6. லகுண்ட³கப⁴த்³தி³யஸுத்தவண்ணனா

240. விரூபஸரீரவண்ணந்தி அஸுந்த³ரச²விவண்ணஞ்சேவ அஸுந்த³ரஸண்டா²னஞ்ச. பமாணவஸேனாதி ஸரீரப்பமாணவஸேன. இச்சி²திச்சி²தந்தி அத்தனா இச்சி²திச்சி²தம். மஹாஸாரஜ்ஜந்தி மஹந்தோ மங்குபா⁴வோ.

கு³ணே ஆவஜ்ஜேத்வாதி அத்தனா ஜானனகனியாமேன ஸத்து²னோ காயகு³ணே ச சாரித்தகு³ணே ச ஆவஜ்ஜேத்வா மனஸி கத்வா.

யோஜனாவட்டந்தி யோஜனபரிக்கே²பம்.

‘‘காயஸ்மீ’’தி கா³தா²ஸுக²த்த²ம் நிரனுனாஸிகம் கத்வா நித்³தே³ஸோதி வுத்தம் ‘‘காயஸ்மி’’ந்தி. அகாரணம் காயப்பமாணந்தி ஸரீரப்பமாணம் நாம அப்பமாணம், ஸீலாதி³கு³ணாவ பமாணந்தி அதி⁴ப்பாயோ.

லகுண்ட³கப⁴த்³தி³யஸுத்தவண்ணனா நிட்டி²தா.