4. ச²த்திம்ஸகம்

165. ‘‘இத⁴ பன, பி⁴க்க²வே, பி⁴க்கு² பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணா [பரிமாணாயோ (ஸீ. ஸ்யா.)] அப்படிச்ச²ன்னாயோ. ஸோ பி⁴க்கு² மூலாய படிகஸ்ஸிதப்³போ³.

‘‘இத⁴ பன, பி⁴க்க²வே, பி⁴க்கு² பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணா படிச்ச²ன்னாயோ. ஸோ பி⁴க்கு² மூலாய படிகஸ்ஸிதப்³போ³. யதா²படிச்ச²ன்னானஞ்சஸ்ஸ ஆபத்தீனம் புரிமாய ஆபத்தியா ஸமோதா⁴னபரிவாஸோ தா³தப்³போ³.

‘‘இத⁴ பன, பி⁴க்க²வே, பி⁴க்கு² பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணா படிச்ச²ன்னாயோபி அப்படிச்ச²ன்னாயோபி. ஸோ பி⁴க்கு² மூலாய படிகஸ்ஸிதப்³போ³. யதா²படிச்ச²ன்னானஞ்சஸ்ஸ ஆபத்தீனம் புரிமாய ஆபத்தியா ஸமோதா⁴னபரிவாஸோ தா³தப்³போ³.

‘‘இத⁴ பன, பி⁴க்க²வே, பி⁴க்கு² பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி அபரிமாணா [அபரிமாணாயோ (ஸீ. ஸ்யா.)] அப்படிச்ச²ன்னாயோ…பே… அபரிமாணா படிச்ச²ன்னாயோ…பே… அபரிமாணா படிச்ச²ன்னாயோபி அப்படிச்ச²ன்னாயோபி…பே… பரிமாணாயோபி அபரிமாணாயோபி அப்படிச்ச²ன்னாயோ…பே… பரிமாணாயோபி அபரிமாணாயோபி படிச்ச²ன்னாயோ…பே… பரிமாணாயோபி அபரிமாணாயோபி படிச்ச²ன்னாயோபி அப்படிச்ச²ன்னாயோபி. ஸோ பி⁴க்கு² மூலாய படிகஸ்ஸிதப்³போ³. யதா²படிச்ச²ன்னானஞ்சஸ்ஸ ஆபத்தீனம் புரிமாய ஆபத்தியா ஸமோதா⁴னபரிவாஸோ தா³தப்³போ³.

‘‘இத⁴ பன, பி⁴க்க²வே, பி⁴க்கு² மானத்தாரஹோ…பே… மானத்தம் சரந்தோ…பே… (யதா²பரிவாஸம் ததா² வித்தா²ரேதப்³ப³ம்) அப்³பா⁴னாரஹோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணா அப்படிச்ச²ன்னாயோ…பே… பரிமாணா படிச்ச²ன்னாயோ…பே… பரிமாணா படிச்ச²ன்னாயோபி அப்படிச்ச²ன்னாயோபி…பே… அபரிமாணா அப்படிச்ச²ன்னாயோ…பே… அபரிமாணா படிச்ச²ன்னாயோ…பே… அபரிமாணா படிச்ச²ன்னாயோபி அப்படிச்ச²ன்னாயோபி…பே… பரிமாணாயோபி அபரிமாணாயோபி அப்படிச்ச²ன்னாயோ…பே… பரிமாணாயோபி அபரிமாணாயோபி படிச்ச²ன்னாயோ…பே… பரிமாணாயோபி அபரிமாணாயோபி படிச்ச²ன்னாயோபி அப்படிச்ச²ன்னாயோபி. ஸோ பி⁴க்கு² மூலாய படிகஸ்ஸிதப்³போ³. யதா²படிச்ச²ன்னானஞ்சஸ்ஸ ஆபத்தீனம் புரிமாய ஆபத்தியா ஸமோதா⁴னபரிவாஸோ தா³தப்³போ³.

ச²த்திம்ஸகம் ஸமத்தம்.