10. து³தியனவகம் [இத³ம் நவகம் போராணபோத்த²கேஸு அவிஸுத்³தி⁴வஸேனேவ ஆக³தம், வுச்சமானததியனவகேன ச ஸம்ஸட்ட²ம். தம் படிவிஸோத⁴கேஹி அஸம்ஸட்ட²ம் கத்வா விஸும் பதிட்டா²பிதம். ஸீஹளஸ்யாமபோத்த²கேஸு பன தம் விஸுத்³தி⁴வஸேனேவ ஆக³தம். தம் பனேவம் வேதி³தப்³ப³ம் –§10- மூலாயவிஸுத்³தி⁴னவக (ஸீ. ஸ்யா.)§183. இத⁴ பன பி⁴க்க²வே பி⁴க்கு² ஸம்ப³ஹுலா ஸம்கா⁴தி³ஸேஸா ஆபத்தியோ ஆபஜ்ஜதி பரிமாணம்பி அபரிமாணம்பி…பே… வவத்தி²தம்பி ஸம்பி⁴ன்னம்பி. ஸோ ஸம்க⁴ம் தாஸம் ஆபத்தீனம் ஸமோதா⁴னபரிவாஸம் யாசதி, தஸ்ஸ தஸ்ஸ ஸம்கோ⁴ தாஸம் ஆபத்தீனம் ஸமோதா⁴னபரிவாஸம் தே³தி, ஸோ பரிவஸந்தோ அந்தரா ஸம்ப³ஹுலா ஸம்கா⁴தி³ஸேஸா ஆபத்தியோ ஆபஜ்ஜதி பரிமாணாயோ அப்படிச்ச²ன்னாயோ…பே… பரிமாணாயோ படிச்ச²ன்னாயோ…பே… பரிமாணாயோ படிச்ச²ன்னாயோபி அப்படிச்ச²ன்னாயோபி. ஸோ ஸம்க⁴ம் அந்தராஆபத்தீனம் மூலாயபடிகஸ்ஸனம் யாசதி, தம் ஸம்கோ⁴ அந்தராஆபத்தீனம் மூலாய படிகஸ்ஸதி த⁴ம்மிகேன கம்மேன அகுப்பேன டா²னாரஹேன, த⁴ம்மேன ஸமோதா⁴னபரிவாஸம் தே³தி, த⁴ம்மேன மானத்தம் தே³தி, த⁴ம்மேன அப்³பே⁴தி. ஸோ பி⁴க்க²வே பி⁴க்கு² விஸுத்³தோ⁴ தாஹி ஆபத்தீஹி. (1-3)§இத⁴ பன பி⁴க்க²வே பி⁴க்கு² ஸம்ப³ஹுலா ஸம்கா⁴தி³ஸேஸா ஆபத்தியோ ஆபஜ்ஜதி பரிமாணம்பி அபரிமாணம்பி…பே… வவத்தி²தம்பி ஸம்பி⁴ன்னம்பி. ஸோ ஸம்க⁴ம் தாஸம் ஆபத்தீனம் ஸமோதா⁴னபரிவாஸம் யாசதி, தஸ்ஸ ஸம்கோ⁴ தாஸம் ஆபத்தீனம் ஸமோதா⁴னபரிவாஸம் தே³தி, ஸோ பரிவஸந்தோ அந்தரா ஸம்ப³ஹுலா ஸம்கா⁴தி³ஸேஸா ஆபத்தியோ ஆபஜ்ஜதி அபரிமாணாயோ அப்படிச்ச²ன்னாயோ…பே… அபரிமாணாயோ படிச்ச²ன்னாயோ…பே… அபரிமாணாயோ படிச்ச²ன்னாயோபி அப்படிச்ச²ன்னாயோபி. ஸோ ஸம்க⁴ம் அந்தராஆபத்தீனம் மூலாயபடிகஸ்ஸனம் யாசதி, தம் ஸம்கோ⁴ அந்தராஆபத்தீனம் மூலாய படிகஸ்ஸதி த⁴ம்மிகேன கம்மேன அகுப்பேன டா²னாரஹேன, த⁴ம்மேன ஸமோதா⁴னபரிவாஸம் தே³தி, த⁴ம்மேன மானத்தம் தே³தி, த⁴ம்மேன அப்³பே⁴தி. ஸோ பி⁴க்க²வே பி⁴க்கு² விஸுத்³தோ⁴ தாஹி ஆபத்தீதி. (4-6)§இத⁴ பன பி⁴க்க²வே பி⁴க்கு² ஸம்ப³ஹுலா ஸம்கா⁴தி³ஸேஸா ஆபத்தியோ ஆபஜ்ஜதீ பரிமாணம்பி அபரிமாணம்பி…பே… வவத்தி²தம்பி ஸம்பி⁴ன்னம்பி. ஸோ ஸம்க⁴ம் தாஸம் ஆபத்தீனம் ஸமோதா⁴னபரிவாஸம் யாசதி, தஸ்ஸ ஸம்கோ⁴ தாஸம் ஆபத்தீனம் ஸமோதா⁴னபரிவாஸம் தே³தி, ஸோ பரிவஸந்தோ அந்தரா ஸம்ப³ஹுலா ஸம்கா⁴தி³ஸேஸா ஆபத்தியோ ஆபஜ்ஜதி பரிமாணாயோபி அபரிமாணாயோபி அப்படிச்ச²ன்னாயோ…பே… பரிமாணாயோபி அபரிமாணாயோபி படிச்ச²ன்னாயோ…பே… பரிமாணாயோபி அபரிமாணாயோபி படிச்ச²ன்னாயோபி அப்படிச்ச²ன்னாயோபி. ஸோ ஸம்க⁴ம் அந்தராஆபத்தீனம் மூலாயபடிகஸ்ஸனம் யாசதி, தம் ஸம்கோ⁴ அந்தராஆபத்தீனம் மூலாய படிகஸ்ஸதி த⁴ம்மிகேன கம்மேன அகுப்பேன டா²னாரஹேன, த⁴ம்மேன ஸமோதா⁴னபரிவாஸம் தே³தி, த⁴ம்மேன மானத்தம் தே³தி, த⁴ம்மேன அப்³பே⁴தி. ஸோ பி⁴க்க²வே பி⁴க்கு² விஸுத்³தோ⁴ தாஹி ஆபத்தீஹி. (7-9)§மூலாய விஸுத்³தி⁴னவகம் நிட்டி²தம்.]

183. ‘‘இத⁴ பன, பி⁴க்க²வே, பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணம்பி அபரிமாணம்பி…பே… வவத்தி²தம்பி ஸம்பி⁴ன்னம்பி. ஸோ ஸங்க⁴ம் தாஸம் ஆபத்தீனம் ஸமோதா⁴னபரிவாஸம் யாசதி. தஸ்ஸ ஸங்கோ⁴ தாஸம் ஆபத்தீனம் ஸமோதா⁴னபரிவாஸம் தே³தி. ஸோ பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணா அப்படிச்ச²ன்னாயோ. ஸோ ஸங்க⁴ம் அந்தராஆபத்தீனம் மூலாயபடிகஸ்ஸனம் யாசதி. தம் ஸங்கோ⁴ அந்தராஆபத்தீனம் மூலாய படிகஸ்ஸதி அத⁴ம்மிகேன கம்மேன குப்பேன அட்டா²னாரஹேன, அத⁴ம்மேன ஸமோதா⁴னபரிவாஸம் தே³தி; த⁴ம்மேன மானத்தம் தே³தி, த⁴ம்மேன அப்³பே⁴தி. ஸோ, பி⁴க்க²வே, பி⁴க்கு² அவிஸுத்³தோ⁴ தாஹி ஆபத்தீஹி. (1)

இத⁴ பன, பி⁴க்க²வே, பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணம்பி அபரிமாணம்பி…பே… வவத்தி²தம்பி ஸம்பி⁴ன்னம்பி. ஸோ ஸங்க⁴ம் தாஸம் ஆபத்தீனம் ஸமோதா⁴னபரிவாஸம் யாசதி. தஸ்ஸ ஸங்கோ⁴ தாஸம் ஆபத்தீனம் ஸமோதா⁴னபரிவாஸம் தே³தி. ஸோ பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணா படிச்ச²ன்னாயோ. ஸோ ஸங்க⁴ம் அந்தராஆபத்தீனம் மூலாயபடிகஸ்ஸனம் யாசதி. தம் ஸங்கோ⁴ அந்தராஆபத்தீனம் மூலாய படிகஸ்ஸதி அத⁴ம்மிகேன கம்மேன குப்பேன அட்டா²னாரஹேன, அத⁴ம்மேன ஸமோதா⁴னபரிவாஸம் தே³தி; த⁴ம்மேன மானத்தம் தே³தி, த⁴ம்மேன அப்³பே⁴தி. ஸோ, பி⁴க்க²வே, பி⁴க்கு² அவிஸுத்³தோ⁴ தாஹி ஆபத்தீஹி. (2)

‘‘இத⁴ பன, பி⁴க்க²வே, பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணம்பி அபரிமாணம்பி…பே… வவத்தி²தம்பி ஸம்பி⁴ன்னம்பி. ஸோ ஸங்க⁴ம் தாஸம் ஆபத்தீனம் ஸமோதா⁴னபரிவாஸம் யாசதி. தஸ்ஸ ஸங்கோ⁴ தாஸம் ஆபத்தீனம் ஸமோதா⁴னபரிவாஸம் தே³தி. ஸோ பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணா படிச்ச²ன்னாயோபி அப்படிச்ச²ன்னாயோபி. ஸோ ஸங்க⁴ம் அந்தராஆபத்தீனம் மூலாயபடிகஸ்ஸனம் யாசதி. தம் ஸங்கோ⁴ அந்தராஆபத்தீனம் மூலாய படிகஸ்ஸதி அத⁴ம்மிகேன கம்மேன குப்பேன அட்டா²னாரஹேன, அத⁴ம்மேன ஸமோதா⁴னபரிவாஸம் தே³தி; த⁴ம்மேன மானத்தம் தே³தி, த⁴ம்மேன அப்³பே⁴தி. ஸோ பி⁴க்க²வே, பி⁴க்கு² அவிஸுத்³தோ⁴ தாஹி ஆபத்தீஹி. (3)

‘‘இத⁴ பன, பி⁴க்க²வே, பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணம்பி அபரிமாணம்பி, ஏகனாமம்பி நானானாமம்பி, ஸபா⁴க³ம்பி விஸபா⁴க³ம்பி, வவத்தி²தம்பி ஸம்பி⁴ன்னம்பி. ஸோ ஸங்க⁴ம் தாஸம் ஆபத்தீனம் ஸமோதா⁴னபரிவாஸம் யாசதி. தஸ்ஸ ஸங்கோ⁴ தாஸம் ஆபத்தீனம் ஸமோதா⁴னபரிவாஸம் தே³தி. ஸோ பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி அபரிமாணா அப்படிச்ச²ன்னாயோ…பே… அபரிமாணா படிச்ச²ன்னாயோ…பே… அபரிமாணா படிச்ச²ன்னாயோபி அப்படிச்ச²ன்னாயோபி…பே… பரிமாணாயோபி அபரிமாணாயோபி அப்படிச்ச²ன்னாயோ. ஸோ ஸங்க⁴ம் அந்தராஆபத்தீனம் மூலாயபடிகஸ்ஸனம் யாசதி. தம் ஸங்கோ⁴ அந்தராஆபத்தீனம் மூலாய படிகஸ்ஸதி அத⁴ம்மிகேன கம்மேன குப்பேன அட்டா²னாரஹேன, அத⁴ம்மேன ஸமோதா⁴னபரிவாஸம் தே³தி; த⁴ம்மேன மானத்தம் தே³தி, த⁴ம்மேன அப்³பே⁴தி. ஸோ, பி⁴க்க²வே, பி⁴க்கு² அவிஸுத்³தோ⁴ தாஹி ஆபத்தீஹி. (4-7)

‘‘இத⁴ பன, பி⁴க்க²வே, பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணம்பி அபரிமாணம்பி…பே… வவத்தி²தம்பி ஸம்பி⁴ன்னம்பி. ஸோ ஸங்க⁴ம் தாஸம் ஆபத்தீனம் ஸமோதா⁴னபரிவாஸம் யாசதி. தஸ்ஸ ஸங்கோ⁴ தாஸம் ஆபத்தீனம் ஸமோதா⁴னபரிவாஸம் தே³தி. ஸோ பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணாயோபி அபரிமாணாயோபி படிச்ச²ன்னாயோ. ஸோ ஸங்க⁴ம் அந்தராஆபத்தீனம் மூலாயபடிகஸ்ஸனம் யாசதி. தம் ஸங்கோ⁴ அந்தராஆபத்தீனம் மூலாய படிகஸ்ஸதி அத⁴ம்மிகேன கம்மேன குப்பேன அட்டா²னாரஹேன, அத⁴ம்மேன ஸமோதா⁴னபரிவாஸம் தே³தி, த⁴ம்மேன மானத்தம் தே³தி, த⁴ம்மேன அப்³பே⁴தி. ஸோ, பி⁴க்க²வே, பி⁴க்கு² அவிஸுத்³தோ⁴ தாஹி ஆபத்தீஹி. (8)

‘‘இத⁴ பன, பி⁴க்க²வே, பி⁴க்கு² ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணம்பி அபரிமாணம்பி…பே… வவத்தி²தம்பி ஸம்பி⁴ன்னம்பி. ஸோ ஸங்க⁴ம் தாஸம் ஆபத்தீனம் ஸமோதா⁴னபரிவாஸம் யாசதி. தஸ்ஸ ஸங்கோ⁴ தாஸம் ஆபத்தீனம் ஸமோதா⁴னபரிவாஸம் தே³தி. ஸோ பரிவஸந்தோ அந்தரா ஸம்ப³ஹுலா ஸங்கா⁴தி³ஸேஸா ஆபத்தியோ ஆபஜ்ஜதி பரிமாணாயோபி அபரிமாணாயோபி படிச்ச²ன்னாயோபி அப்படிச்ச²ன்னாயோபி. ஸோ ஸங்க⁴ம் அந்தராஆபத்தீனம் மூலாயபடிகஸ்ஸனம் யாசதி. தம் ஸங்கோ⁴ அந்தராஆபத்தீனம் மூலாய படிகஸ்ஸதி அத⁴ம்மிகேன கம்மேன குப்பேன அட்டா²னாரஹேன, அத⁴ம்மேன ஸமோதா⁴னபரிவாஸம் தே³தி; த⁴ம்மேன மானத்தம் தே³தி, த⁴ம்மேன அப்³பே⁴தி. ஸோ, பி⁴க்க²வே, பி⁴க்கு² அவிஸுத்³தோ⁴ தாஹி ஆபத்தீஹி. (9)

து³தியனவகம் நிட்டி²தம்.