2. து³தியஸங்கா⁴தி³ஸேஸஸிக்கா²பத³வண்ணனா

683. து³தியே மல்லக³ணப⁴டிபுத்தக³ணாதி³கந்திஆதீ³ஸு மல்லக³ணோ நாம நாராயனப⁴த்திகோ தத்த² தத்த² பானீயட்ட²பனபோக்க²ரணீக²ணனாதி³புஞ்ஞகம்மகாரகோ க³ணோ, ப⁴டிபுத்தக³ணோ நாம குமாரப⁴த்திகக³ணோ. த⁴ம்மக³ணோதி ஸாஸனப⁴த்திக³ணோ அனேகப்பகாரபுஞ்ஞகம்மகாரகக³ணோ வுச்சதி. க³ந்தி⁴கஸேணீதி அனேகப்பகாரஸுக³ந்தி⁴விகதிகாரகோ க³ணோ. து³ஸ்ஸிகஸேணீதி பேஸகாரகக³ணோ. கப்பக³திகந்தி கப்பியபா⁴வம் க³தம்.

வுட்டா²பேந்தியாதி உபஸம்பாதே³ந்தியா. ‘‘சோரிம் வுத்தனயேன அனாபுச்சா² பப்³பா³ஜேந்தியா து³க்கட’’ந்தி வத³ந்தி. பண்ணத்திம் அஜானந்தா அரியாபி வுட்டா²பேந்தீதி வா கம்மவாசாபரியோஸானே ஆபத்திக்க²ணே விபாகாப்³யாகதஸமங்கி³தாவஸேன வா ‘‘திசித்த’’ந்தி வுத்தந்தி வேதி³தப்³ப³ம். ஸேஸமேத்த² உத்தானமேவ. சோரிதா, சோரிஸஞ்ஞா, அஞ்ஞத்ர அனுஞ்ஞாதகாரணா வுட்டா²பனந்தி இமானி பனேத்த² தீணி அங்கா³னி.

து³தியஸங்கா⁴தி³ஸேஸஸிக்கா²பத³வண்ணனா நிட்டி²தா.