2. பாரிவாஸிகக்க²ந்த⁴கம்

1. பாரிவாஸிகவத்தம்

75. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன பாரிவாஸிகா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரம், ஸேய்யாபி⁴ஹாரம், பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்மம். யே தே பி⁴க்கூ² அப்பிச்சா²…பே… தே உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம பாரிவாஸிகா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரம், ஸேய்யாபி⁴ஹாரம், பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்ம’’ந்தி! அத² கோ² தே பி⁴க்கூ² ப⁴க³வதோ ஏதமத்த²ம் ஆரோசேஸும்.

அத² கோ² ப⁴க³வா ஏதஸ்மிம் நிதா³னே ஏதஸ்மிம் பகரணே பி⁴க்கு²ஸங்க⁴ம் ஸன்னிபாதாபேத்வா பி⁴க்கூ² படிபுச்சி² – ‘‘ஸச்சம் கிர, பி⁴க்க²வே, பாரிவாஸிகா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரம், ஸேய்யாபி⁴ஹாரம், பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்ம’’ந்தி? ‘‘ஸச்சம் ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம்…பே… கத²ஞ்ஹி நாம, பி⁴க்க²வே, பாரிவாஸிகா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரம், ஸேய்யாபி⁴ஹாரம், பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்மம். நேதம், பி⁴க்க²வே, அப்பஸன்னானம் வா பஸாதா³ய…பே… விக³ரஹித்வா…பே… த⁴ம்மிம் கத²ம் கத்வா பி⁴க்கூ² ஆமந்தேஸி – ‘‘ந, பி⁴க்க²வே, பாரிவாஸிகேன பி⁴க்கு²னா ஸாதி³தப்³ப³ம் பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரோ, ஸேய்யாபி⁴ஹாரோ, பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்மம். யோ ஸாதி³யேய்ய, ஆபத்தி து³க்கடஸ்ஸ.

‘‘அனுஜானாமி, பி⁴க்க²வே, பாரிவாஸிகானம் பி⁴க்கூ²னம் மிது² யதா²வுட்³ட⁴ம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரம், ஸேய்யாபி⁴ஹாரம், பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்மம்.

‘‘அனுஜானாமி, பி⁴க்க²வே, பாரிவாஸிகானம் பி⁴க்கூ²னம் பஞ்ச யதா²வுட்³ட⁴ம் – உபோஸத²ம், பவாரணம், வஸ்ஸிகஸாடிகம், ஓணோஜனம், ப⁴த்தம். தேன ஹி, பி⁴க்க²வே, பாரிவாஸிகானம் பி⁴க்கூ²னம் வத்தம் பஞ்ஞபேஸ்ஸாமி யதா² பாரிவாஸிகேஹி பி⁴க்கூ²ஹி வத்திதப்³ப³ம்.

76. ‘‘பாரிவாஸிகேன, பி⁴க்க²வே, பி⁴க்கு²னா ஸம்மா வத்திதப்³ப³ம். தத்ராயம் ஸம்மாவத்தனா –

ந உபஸம்பாதே³தப்³ப³ம், ந நிஸ்ஸயோ தா³தப்³போ³, ந ஸாமணேரோ உபட்டா²பேதப்³போ³, ந பி⁴க்கு²னோவாத³கஸம்முதி ஸாதி³தப்³பா³, ஸம்மதேனபி பி⁴க்கு²னியோ ந ஓவதி³தப்³பா³. யாய ஆபத்தியா ஸங்கே⁴ன பரிவாஸோ தி³ன்னோ ஹோதி ஸா ஆபத்தி ந ஆபஜ்ஜிதப்³பா³, அஞ்ஞா வா தாதி³ஸிகா, ததோ வா பாபிட்ட²தரா; கம்மம் ந க³ரஹிதப்³ப³ம், கம்மிகா ந க³ரஹிதப்³பா³. ந பகதத்தஸ்ஸ பி⁴க்கு²னோ உபோஸதோ² ட²பேதப்³போ³, ந பவாரணா ட²பேதப்³பா³, ந ஸவசனீயம் காதப்³ப³ம், ந அனுவாதோ³ பட்ட²பேதப்³போ³, ந ஓகாஸோ காரேதப்³போ³, ந சோதே³தப்³போ³, ந ஸாரேதப்³போ³, ந பி⁴க்கூ²ஹி ஸம்பயோஜேதப்³ப³ம்.

‘‘ந, பி⁴க்க²வே, பாரிவாஸிகேன பி⁴க்கு²னா பகதத்தஸ்ஸ பி⁴க்கு²னோ புரதோ க³ந்தப்³ப³ம், ந புரதோ நிஸீதி³தப்³ப³ம். யோ ஹோதி ஸங்க⁴ஸ்ஸ ஆஸனபரியந்தோ ஸேய்யாபரியந்தோ விஹாரபரியந்தோ ஸோ தஸ்ஸ பதா³தப்³போ³. தேன ச ஸோ ஸாதி³தப்³போ³.

‘‘ந, பி⁴க்க²வே, பாரிவாஸிகேன பி⁴க்கு²னா பகதத்தேன பி⁴க்கு²னா புரேஸமணேன வா பச்சா²ஸமணேன வா குலானி உபஸங்கமிதப்³பா³னி, ந ஆரஞ்ஞிகங்க³ம் ஸமாதா³தப்³ப³ம் [ஸமாதி³தப்³ப³ம் (க.)], ந பிண்ட³பாதிகங்க³ம் ஸமாதா³தப்³ப³ம், ந ச தப்பச்சயா பிண்ட³பாதோ நீஹராபேதப்³போ³ – மா மம் ஜானிம்ஸூதி.

‘‘பாரிவாஸிகேன, பி⁴க்க²வே, பி⁴க்கு²னா ஆக³ந்துகேன ஆரோசேதப்³ப³ம், ஆக³ந்துகஸ்ஸ ஆரோசேதப்³ப³ம், உபோஸதே² ஆரோசேதப்³ப³ம், பவாரணாய ஆரோசேதப்³ப³ம். ஸசே கி³லானோ ஹோதி, தூ³தேனபி ஆரோசேதப்³ப³ம்.

‘‘ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா அனாவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா அனாவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா அனாவாஸா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா அபி⁴க்கு²கோ ஆவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா அபி⁴க்கு²கோ அனாவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா. ந, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா.

80. ‘‘க³ந்தப்³போ³, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ அனாவாஸோ, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ அனாவாஸோ, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ அனாவாஸோ, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, பாரிவாஸிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

81. ‘‘ந, பி⁴க்க²வே, பாரிவாஸிகேன பி⁴க்கு²னா பகதத்தேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம். பகதத்தம் பி⁴க்கு²ம் தி³ஸ்வா ஆஸனா வுட்டா²தப்³ப³ம். பகதத்தோ பி⁴க்கு² ஆஸனேன நிமந்தேதப்³போ³. ந பகதத்தேன பி⁴க்கு²னா ஸத்³தி⁴ம் ஏகாஸனே நிஸீதி³தப்³ப³ம், ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம், ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே [சங்கமந்தம் (அட்ட²கதா²யம் ஸம்வண்ணேதப்³ப³பாடோ²)] சங்கமே சங்கமிதப்³ப³ம்.

82. ‘‘ந, பி⁴க்க²வே, பாரிவாஸிகேன பி⁴க்கு²னா பாரிவாஸிகேன வுட்³ட⁴தரேன பி⁴க்கு²னா ஸத்³தி⁴ம்…பே… மூலாயபடிகஸ்ஸனாரஹேன பி⁴க்கு²னா ஸத்³தி⁴ம்…பே… மானத்தாரஹேன பி⁴க்கு²னா ஸத்³தி⁴ம்…பே… மானத்தசாரிகேன பி⁴க்கு²னா ஸத்³தி⁴ம்…பே… அப்³பா⁴னாரஹேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம்; ந ஏகாஸனே நிஸீதி³தப்³ப³ம், ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம், ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே சங்கமே சங்கமிதப்³ப³ம்.

[மஹாவ. 393] ‘‘பாரிவாஸிகசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய, அகம்மம் [அகம்மம் தம் (ஸ்யா.)], ந ச கரணீய’’ந்தி.

சதுன்னவுதிபாரிவாஸிகவத்தம் நிட்டி²தம்.

83. அத² கோ² ஆயஸ்மா உபாலி யேன ப⁴க³வா தேனுபஸங்கமி. உபஸங்கமித்வா ப⁴க³வந்தம் அபி⁴வாதே³த்வா ஏகமந்தம் நிஸீதி³. ஏகமந்தம் நிஸின்னோ கோ² ஆயஸ்மா உபாலி ப⁴க³வந்தம் ஏதத³வோச – ‘‘கதி நு கோ², ப⁴ந்தே, பாரிவாஸிகஸ்ஸ பி⁴க்கு²னோ ரத்திச்சே²தா³’’தி? ‘‘தயோ கோ², உபாலி, பாரிவாஸிகஸ்ஸ பி⁴க்கு²னோ ரத்திச்சே²தா³. ஸஹவாஸோ, விப்பவாஸோ, அனாரோசனா – இமே கோ², உபாலி, தயோ பாரிவாஸிகஸ்ஸ பி⁴க்கு²னோ ரத்திச்சே²தா³’’தி.

84. தேன கோ² பன ஸமயேன ஸாவத்தி²யம் மஹாபி⁴க்கு²ஸங்கோ⁴ ஸன்னிபதிதோ ஹோதி. ந ஸக்கோந்தி பாரிவாஸிகா பி⁴க்கூ² பரிவாஸம் ஸோதே⁴தும். ப⁴க³வதோ [தே பி⁴க்கூ² ப⁴க³வதோ (ஸ்யா., ஏவமுபரிபி)] ஏதமத்த²ம் ஆரோசேஸும். ‘‘அனுஜானாமி, பி⁴க்க²வே, பரிவாஸம் நிக்கி²பிதும். ஏவஞ்ச பன, பி⁴க்க²வே, நிக்கி²பிதப்³போ³. தேன பாரிவாஸிகேன பி⁴க்கு²னா ஏகம் பி⁴க்கு²ம் உபஸங்கமித்வா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ – ‘பரிவாஸம் நிக்கி²பாமீ’தி. நிக்கி²த்தோ ஹோதி பரிவாஸோ. ‘வத்தம் நிக்கி²பாமீ’தி. நிக்கி²த்தோ ஹோதி பரிவாஸோ.

85. தேன கோ² பன ஸமயேன ஸாவத்தி²யா பி⁴க்கூ² தஹம் தஹம் பக்கமிம்ஸு. ஸக்கோந்தி பாரிவாஸிகா பி⁴க்கூ² பரிவாஸம் ஸோதே⁴தும். ப⁴க³வதோ ஏதமத்த²ம் ஆரோசேஸும். ‘‘அனுஜானாமி, பி⁴க்க²வே, பரிவாஸம் ஸமாதி³யிதும் [ஸமாதா³தும் (ஸ்யா. கம்.)]. ஏவஞ்ச பன, பி⁴க்க²வே, ஸமாதி³யிதப்³போ³ [ஸமாதி³தப்³போ³ (ஸீ. ஸ்யா. கம்.)]. தேன பாரிவாஸிகேன பி⁴க்கு²னா ஏகம் பி⁴க்கு²ம் உபஸங்கமித்வா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ – ‘பரிவாஸம் ஸமாதி³யாமீ’தி. ஸமாதி³ன்னோ ஹோதி பரிவாஸோ. ‘வத்தம் ஸமாதி³யாமீ’தி. ஸமாதி³ன்னோ ஹோதி பரிவாஸோ’’.

பாரிவாஸிகவத்தம் நிட்டி²தம்.

2. மூலாயபடிகஸ்ஸனாரஹவத்தம்

86. தேன கோ² பன ஸமயேன மூலாயபடிகஸ்ஸனாரஹா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரம், ஸேய்யாபி⁴ஹாரம், பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்மம். யே தே பி⁴க்கூ² அப்பிச்சா²…பே… தே உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம மூலாயபடிகஸ்ஸனாரஹா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்ம’’ந்தி. அத² கோ² தே பி⁴க்கூ² ப⁴க³வதோ ஏதமத்த²ம் ஆரோசேஸும்.

அத² கோ² ப⁴க³வா ஏதஸ்மிம் நிதா³னே ஏதஸ்மிம் பகரணே பி⁴க்கு²ஸங்க⁴ம் ஸன்னிபாதாபேத்வா பி⁴க்கூ² படிபுச்சி² – ‘‘ஸச்சம் கிர, பி⁴க்க²வே, மூலாயபடிகஸ்ஸனாரஹா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்ம’’ந்தி? ‘‘ஸச்சம் ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம்…பே… கத²ஞ்ஹி நாம, பி⁴க்க²வே, மூலாயபடிகஸ்ஸனாரஹா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்மம்! நேதம் பி⁴க்க²வே, அப்பஸன்னானம் வா பஸாதா³ய…பே… விக³ரஹித்வா…பே… த⁴ம்மிம் கத²ம் கத்வா பி⁴க்கூ² ஆமந்தேஸி – ‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸாதி³தப்³ப³ம் பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரோ, ஸேய்யாபி⁴ஹாரோ, பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்மம். யோ ஸாதி³யேய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, மூலாயபடிகஸ்ஸனாரஹானம் பி⁴க்கூ²னம் மிது² யதா²வுட்³ட⁴ம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்மம். அனுஜானாமி, பி⁴க்க²வே, மூலாயபடிகஸ்ஸனாரஹானம் பி⁴க்கூ²னம் பஞ்ச யதா²வுட்³ட⁴ம் – உபோஸத²ம், பவாரணம், வஸ்ஸிகஸாடிகம், ஓணோஜனம், ப⁴த்தம். தேன ஹி, பி⁴க்க²வே, மூலாயபடிகஸ்ஸனாரஹானம் பி⁴க்கூ²னம் வத்தம் பஞ்ஞாபேஸ்ஸாமி யதா² மூலாயபடிகஸ்ஸனாரஹேஹி பி⁴க்கூ²ஹி வத்திதப்³ப³ம்.

87. ‘‘மூலாயபடிகஸ்ஸனாரஹேன, பி⁴க்க²வே, பி⁴க்கு²னா ஸம்மா வத்திதப்³ப³ம். தத்ராயம் ஸம்மாவத்தனா –

ந உபஸம்பாதே³தப்³ப³ம், ந நிஸ்ஸயோ தா³தப்³போ³, ந ஸாமணேரோ உபட்டா²பேதப்³போ³, ந பி⁴க்கு²னோவாத³கஸம்முதி ஸாதி³தப்³பா³, ஸம்மதேனபி பி⁴க்கு²னியோ ந ஓவதி³தப்³பா³. யாய ஆபத்தியா ஸங்கே⁴ன மூலாய படிகஸ்ஸனாரஹோ கதோ ஹோதி ஸா ஆபத்தி ந ஆபஜ்ஜிதப்³பா³, அஞ்ஞா வா தாதி³ஸிகா, ததோ வா பாபிட்ட²தரா; கம்மம் ந க³ரஹிதப்³ப³ம், கம்மிகா ந க³ரஹிதப்³பா³. ந பகதத்தஸ்ஸ பி⁴க்கு²னோ உபோஸதோ² ட²பேதப்³போ³, ந பவாரணா ட²பேதப்³பா³, ந ஸவசனீயம் காதப்³ப³ம், ந அனுவாதோ³ பட்ட²பேதப்³போ³, ந ஓகாஸோ காரேதப்³போ³, ந சோதே³தப்³போ³, ந ஸாரேதப்³போ³, ந பி⁴க்கூ²ஹி ஸம்பயோஜேதப்³ப³ம்.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா பகதத்தஸ்ஸ பி⁴க்கு²னோ புரதோ க³ந்தப்³ப³ம், ந புரதோ நிஸீதி³தப்³ப³ம். யோ ஹோதி ஸங்க⁴ஸ்ஸ ஆஸனபரியந்தோ ஸேய்யாபரியந்தோ விஹாரபரியந்தோ ஸோ தஸ்ஸ பதா³தப்³போ³. தேன ச ஸோ ஸாதி³தப்³போ³.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா பகதத்தேன பி⁴க்கு²னா புரேஸமணேன வா பச்சா²ஸமணேன வா குலானி உபஸங்கமிதப்³பா³னி, ந ஆரஞ்ஞிகங்க³ம் ஸமாதா³தப்³ப³ம், ந பிண்ட³பாதிகங்க³ம் ஸமாதா³தப்³ப³ம், ந ச தப்பச்சயா பிண்ட³பாதோ நீஹராபேதப்³போ³ – மா மம் ஜானிம்ஸூதி.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா அனாவாஸா அபி⁴க்கு²கோ ஆவாஸோ க³ந்தப்³போ³…பே… அபி⁴க்கு²கோ அனாவாஸோ க³ந்தப்³போ³…பே… அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா ஆவாஸா வா அனாவாஸா வா அபி⁴க்கு²கோ ஆவாஸோ க³ந்தப்³போ³…பே… அபி⁴க்கு²கோ அனாவாஸோ க³ந்தப்³போ³…பே… அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ க³ந்தப்³போ³…பே… ஸபி⁴க்கு²கோ அனாவாஸோ க³ந்தப்³போ³…பே… ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ க³ந்தப்³போ³…பே… ஸபி⁴க்கு²கோ அனாவாஸோ க³ந்தப்³போ³…பே… ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ க³ந்தப்³போ³…பே… ஸபி⁴க்கு²கோ அனாவாஸோ க³ந்தப்³போ³…பே… ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா.

‘‘க³ந்தப்³போ³, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, மூலாயபடிகஸ்ஸனாரஹேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா பகதத்தேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம்; பகதத்தம் பி⁴க்கு²ம் தி³ஸ்வா ஆஸனா வுட்டா²தப்³ப³ம், பகதத்தோ பி⁴க்கு² ஆஸனேன நிமந்தேதப்³போ³; ந பகதத்தேன பி⁴க்கு²னா ஸத்³தி⁴ம் ஏகாஸனே நிஸீதி³தப்³ப³ம்; ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம்; ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே சங்கமே சங்கமிதப்³ப³ம்.

‘‘ந, பி⁴க்க²வே, மூலாயபடிகஸ்ஸனாரஹேன பி⁴க்கு²னா பாரிவாஸிகேன பி⁴க்கு²னா ஸத்³தி⁴ம்…பே… மூலாயபடிகஸ்ஸனாரஹேன வுட்³ட⁴தரேன பி⁴க்கு²னா ஸத்³தி⁴ம்…பே… மானத்தாரஹேன பி⁴க்கு²னா ஸத்³தி⁴ம்…பே… மானத்தசாரிகேன பி⁴க்கு²னா ஸத்³தி⁴ம்…பே… அப்³பா⁴னாரஹேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம்; ந ஏகாஸனே நிஸீதி³தப்³ப³ம்; ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம், ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே சங்கமே சங்கமிதப்³ப³ம்.

[மஹாவ. 393] ‘‘மூலாயபடிகஸ்ஸனாரஹசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய, அகம்மம், ந ச கரணீய’’ந்தி.

மூலாயபடிகஸ்ஸனாரஹவத்தம் நிட்டி²தம்.

3. மானத்தாரஹவத்தம்

88. தேன கோ² பன ஸமயேன மானத்தாரஹா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரம், ஸேய்யாபி⁴ஹாரம், பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்மம். யே தே பி⁴க்கூ² அப்பிச்சா² …பே… தே உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம மானத்தாரஹா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரம், ஸேய்யாபி⁴ஹாரம், பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்ம’’ந்தி! அத² கோ² தே பி⁴க்கூ² ப⁴க³வதோ ஏதமத்த²ம் ஆரோசேஸும்…பே… ‘‘ஸச்சம் கிர, பி⁴க்க²வே, மானத்தாரஹா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்ம’’ந்தி? ‘‘ஸச்சம் ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம்…பே… கத²ஞ்ஹி நாம, பி⁴க்க²வே, மானத்தாரஹா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம்…பே… நஹானே பிட்டி²பரிகம்மம்! நேதம், பி⁴க்க²வே, அப்பஸன்னானம் வா பஸாதா³ய…பே… விக³ரஹித்வா…பே… த⁴ம்மிம் கத²ம் கத்வா பி⁴க்கூ² ஆமந்தேஸி – ‘‘ந, பி⁴க்க²வே, மானத்தாரஹேன பி⁴க்கு²னா ஸாதி³தப்³ப³ம் பகதத்தானம் பி⁴க்கூ²னம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்மம். யோ ஸாதி³யேய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, மானத்தாரஹானம் பி⁴க்கூ²னம் மிது² யதா²வுட்³ட⁴ம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்மம். அனுஜானாமி, பி⁴க்க²வே, மானத்தாரஹானம் பி⁴க்கூ²னம் பஞ்ச யதா²வுட்³ட⁴ம் – உபோஸத²ம், பவாரணம், வஸ்ஸிகஸாடிகம், ஓணோஜனம், ப⁴த்தம். தேன ஹி, பி⁴க்க²வே, மானத்தாரஹானம் பி⁴க்கூ²னம் வத்தம் பஞ்ஞாபேஸ்ஸாமி யதா² மானத்தாரஹேஹி பி⁴க்கூ²ஹி வத்திதப்³ப³ம்.

89. ‘‘மானத்தாரஹேன, பி⁴க்க²வே, பி⁴க்கு²னா ஸம்மா வத்திதப்³ப³ம். தத்ராயம் ஸம்மாவத்தனா –

ந உபஸம்பாதே³தப்³ப³ம்…பே… (யதா² மூலாய படிகஸ்ஸனா, ததா² வித்தா²ரேதப்³ப³ம்.) ந பி⁴க்கூ²ஹி ஸம்பயோஜேதப்³ப³ம்.

‘‘ந, பி⁴க்க²வே, மானத்தாரஹேன பி⁴க்கு²னா பகதத்தஸ்ஸ பி⁴க்கு²னோ புரதோ க³ந்தப்³ப³ம், ந புரதோ நிஸீதி³தப்³ப³ம். யோ ஹோதி ஸங்க⁴ஸ்ஸ ஆஸனபரியந்தோ ஸேய்யாபரியந்தோ விஹாரபரியந்தோ ஸோ தஸ்ஸ பதா³தப்³போ³. தேன ச ஸோ ஸாதி³தப்³போ³.

‘‘ந, பி⁴க்க²வே, மானத்தாரஹேன பி⁴க்கு²னா பகதத்தேன பி⁴க்கு²னா புரேஸமணேன வா பச்சா²ஸமணேன வா குலானி உபஸங்கமிதப்³பா³னி, ந ஆரஞ்ஞிகங்க³ம் ஸமாதா³தப்³ப³ம், ந பிண்ட³பாதிகங்க³ம் ஸமாதா³தப்³ப³ம், ந ச தப்பச்சயா பிண்ட³பாதோ நீஹராபேதப்³போ³ – மா மம் ஜானிம்ஸூதி.

‘‘ந, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மனத்தாரஹேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா அனாவாஸா அபி⁴க்கு²கோ ஆவாஸோ க³ந்தப்³போ³…பே… அபி⁴க்கு²கோ அனாவாஸோ க³ந்தப்³போ³…பே… அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா ஆவாஸா வா அனாவாஸா வா அபி⁴க்கு²கோ ஆவாஸோ க³ந்தப்³போ³…பே… அபி⁴க்கு²கோ அனாவாஸோ க³ந்தப்³போ³…பே… அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ க³ந்தப்³போ³…பே… ஸபி⁴க்கு²கோ அனாவாஸோ க³ந்தப்³போ³…பே… ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ க³ந்தப்³போ³…பே… ஸபி⁴க்கு²கோ அனாவாஸோ க³ந்தப்³போ³ …பே… ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ க³ந்தப்³போ³…பே… ஸபி⁴க்கு²கோ அனாவாஸோ க³ந்தப்³போ³…பே… ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர பகதத்தேன, அஞ்ஞத்ர அந்தராயா.

‘‘க³ந்தப்³போ³, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, மானத்தாரஹேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘ந, பி⁴க்க²வே, மானத்தாரஹேன பி⁴க்கு²னா பகதத்தேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம். பகதத்தம் பி⁴க்கு²ம் தி³ஸ்வா ஆஸனா வுட்டா²தப்³ப³ம். பகதத்தோ பி⁴க்கு² ஆஸனேன நிமந்தேதப்³போ³. ந பகதத்தேன பி⁴க்கு²னா ஸத்³தி⁴ம் ஏகாஸனே நிஸீதி³தப்³ப³ம், ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம், ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே சங்கமே சங்கமிதப்³ப³ம்.

‘‘ந, பி⁴க்க²வே, மானத்தாரஹேன பி⁴க்கு²னா பாரிவாஸிகேன பி⁴க்கு²னா ஸத்³தி⁴ம்…பே… மூலாயபடிகஸ்ஸனாரஹேன பி⁴க்கு²னா ஸத்³தி⁴ம்…பே… மானத்தாரஹேன வுட்³ட⁴தரேன பி⁴க்கு²னா ஸத்³தி⁴ம்…பே… மானத்தசாரிகேன பி⁴க்கு²னா ஸத்³தி⁴ம்…பே… அப்³பா⁴னாரஹேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம்; ந ஏகாஸனே நிஸீதி³தப்³ப³ம், ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம், ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே சங்கமே சங்கமிதப்³ப³ம்.

[மஹாவ. 393] ‘‘மானத்தாரஹசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய, அகம்மம், ந ச கரணீய’’ந்தி.

மானத்தாரஹவத்தம் நிட்டி²தம்.

4. மானத்தசாரிகவத்தம்

90. தேன கோ² பன ஸமயேன மானத்தசாரிகா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரம், ஸேய்யாபி⁴ஹாரம், பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்மம். யே தே பி⁴க்கூ² அப்பிச்சா²…பே… தே உஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம மானத்தசாரிகா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்ம’’ந்தி! அத² கோ² தே பி⁴க்கூ² ப⁴க³வதோ ஏதமத்த²ம் ஆரோசேஸும்.

அத² கோ² ப⁴க³வா ஏதஸ்மிம் நிதா³னே ஏதஸ்மிம் பகரணே பி⁴க்கு²ஸங்க⁴ம் ஸன்னிபாதாபேத்வா பி⁴க்கூ² படிபுச்சி² – ‘‘ஸச்சம் கிர, பி⁴க்க²வே, மானத்தசாரிகா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்ம’’ந்தி? ‘‘ஸச்சம் ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம்…பே… கத²ஞ்ஹி நாம, பி⁴க்க²வே, மானத்தசாரிகா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம்…பே… நஹானே பிட்டி²பரிகம்மம்! நேதம், பி⁴க்க²வே, அப்பஸன்னானம் வா பஸாதா³ய…பே… விக³ரஹித்வா…பே… த⁴ம்மிம் கத²ம் கத்வா பி⁴க்கூ² ஆமந்தேஸி –

‘‘ந, பி⁴க்க²வே, மானத்தசாரிகேன பி⁴க்கு²னா ஸாதி³தப்³ப³ம் பகதத்தானம் பி⁴க்கூ²னம் அபி⁴வாத³னம், பச்சுட்டா²னம், அஞ்ஜலிகம்மம், ஸாமீசிகம்மம், ஆஸனாபி⁴ஹாரோ, ஸேய்யாபி⁴ஹாரோ, பாதோ³த³கம் பாத³பீட²ம், பாத³கத²லிகம், பத்தசீவரபடிக்³க³ஹணம், நஹானே பிட்டி²பரிகம்மம். யோ ஸாதி³யேய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, மானத்தசாரிகானம் பி⁴க்கூ²னம் மிது² யதா²வுட்³ட⁴ம் அபி⁴வாத³னம், பச்சுட்டா²னம்…பே… நஹானே பிட்டி²பரிகம்மம். அனுஜானாமி, பி⁴க்க²வே, மானத்தசாரிகானம் பி⁴க்கூ²னம் பஞ்ச யதா²வுட்³ட⁴ம் – உபோஸத²ம், பவாரணம், வஸ்ஸிகஸாடிகம், ஓணோஜனம், ப⁴த்தம். தேன ஹி, பி⁴க்க²வே, மானத்தசாரிகானம் பி⁴க்கூ²னம் வத்தம் பஞ்ஞபேஸ்ஸாமி யதா² மானத்தசாரிகேஹி பி⁴க்கூ²ஹி வத்திதப்³ப³ம்.

91. ‘‘மானத்தசாரிகேன, பி⁴க்க²வே, பி⁴க்கு²னா ஸம்மா வத்திதப்³ப³ம். தத்ராயம் ஸம்மாவத்தனா –

ந உபஸம்பாதே³தப்³ப³ம், ந நிஸ்ஸயோ தா³தப்³போ³, ந ஸாமணேரோ உபட்டா²பேதப்³போ³, ந பி⁴க்கு²னோவாத³கஸம்முதி ஸாதி³தப்³பா³, ஸம்மதேனபி பி⁴க்கு²னியோ ந ஓவதி³தப்³பா³. யாய ஆபத்தியா ஸங்கே⁴ன மானத்தம் தி³ன்னம் ஹோதி ஸா ஆபத்தி ந ஆபஜ்ஜிதப்³பா³, அஞ்ஞா வா தாதி³ஸிகா, ததோ வா பாபிட்ட²தரா; கம்மம் ந க³ரஹிதப்³ப³ம், கம்மிகா ந க³ரஹிதப்³பா³. ந பகதத்தஸ்ஸ பி⁴க்கு²னோ உபோஸதோ² ட²பேதப்³போ³, ந பவாரணா ட²பேதப்³பா³, ந ஸவசனீயம் காதப்³ப³ம், ந அனுவாதோ³ பட்ட²பேதப்³போ³, ந ஓகாஸோ காரேதப்³போ³, ந சோதே³தப்³போ³, ந ஸாரேதப்³போ³, ந பி⁴க்கூ²ஹி ஸம்பயோஜேதப்³ப³ம்.

‘‘ந, பி⁴க்க²வே, மானத்தசாரிகேன பி⁴க்கு²னா பகதத்தஸ்ஸ பி⁴க்கு²னோ புரதோ க³ந்தப்³ப³ம், ந புரதோ நிஸீதி³தப்³ப³ம். யோ ஹோதி ஸங்க⁴ஸ்ஸ ஆஸனபரியந்தோ ஸேய்யாபரியந்தோ விஹாரபரியந்தோ ஸோ தஸ்ஸ பதா³தப்³போ³. தேன ச ஸோ ஸாதி³தப்³போ³.

‘‘ந, பி⁴க்க²வே, மானத்தசாரிகேன பி⁴க்கு²னா பகதத்தேன பி⁴க்கு²னா புரேஸமணேன வா பச்சா²ஸமணேன வா குலானி உபஸங்கமிதப்³பா³னி, ந ஆரஞ்ஞிகங்க³ம் ஸமாதா³தப்³ப³ம், ந பிண்ட³பாதிகங்க³ம் ஸமாதா³தப்³ப³ம், ந ச தப்பச்சயா பிண்ட³பாதோ நீஹராபேதப்³போ³ – மா மம் ஜானிம்ஸூதி.

‘‘மானத்தசாரிகேன, பி⁴க்க²வே, பி⁴க்கு²னா ஆக³ந்துகேன ஆரோசேதப்³ப³ம், ஆக³ந்துகஸ்ஸ ஆரோசேதப்³ப³ம், உபோஸதே² ஆரோசேதப்³ப³ம், பவாரணாய ஆரோசேதப்³ப³ம், தே³வஸிகம் ஆரோசேதப்³ப³ம். ஸசே கி³லானோ ஹோதி, தூ³தேனபி ஆரோசேதப்³ப³ம்.

‘‘ந, பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.

‘‘ந, பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.

‘‘ந, பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.

‘‘ந, பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா அனாவாஸா அபி⁴க்கு²கோ ஆவாஸோ க³ந்தப்³போ³…பே… அபி⁴க்கு²கோ அனாவாஸோ க³ந்தப்³போ³…பே… அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.

‘‘ந, பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா அபி⁴க்கு²கோ ஆவாஸோ க³ந்தப்³போ³…பே… அபி⁴க்கு²கோ அனாவாஸோ க³ந்தப்³போ³…பே… அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.

‘‘ந, பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ க³ந்தப்³போ³…பே… ஸபி⁴க்கு²கோ அனாவாஸோ க³ந்தப்³போ³…பே… ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா.

‘‘ந பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ க³ந்தப்³போ³…பே… ஸபி⁴க்கு²கோ அனாவாஸோ க³ந்தப்³போ³…பே… ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா.

‘‘ந, பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ க³ந்தப்³போ³…பே… ஸபி⁴க்கு²கோ அனாவாஸோ க³ந்தப்³போ³…பே… ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா.

‘‘க³ந்தப்³போ³, பி⁴க்க²வே மானத்தசாரிகேன பி⁴க்கு²னா ஸபி⁴க்கு²கா ஆவாஸா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா அனாவாஸா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘க³ந்தப்³போ³, பி⁴க்க²வே, மானத்தசாரிகேன பி⁴க்கு²னா ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘ந, பி⁴க்க²வே, மானத்தசாரிகேன பி⁴க்கு²னா பகதத்தேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம். பகதத்தம் பி⁴க்கு²ம் தி³ஸ்வா ஆஸனா வுட்டா²தப்³ப³ம். பகதத்தோ பி⁴க்கு² ஆஸனேன நிமந்தேதப்³போ³. ந பகதத்தேன பி⁴க்கு²னா ஸத்³தி⁴ம் ஏகாஸனே நிஸீதி³தப்³ப³ம், ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம், ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே சங்கமே சங்கமிதப்³ப³ம்.

‘‘ந, பி⁴க்க²வே, மானத்தசாரிகேன பி⁴க்கு²னா பாரிவாஸிகேன பி⁴க்கு²னா ஸத்³தி⁴ம்…பே… மூலாயபடிகஸ்ஸனாரஹேன பி⁴க்கு²னா ஸத்³தி⁴ம்…பே… மானத்தாரஹேன பி⁴க்கு²னா ஸத்³தி⁴ம்…பே… மானத்தசாரிகேன வுட்³ட⁴தரேன பி⁴க்கு²னா ஸத்³தி⁴ம்…பே… அப்³பா⁴னாரஹேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம்; ந ஏகாஸனே நிஸீதி³தப்³ப³ம், ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம், ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே சங்கமே சங்கமிதப்³ப³ம்.

[மஹாவ. 393] ‘‘மானத்தசாரிகசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய, அகம்மம், ந ச கரணீய’’ந்தி.

92. அத² கோ² ஆயஸ்மா உபாலி யேன ப⁴க³வா தேனுபஸங்கமி, உபஸங்கமித்வா ப⁴க³வந்தம் அபி⁴வாதே³த்வா ஏகமந்தம் நிஸீதி³. ஏகமந்தம் நிஸின்னோ கோ² ஆயஸ்மா உபாலி ப⁴க³வந்தம் ஏதத³வோச – ‘‘கதி நு கோ², ப⁴ந்தே, மானத்தசாரிகஸ்ஸ பி⁴க்கு²னோ ரத்திச்சே²தா³’’தி? ‘‘சத்தாரோ கோ², உபாலி, மானத்தசாரிகஸ்ஸ பி⁴க்கு²னோ ரத்திச்சே²தா³. ஸஹவாஸோ, விப்பவாஸோ, அனாரோசனா, ஊனே க³ணே சரணம் [சரணந்தி (க.)] – இமே கோ², உபாலி, சத்தாரோ மானத்தசாரிகஸ்ஸ பி⁴க்கு²னோ ரத்திச்சே²தா³’’தி.

93. தேன கோ² பன ஸமயேன ஸாவத்தி²யம் மஹாபி⁴க்கு²ஸங்கோ⁴ ஸன்னிபதிதோ ஹோதி. ந ஸக்கோந்தி மானத்தசாரிகா பி⁴க்கூ² மானத்தம் ஸோதே⁴தும். ப⁴க³வதோ ஏதமத்த²ம் ஆரோசேஸும். ‘‘அனுஜானாமி, பி⁴க்க²வே, மானத்தம் நிக்கி²பிதும். ஏவஞ்ச பன, பி⁴க்க²வே, நிக்கி²பிதப்³ப³ம். தேன மானத்தசாரிகேன பி⁴க்கு²னா ஏகம் பி⁴க்கு²ம் உபஸங்கமித்வா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ – ‘மானத்தம் நிக்கி²பாமீ’தி. நிக்கி²த்தம் ஹோதி மானத்தம். ‘வத்தம் நிக்கி²பாமீ’தி. நிக்கி²த்தம் ஹோதி மானத்த’’ந்தி.

94. தேன கோ² பன ஸமயேன ஸாவத்தி²யா பி⁴க்கூ² தஹம் தஹம் பக்கமிம்ஸு. ஸக்கோந்தி மானத்தசாரிகா பி⁴க்கூ² மானத்தம் ஸோதே⁴தும். ப⁴க³வதோ ஏதமத்த²ம் ஆரோசேஸும். ‘‘அனுஜானாமி, பி⁴க்க²வே, மானத்தம் ஸமாதி³யிதும். ஏவஞ்ச பன, பி⁴க்க²வே, ஸமாதி³யிதப்³ப³ம். தேன மானத்தசாரிகேன பி⁴க்கு²னா ஏகம் பி⁴க்கு²ம் உபஸங்கமித்வா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா, ஏவமஸ்ஸ வசனீயோ – ‘மானத்தம் ஸமாதி³யாமீ’தி. ஸமாதி³ன்னம் ஹோதி மானத்தம். ‘வத்தம் ஸமாதி³யாமீ’தி. ஸமாதி³ன்னம் ஹோதி மானத்த’’ந்தி.

மானத்தசாரிகவத்தம் நிட்டி²தம்.

5. அப்³பா⁴னாரஹவத்தம்

95. தேன கோ² பன ஸமயேன அப்³பா⁴னாரஹா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம் பச்சுட்டா²னம்…பே… நஹானே பிட்டி²பரிகம்மம். யே தே பி⁴க்கூ² அப்பிச்சா²…பே… தே உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம அப்³பா⁴னாரஹா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம் பச்சுட்டா²னம்…பே… நஹானே பிட்டி²பரிகம்ம’’ந்தி! அத² கோ² தே பி⁴க்கூ² ப⁴க³வதோ ஏதமத்த²ம் ஆரோசேஸும்.

அத² கோ² ப⁴க³வா ஏதஸ்மிம் நிதா³னே ஏதஸ்மிம் பகரணே பி⁴க்கு²ஸங்க⁴ம் ஸன்னிபாதாபேத்வா பி⁴க்கூ² படிபுச்சி² – ‘‘ஸச்சம் கிர, பி⁴க்க²வே, அப்³பா⁴னாரஹா பி⁴க்கூ² ஸாதி³யந்தி பகதத்தானம் பி⁴க்கூ²னம் அபி⁴வாத³னம் பச்சுட்டா²னம்…பே… நஹானே பிட்டி²பரிகம்மந்தி? ‘‘ஸச்சம் ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனனுச்ச²விகம்…பே… கத²ஞ்ஹி நாம, பி⁴க்க²வே, அப்³பா⁴னாரஹா பி⁴க்கூ² ஸாதி³யிஸ்ஸந்தி பகதத்தானம் பி⁴க்கூ²னம் அபி⁴வாத³னம் பச்சுட்டா²னம்…பே… நஹானே பிட்டி²பரிகம்மம்! நேதம், பி⁴க்க²வே, அப்பஸன்னானம் வா பஸாதா³ய…பே… விக³ரஹித்வா…பே… த⁴ம்மிம் கத²ம் கத்வா பி⁴க்கூ² ஆமந்தேஸி – ‘‘ந, பி⁴க்க²வே, அப்³பா⁴னாரஹேன பி⁴க்கு²னா ஸாதி³தப்³ப³ம் பகதத்தானம் பி⁴க்கூ²னம் அபி⁴வாத³னம் பச்சுபட்டா²னம்…பே… நஹானே பிட்டி²பரிகம்மம். யோ ஸாதி³யேய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, அப்³பா⁴னாரஹானம் பி⁴க்கூ²னம் மிது² யதா²வுட்³ட⁴ம் அபி⁴வாத³னம் பச்சுட்டா²னம்…பே… நஹானே பிட்டி²பரிகம்மம். அனுஜானாமி, பி⁴க்க²வே, அப்³பா⁴னாரஹானம் பி⁴க்கூ²னம் பஞ்ச யதா²வுட்³ட⁴ம் – உபோஸத²ம், பவாரணம், வஸ்ஸிகஸாடிகம், ஓணோஜனம், ப⁴த்தம். தேன ஹி, பி⁴க்க²வே, அப்³பா⁴னாரஹானம் பி⁴க்கூ²னம் வத்தம் பஞ்ஞாபேஸ்ஸாமி யதா² அப்³பா⁴னாரஹேஹி பி⁴க்கூ²ஹி வத்திதப்³ப³ம்.

96. ‘‘அப்³பா⁴னாரஹேன, பி⁴க்க²வே, பி⁴க்கு²னா ஸம்மா வத்திதப்³ப³ம். தத்ராயம் ஸம்மாவத்தனா –

ந உபஸம்பாதே³தப்³ப³ம்…பே… (யதா² ஹேட்டா², ததா² வித்தா²ரேதப்³ப³ம்,) ந பி⁴க்கூ²ஹி ஸம்பயோஜேதப்³ப³ம்.

‘‘ந, பி⁴க்க²வே, அப்³பா⁴னாரஹேன பி⁴க்கு²னா பகதத்தஸ்ஸ பி⁴க்கு²னோ புரதோ க³ந்தப்³ப³ம், ந புரதோ நிஸீதி³தப்³ப³ம். யோ ஹோதி ஸங்க⁴ஸ்ஸ ஆஸனபரியந்தோ ஸேய்யாபரியந்தோ விஹாரபரியந்தோ ஸோ தஸ்ஸ பதா³தப்³போ³. தேன ச ஸோ ஸாதி³தப்³போ³.

‘‘ந, பி⁴க்க²வே, அப்³பா⁴னாரஹேன பி⁴க்கு²னா பகதத்தேன பி⁴க்கு²னா புரேஸமணேன வா பச்சா²ஸமணேன வா குலானி உபஸங்கமிதப்³பா³னி; ந ஆரஞ்ஞிகங்க³ம் ஸமாதா³தப்³ப³ம்; ந பிண்ட³பாதிகங்க³ம் ஸமாதா³தப்³ப³ம்; ந ச தப்பச்சயா பிண்ட³பாதோ நீஹராபேதப்³போ³ – மா மம் ஜானிம்ஸூதி.

‘‘ந, பி⁴க்க²வே, அப்³பா⁴னாரஹேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா.

‘‘ந, பி⁴க்க²வே, அப்³பா⁴னாரஹேன பி⁴க்கு²னா ஸபி⁴க்கு²கா ஆவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர பகதத்தேன, அஞ்ஞத்ர அந்தராயா…பே…. (யதா² ஹேட்டா², ததா² வித்தா²ரேதப்³பா³.)

‘‘க³ந்தப்³போ³, பி⁴க்க²வே, அப்³பா⁴னாரஹேன பி⁴க்கு²னா ஸபி⁴க்கு²கா ஆவாஸா…பே… அனாவாஸா…பே… ஆவாஸா வா அனாவாஸா வா ஸபி⁴க்கு²கோ ஆவாஸோ…பே… ஸபி⁴க்கு²கோ அனாவாஸோ…பே… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸம்வாஸகா, யம் ஜஞ்ஞா ஸக்கோமி அஜ்ஜேவ க³ந்துந்தி.

‘‘ந, பி⁴க்க²வே, அப்³பா⁴னாரஹேன பி⁴க்கு²னா பகதத்தேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம்; பகதத்தம் பி⁴க்கு²ம் தி³ஸ்வா ஆஸனா வுட்டா²தப்³ப³ம், பகதத்தோ பி⁴க்கு² ஆஸனேன நிமந்தேதப்³போ³; ந பகதத்தேன பி⁴க்கு²னா ஸத்³தி⁴ம் ஏகாஸனே நிஸீதி³தப்³ப³ம், ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம், ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே சங்கமே சங்கமிதப்³ப³ம்.

‘‘ந, பி⁴க்க²வே, அப்³பா⁴னாரஹேன பி⁴க்கு²னா பாரிவாஸிகேன பி⁴க்கு²னா ஸத்³தி⁴ம்…பே… மூலாயபடிகஸ்ஸனாரஹேன பி⁴க்கு²னா ஸத்³தி⁴ம்…பே… மானத்தாரஹேன பி⁴க்கு²னா ஸத்³தி⁴ம்…பே… மானத்தசாரிகேன பி⁴க்கு²னா ஸத்³தி⁴ம்…பே… அப்³பா⁴னாரஹேன வுட்³ட⁴தரேன பி⁴க்கு²னா ஸத்³தி⁴ம் ஏகச்ச²ன்னே ஆவாஸே வத்த²ப்³ப³ம், ந ஏகச்ச²ன்னே அனாவாஸே வத்த²ப்³ப³ம்; ந ஏகச்ச²ன்னே ஆவாஸே வா அனாவாஸே வா வத்த²ப்³ப³ம்; ந ஏகாஸனே நிஸீதி³தப்³ப³ம், ந நீசே ஆஸனே நிஸின்னே உச்சே ஆஸனே நிஸீதி³தப்³ப³ம், ந ச²மாயம் நிஸின்னே ஆஸனே நிஸீதி³தப்³ப³ம்; ந ஏகசங்கமே சங்கமிதப்³ப³ம், ந நீசே சங்கமே சங்கமந்தே உச்சே சங்கமே சங்கமிதப்³ப³ம், ந ச²மாயம் சங்கமந்தே சங்கமே சங்கமிதப்³ப³ம்.

[மஹாவ. 393] ‘‘அப்³பா⁴னாரஹசதுத்தோ² சே, பி⁴க்க²வே, பரிவாஸம் த³தே³ய்ய, மூலாய படிகஸ்ஸேய்ய, மானத்தம் த³தே³ய்ய, தம்வீஸோ அப்³பே⁴ய்ய, அகம்மம், ந ச கரணீய’’ந்தி.

அப்³பா⁴னாரஹவத்தம் நிட்டி²தம்.

பாரிவாஸிகக்க²ந்த⁴கோ து³தியோ.

இமம்ஹி க²ந்த⁴கே வத்தூ² பஞ்ச.

தஸ்ஸுத்³தா³னம் –

பாரிவாஸிகா ஸாதே³ந்தி, பகதத்தான பி⁴க்கு²னம்;

அபி⁴வாத³னம் பச்சுட்டா²னம், அஞ்ஜலிஞ்ச ஸாமீசியம்.

ஆஸனம் ஸேய்யாபி⁴ஹாரம், பாதோ³ பீட²ம் கத²லிகம்;

பத்தம் நஹானே பரிகம்மம், உஜ்ஜா²யந்தி ச பேஸலா.

து³க்கடம் ஸாதி³யந்தஸ்ஸ, மிது² பஞ்ச யதா²வுட்³ட⁴ம் [புனாபரே (க.)];

உபோஸத²ம் பவாரணம், வஸ்ஸிகோணோஜபோ⁴ஜனம்.

ஸம்மா ச வத்தனா தத்த², பகதத்தஸ்ஸ க³ச்ச²ந்தம்;

யோ ச ஹோதி பரியந்தோ, புரே பச்சா² ததே²வ ச [ந புரே பச்சா²ஸமணேன (ஸீ. ஸ்யா.)].

ஆரஞ்ஞபிண்ட³னீஹாரோ, ஆக³ந்துகே உபோஸதே²;

பவாரணாய தூ³தேன, க³ந்தப்³போ³ ச ஸபி⁴க்கு²கோ.

ஏகச்ச²ன்னே ச வுட்டா²னம், ததே²வ ச நிமந்தயே;

ஆஸனே நீசே சங்கமே, ச²மாயம் சங்கமேன ச.

வுட்³ட⁴தரேன அகம்மம், ரத்திச்சே²தா³ ச ஸோத⁴னா;

நிக்கி²பனம் ஸமாதா³னம், வத்தம்வ பாரிவாஸிகே [ரத்தி வா பாரிவாஸிகே (க.), ஞாதப்³ப³ம் பாரிவாஸிகா (ஸீ. ஸ்யா.)].

மூலாய மானத்தாரஹா, ததா² மானத்தசாரிகா;

அப்³பா⁴னாரஹே நயோ சாபி, ஸம்பே⁴த³ம் நயதோ [ஸம்பே⁴த³னயதோ (ஸ்யா.)] புன.

பாரிவாஸிகேஸு தயோ, சது மானத்தசாரிகே;

ந ஸமேந்தி ரத்திச்சே²தே³ஸு [ரத்திச்சே²தே³ (இதிபி), ரத்திச்சே²தா³ (ஸ்யா.)], மானத்தேஸு ச தே³வஸி;

த்³வே கம்மா ஸதி³ஸா ஸேஸா, தயோ கம்மா ஸமாஸமாதி [ஸமா மதாதி (ஸீ.)].

பாரிவாஸிகக்க²ந்த⁴கம் நிட்டி²தம்.