3. ஸபோ⁴ஜனஸிக்கா²பத³வண்ணனா

280. ததியே பிட்ட²ஸங்கா⁴டோதி த்³வாரபா³ஹாயேதம் அதி⁴வசனம். கு²த்³த³கம் நாம ஸயனிக⁴ரம் வித்தா²ரதோ பஞ்சஹத்த²ப்பமாணம் ஹோதி, தஸ்ஸ ச மஜ்ஜி²மட்டா²னம் பிட்ட²ஸங்கா⁴டதோ அட்³ட⁴தேய்யஹத்த²ப்பமாணமேவ ஹோதி, தஸ்மா தாதி³ஸே ஸயனிக⁴ரே பிட்ட²ஸங்கா⁴டதோ ஹத்த²பாஸம் விஜஹித்வா நிஸின்னோ பிட்டி²வம்ஸம் அதிக்கமித்வா நிஸின்னோ நாம ஹோதி. ஏவம் நிஸின்னோ ச மஜ்ஜ²ம் அதிக்கமித்வா நிஸின்னோ நாம ஹோதீதி ஆஹ ‘‘இமினா மஜ்ஜா²திக்கமம் த³ஸ்ஸேதீ’’தி. யதா² வா ததா² வா கதஸ்ஸாதி பிட்டி²வம்ஸம் ஆரோபேத்வா வா அனாரோபேத்வா வா கதஸ்ஸ. ஸசித்தகந்தி அனுபவிஸித்வா நிஸீத³னசித்தேன ஸசித்தகம். ஸேஸமேத்த² உத்தானமேவ. பரியுட்டி²தராக³ஜாயம்பதிகானம் ஸன்னிஹிததா, ஸயனிக⁴ரதா, து³தியஸ்ஸ பி⁴க்கு²னோ அபா⁴வோ, அனுபக²ஜ்ஜ நிஸீத³னந்தி இமானி பனேத்த² சத்தாரி அங்கா³னி.

ஸபோ⁴ஜனஸிக்கா²பத³வண்ணனா நிட்டி²தா.

284-289. சதுத்த²பஞ்சமேஸு நத்தி² கிஞ்சி வத்தப்³ப³ம்.