6. கீ²யனத⁴ம்மஸிக்கா²பத³வண்ணனா

ச²ட்டே² அலம் தாவ தே அய்யே வுட்டா²பிதேனாதி வுச்சமானாதி வுட்டா²பனஸம்முதியா யாசிதாய ஸங்கே⁴ன உபபரிக்கி²பித்வா ‘‘யஸ்மா பா³லா அப்³யத்தா ச அலஜ்ஜினீ ச ஹோதி, தஸ்மா அலம் தாவ துய்ஹம் உபஸம்பாதி³தேனா’’தி ஏவம் நிவாரீயமானா. பச்சா² கீ²யனத⁴ம்மந்தி பச்சா² அஞ்ஞாஸம் ப்³யத்தானம் லஜ்ஜினீனம் வுட்டா²பனஸம்முதிம் தி³ய்யமானம் தி³ஸ்வா ‘‘அஹமேவ நூன பா³லா’’திஆதீ³னி ப⁴ணமானா யத்த² கத்த²சி கீ²யேய்ய. பாசித்தியந்தி ஏவம் கீ²யனத⁴ம்மம் ஆபஜ்ஜந்தியா பாசித்தியம்.

ஸாவத்தி²யம் சண்ட³காளிம் ஆரப்³ப⁴ ஏவம் கீ²யனத⁴ம்மம் ஆபஜ்ஜனவத்து²ஸ்மிம் பஞ்ஞத்தம், பகதியா ச²ந்தா³தீ³னம் வஸேன கரோந்தீனம் கீ²யந்தியா, உம்மத்திகாதீ³னஞ்ச அனாபத்தி. வுட்டா²பனஸம்முதியா யாசனம், உபபரிக்கி²த்வா ந ச²ந்தா³தி³வஸேன படிக்கி²த்தாய ‘‘ஸாதூ⁴’’தி படிஸ்ஸவோ, பச்சா²கீ²யனந்தி இமானேத்த² தீணி அங்கா³னி. ஸமுட்டா²னாதீ³னி அதி³ன்னாதா³னஸதி³ஸானி, இத³ம் பன து³க்க²வேத³னந்தி.

கீ²யனத⁴ம்மஸிக்கா²பத³வண்ணனா நிட்டி²தா.