10. மோக்³க³ல்லானஸுத்தவண்ணனா

218. பச்சவேக்க²தீதி தேஸம் அரியானம் சித்தம் அத்தனோ ஞாணசக்கு²னா பதி அவேக்க²தி பச்சவேக்க²தி. பப்³ப³தஸ்ஸாதி இஸிகி³லிபப்³ப³தஸ்ஸ. து³க்க²பாரம் க³தந்தி வட்டது³க்க²ஸ்ஸ பாரம் பரியந்தம் க³தம். ஸப்³ப³கு³ணஸம்பன்னந்தி ஸப்³பே³ஹி பு³த்³த⁴கு³ணேஹி ச ஸாவககு³ணேஹி ச பரிபுண்ணம். அனேகாகாரஸம்பன்னந்தி ரூபகோ⁴ஸலூக²த⁴ம்மப்பமாணிகானம் ஸத்தானம் தேஹி தேஹி ஆகாரேஹி ஸப்³பே³ஸஞ்ச அனேகேஹி அனந்தாபரிமேய்யேஹி பஸீதி³தப்³பா³காரேஹி ஸமன்னாக³தம். தே பன ஆகாரா யஸ்மா அனஞ்ஞஸாதா⁴ரணா பு³த்³த⁴கு³ணா ஏவ, தஸ்மா ஆஹ ‘‘அனேகேஹி கு³ணேஹி ஸமன்னாக³த’’ந்தி.

மோக்³க³ல்லானஸுத்தவண்ணனா நிட்டி²தா.