4. ஸக்கச்சவக்³கோ³

606. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அஸக்கச்சம் பிண்ட³பாதம் பு⁴ஞ்ஜந்தி அபு⁴ஞ்ஜிதுகாமா விய…பே….

‘‘ஸக்கச்சம் பிண்ட³பாதம் பு⁴ஞ்ஜிஸ்ஸாமீதி ஸிக்கா² கரணீயா’’தி.

ஸக்கச்சம் பிண்ட³பாதோ பு⁴ஞ்ஜிதப்³போ³. யோ அனாத³ரியம் படிச்ச அஸக்கச்சம் பிண்ட³பாதம் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஆபதா³ஸு, உம்மத்தகஸ்ஸ,

ஆதி³கம்மிகஸ்ஸாதி.

பட²மஸிக்கா²பத³ம் நிட்டி²தம்.

607. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தஹம் தஹம் ஓலோகேந்தா பிண்ட³பாதம் பு⁴ஞ்ஜந்தி, ஆகிரந்தேபி அதிக்கந்தேபி ந ஜானந்தி…பே….

‘‘பத்தஸஞ்ஞீ பிண்ட³பாதம் பு⁴ஞ்ஜிஸ்ஸாமீதி ஸிக்கா² கரணீயா’’தி.

பத்தஸஞ்ஞினா பிண்ட³பாதோ பு⁴ஞ்ஜிதப்³போ³. யோ அனாத³ரியம் படிச்ச தஹம் தஹம் ஓலோகேந்தோ பிண்ட³பாதம் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே… ஆதி³கம்மிகஸ்ஸாதி.

து³தியஸிக்கா²பத³ம் நிட்டி²தம்.

608. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தஹம் தஹம் ஓமஸித்வா [ஓமத்³தி³த்வா (க.)] பிண்ட³பாதம் பு⁴ஞ்ஜந்தி…பே….

‘‘ஸபதா³னம் பிண்ட³பாதம் பு⁴ஞ்ஜிஸ்ஸாமீதி ஸிக்கா² கரணீயா’’தி.

ஸபதா³னம் பிண்ட³பாதோ பு⁴ஞ்ஜிதப்³போ³. யோ அனாத³ரியம் படிச்ச தஹம் தஹம் ஓமஸித்வா [ஓமத்³தி³த்வா (க.)] பிண்ட³பாதம் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, அஞ்ஞேஸம் தே³ந்தோ ஓமஸதி, அஞ்ஞஸ்ஸ பா⁴ஜனே ஆகிரந்தோ ஓமஸதி, உத்தரிப⁴ங்கே³, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ததியஸிக்கா²பத³ம் நிட்டி²தம்.

609. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பிண்ட³பாதம் பு⁴ஞ்ஜந்தா ஸூபஞ்ஞேவ ப³ஹும் பு⁴ஞ்ஜந்தி…பே….

‘‘ஸமஸூபகம் பிண்ட³பாதம் பு⁴ஞ்ஜிஸ்ஸாமீதி ஸிக்கா² கரணீயா’’தி.

ஸூபோ நாம த்³வே ஸூபா – முக்³க³ஸூபோ, மாஸஸூபோ ஹத்த²ஹாரியோ. ஸமஸூபகோ பிண்ட³பாதோ பு⁴ஞ்ஜிதப்³போ³. யோ அனாத³ரியம் படிச்ச ஸூபஞ்ஞேவ ப³ஹும் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ரஸரஸே, ஞாதகானம் பவாரிதானம், அத்தனோ த⁴னேன, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

சதுத்த²ஸிக்கா²பத³ம் நிட்டி²தம்.

610. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தூ²பகதோ ஓமத்³தி³த்வா பிண்ட³பாதம் பு⁴ஞ்ஜந்தி…பே….

‘‘ந தூ²பகதோ ஓமத்³தி³த்வா பிண்ட³பாதம் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந தூ²பகதோ ஓமத்³தி³த்வா பிண்ட³பாதோ பு⁴ஞ்ஜிதப்³போ³. யோ அனாத³ரியம் படிச்ச தூ²பகதோ ஓமத்³தி³த்வா பிண்ட³பாதம் பு⁴ஞ்ஜதி ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, பரித்தகே ஸேஸே ஏகதோ ஸம்கட்³டி⁴த்வா ஓமத்³தி³த்வா பு⁴ஞ்ஜதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

பஞ்சமஸிக்கா²பத³ம் நிட்டி²தம்.

611. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸூபம்பி ப்³யஞ்ஜனம்பி ஓத³னேன படிச்சா²தே³ந்தி பி⁴ய்யோகம்யதம் உபாதா³ய…பே….

‘‘ந ஸூபம் வா ப்³யஞ்ஜனம் வா ஓத³னேன படிச்சா²தே³ஸ்ஸாமி பி⁴ய்யோகம்யதம் உபாதா³யாதி ஸிக்கா² கரணீயா’’தி.

ந ஸூபம் வா ப்³யஞ்ஜனம் வா ஓத³னேன படிச்சா²தே³தப்³ப³ம் பி⁴ய்யோகம்யதம் உபாதா³ய. யோ அனாத³ரியம் படிச்ச ஸூபம் வா ப்³யஞ்ஜனம் வா ஓத³னேன படிச்சா²தே³தி பி⁴ய்யோகம்யதம் உபாதா³ய, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, ஸாமிகா படிச்சா²தே³த்வா தே³ந்தி, ந பி⁴ய்யோகம்யதம் உபாதா³ய, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ச²ட்ட²ஸிக்கா²பத³ம் நிட்டி²தம்.

612. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸூபம்பி ஓத³னம்பி அத்தனோ அத்தா²ய விஞ்ஞாபேத்வா பு⁴ஞ்ஜந்தி. மனுஸ்ஸா உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம ஸமணா ஸக்யபுத்தியா ஸூபம்பி ஓத³னம்பி அத்தனோ அத்தா²ய விஞ்ஞாபேத்வா பு⁴ஞ்ஜிஸ்ஸந்தி! கஸ்ஸ ஸம்பன்னம் ந மனாபம்! கஸ்ஸ ஸாது³ம் ந ருச்சதீ’’தி! அஸ்ஸோஸும் கோ² பி⁴க்கூ² தேஸம் மனுஸ்ஸானம் உஜ்ஜா²யந்தானம் கி²ய்யந்தானம் விபாசேந்தானம். யே தே பி⁴க்கூ² அப்பிச்சா²…பே… தே உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² ஸூபம்பி ஓத³னம்பி அத்தனோ அத்தா²ய விஞ்ஞாபேத்வா பு⁴ஞ்ஜிஸ்ஸந்தீ’’தி…பே… ஸச்சம் கிர தும்ஹே, பி⁴க்க²வே, ஸூபம்பி ஓத³னம்பி அத்தனோ அத்தா²ய விஞ்ஞாபேத்வா பு⁴ஞ்ஜதா²தி? ‘‘ஸச்சம், ப⁴க³வா’’தி. விக³ரஹி பு³த்³தோ⁴ ப⁴க³வா…பே… கத²ஞ்ஹி நாம தும்ஹே, மோக⁴புரிஸா, ஸூபம்பி ஓத³னம்பி அத்தனோ அத்தா²ய விஞ்ஞாபேத்வா பு⁴ஞ்ஜிஸ்ஸத²! நேதம், மோக⁴புரிஸா, அப்பஸன்னானம் வா பஸாதா³ய…பே… ஏவஞ்ச பன, பி⁴க்க²வே, இமம் ஸிக்கா²பத³ம் உத்³தி³ஸேய்யாத² –

‘‘ந ஸூபம் வா ஓத³னம் வா அத்தனோ அத்தா²ய விஞ்ஞாபேத்வா பு⁴ஞ்ஜிஸ்ஸாமீதி ஸிக்கா² கரணீயா’’தி.

ஏவஞ்சித³ம் ப⁴க³வதா பி⁴க்கூ²னம் ஸிக்கா²பத³ம் பஞ்ஞத்தம் ஹோதி.

613. தேன கோ² பன ஸமயேன பி⁴க்கூ² கி³லானா ஹோந்தி. கி³லானபுச்ச²கா பி⁴க்கூ² கி³லானே பி⁴க்கூ² ஏதத³வோசும் – ‘‘கச்சாவுஸோ, க²மனீயம், கச்சி யாபனீய’’ந்தி? ‘‘புப்³பே³ மயம், ஆவுஸோ, ஸூபம்பி ஓத³னம்பி அத்தனோ அத்தா²ய விஞ்ஞாபேத்வா பு⁴ஞ்ஜாம, தேன நோ பா²ஸு ஹோதி. இதா³னி பன – ‘‘ப⁴க³வதா படிக்கி²த்த’’ந்தி குக்குச்சாயந்தா ந விஞ்ஞாபேம, தேன நோ ந பா²ஸு ஹோதீ’’தி. ப⁴க³வதோ ஏதமத்த²ம் ஆரோசேஸும்…பே… அனுஜானாமி, பி⁴க்க²வே, கி³லானேன பி⁴க்கு²னா ஸூபம்பி ஓத³னம்பி அத்தனோ அத்தா²ய விஞ்ஞாபேத்வா பு⁴ஞ்ஜிதும். ஏவஞ்ச பன, பி⁴க்க²வே, இமம் ஸிக்கா²பத³ம் உத்³தி³ஸேய்யாத² –

‘‘ந ஸூபம் வா ஓத³னம் வா அகி³லானோ அத்தனோ அத்தா²ய விஞ்ஞாபேத்வா பு⁴ஞ்ஜிஸ்ஸாமீதி ஸிக்கா² கரணீயா’’தி.

ந ஸூபம் வா ஓத³னம் வா அகி³லானேன அத்தனோ அத்தா²ய விஞ்ஞாபேத்வா பு⁴ஞ்ஜிதப்³ப³ம். யோ அனாத³ரியம் படிச்ச ஸூபம் வா ஓத³னம் வா அகி³லானோ அத்தனோ அத்தா²ய விஞ்ஞாபேத்வா பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஞாதகானம் பவாரிதானம், அஞ்ஞஸ்ஸத்தா²ய, அத்தனோ த⁴னேன, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ஸத்தமஸிக்கா²பத³ம் நிட்டி²தம்.

614. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உஜ்ஜா²னஸஞ்ஞீ பரேஸம் பத்தம் ஓலோகேந்தி…பே….

‘‘ந உஜ்ஜா²னஸஞ்ஞீ பரேஸம் பத்தம் ஓலோகேஸ்ஸாமீதி ஸிக்கா² கரணீயா’’தி.

ந உஜ்ஜா²னஸஞ்ஞினா பரேஸம் பத்தோ ஓலோகேதப்³போ³. யோ அனாத³ரியம் படிச்ச உஜ்ஜா²னஸஞ்ஞீ பரேஸம் பத்தம் ஓலோகேதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, ‘‘த³ஸ்ஸாமீ’’தி வா ‘‘தா³பேஸ்ஸாமீ’’தி வா ஓலோகேதி, ந உஜ்ஜா²னஸஞ்ஞிஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

அட்ட²மஸிக்கா²பத³ம் நிட்டி²தம்.

615. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² மஹந்தம் கப³ளம் கரோந்தி…பே….

‘‘நாதிமஹந்தம் கப³ளம் கரிஸ்ஸாமீதி ஸிக்கா² கரணீயா’’தி.

நாதிமஹந்தோ கப³ளோ காதப்³போ³. யோ அனாத³ரியம் படிச்ச மஹந்தம் கப³ளம் கரோதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, க²ஜ்ஜகே, ப²லாப²லே, உத்தரிப⁴ங்கே³, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

நவமஸிக்கா²பத³ம் நிட்டி²தம்.

616. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தீ³க⁴ம் ஆலோபம் கரோந்தி…பே….

‘‘பரிமண்ட³லம் ஆலோபம் கரிஸ்ஸாமீதி ஸிக்கா² கரணீயா’’தி.

பரிமண்ட³லோ ஆலோபோ காதப்³போ³. யோ அனாத³ரியம் படிச்ச தீ³க⁴ம் ஆலோபம் கரோதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, க²ஜ்ஜகே, ப²லாப²லே, உத்தரிப⁴ங்கே³, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

த³ஸமஸிக்கா²பத³ம் நிட்டி²தம்.

ஸக்கச்சவக்³கோ³ சதுத்தோ².