3. க⁴டஸுத்தவண்ணனா

237. பரிவேணக்³கே³னாதி பரிவேணபா⁴கே³ன. கேசி ‘‘ஏகவிஹாரேதி ஏகச்ச²ன்னே ஏகஸ்மிம் ஆவாஸே’’தி வத³ந்தி. தேதி தே த்³வேபி தே²ரா. பாடியேக்கேஸு டா²னேஸூதி விஸும் விஸும் டா²னேஸு. நிஸீத³ந்தீதி தி³வாவிஹாரம் நிஸீத³ந்தி. ஓளாரிகோ நாம ஜாதோ பரித்தத⁴ம்மாரம்மணத்தா தஸ்ஸ. தேதி தே²ரோ ப⁴க³வா ச.

பரிபுண்ணவீரியோதி சதுகிச்சஸாத⁴னவஸேன ஸம்புண்ணவீரியோ. பக்³க³ஹிதவீரியோதி ஈஸகம்பி ஸங்கோசம் அனாபஜ்ஜித்வா பவத்திதவீரியோ. உபனிக்கே²பனமத்தஸ்ஸேவாதி ஸமீபே ட²பனமத்தஸ்ஸேவ.

சதுபூ⁴மகத⁴ம்மேஸு லப்³ப⁴மானத்தா பஞ்ஞாய ‘‘சதுபூ⁴மகத⁴ம்மே அனுபவிஸித்வா டி²தட்டே²னா’’தி வுத்தம். லக்கி²தப்³ப³ட்டே²ன ஸமாதி⁴ ஏவ ஸமாதி⁴லக்க²ணம். ஏவம் விபஸ்ஸனாலக்க²ணம் வேதி³தப்³ப³ம். அஞ்ஞமஞ்ஞஸ்ஸாதி அஞ்ஞஸ்ஸ அஞ்ஞஸ்ஸ நானாலக்க²ணாதி வேதி³தப்³ப³ம். அஞ்ஞஸ்ஸாதி இதரஸ்ஸ. து⁴ரந்தி வஹிதப்³ப³பா⁴ரம். த்³வீஸுபி ஏதேஸூதி ஸமாதி⁴லக்க²ணவிபஸ்ஸனாலக்க²ணேஸு ஸம்மாஸம்பு³த்³தோ⁴ நிப்ப²த்திம் க³தோ.

க⁴டஸுத்தவண்ணனா நிட்டி²தா.