படிக்³க³ஹேத்வா தியோஜனம் அதிக்காமேந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²ம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரோ பி⁴க்கு² ஏளகலோமானி படிக்³க³ஹேத்வா தியோஜனம் அதிக்காமேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஸியா காயதோ ஸமுட்டா²தி, ந வாசதோ ந சித்ததோ; ஸியா காயதோ ச சித்ததோ ச ஸமுட்டா²தி, ந வாசதோ…பே….

40. அஞ்ஞாதிகாய பி⁴க்கு²னியா ஏளகலோமானி தோ⁴வாபேந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? ஸக்கேஸு பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² அஞ்ஞாதிகாஹி பி⁴க்கு²னீஹி ஏளகலோமானி தோ⁴வாபேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

41. ரூபியம் படிக்³க³ண்ஹந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? ராஜக³ஹே பஞ்ஞத்தம். கம் ஆரப்³பா⁴தி? ஆயஸ்மந்தம் உபனந்த³ம் ஸக்யபுத்தம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா உபனந்தோ³ ஸக்யபுத்தோ ரூபியம் படிக்³க³ஹேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

42. நானப்பகாரகம் ரூபியஸம்வோஹாரம் ஸமாபஜ்ஜந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² நானப்பகாரகம் ரூபியஸம்வோஹாரம் ஸமாபஜ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

43. நானப்பகாரகம் கயவிக்கயம் ஸமாபஜ்ஜந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஆயஸ்மந்தம் உபனந்த³ம் ஸக்யபுத்தம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா உபனந்தோ³ ஸக்யபுத்தோ பரிப்³பா³ஜகேன ஸத்³தி⁴ம் கயவிக்கயம் ஸமாபஜ்ஜி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

கோஸியவக்³கோ³ து³தியோ.