3. அபா²ஸுகரணஸிக்கா²பத³வண்ணனா

ததியே அபா²ஸுந்தி ‘‘இமினா இமிஸ்ஸா அபா²ஸு ப⁴விஸ்ஸதீ’’தி அனாபுச்சா² புரதோ சங்கமனட்டா²னனிஸ்ஸஜ்ஜாத³யோ வா உத்³தி³ஸஉத்³தி³ஸாபனபரிபுச்ச²னஸஜ்ஜா²யம் வா கரோந்தியா சங்கமனே நிவத்தனக³ணனாய, டா²னாதீ³ஸு பயோக³க³ணனாய, உத்³தே³ஸாதீ³ஸு பத³க³ணனாய பாசித்தியம்.

ஸாவத்தி²யம் து²ல்லனந்த³ம் ஆரப்³ப⁴ ஸஞ்சிச்ச அபா²ஸுகரணவத்து²ஸ்மிம் பஞ்ஞத்தம், திகபாசித்தியம், அனுபஸம்பன்னாய திகது³க்கடம், ந அபா²ஸுகாமதாய, ஆபுச்சா² புரதோ சங்கமனாதீ³னி கரோந்தியா, உம்மத்திகாதீ³னஞ்ச அனாபத்தி. உபஸம்பன்னதா, அபா²ஸுகாமதா, அபா²ஸுகரணம், அனாபுச்ச²னந்தி இமானேத்த² சத்தாரி அங்கா³னி. ஸமுட்டா²னாதீ³னி அதி³ன்னாதா³னஸதி³ஸானி, இத³ம் பன கிரியாகிரியம், து³க்க²வேத³னந்தி.

அபா²ஸுகரணஸிக்கா²பத³வண்ணனா நிட்டி²தா.