9. பரஅபி⁴ஸபனஸிக்கா²பத³வண்ணனா

நவமே அபி⁴ஸபேய்யாதி ஸபத²ம் கரேய்ய. தத்த² ‘‘நிரயே உபபஜ்ஜாமி, நிரயே உபபஜ்ஜதூ’’திஏவமாதீ³னி வத³மானா நிரயேன அபி⁴ஸபதி நாம, அக்கோஸதீதி அத்தோ². ‘‘கி³ஹினீ ஹோமி, கி³ஹினீ ஹோதூ’’திஏவமாதீ³னி வத³மானா ப்³ரஹ்மசரியேன. தஸ்ஸா வாசாய வாசாய பாசித்தியம்.

ஸாவத்தி²யம் சண்ட³காளிம் ஆரப்³ப⁴ ஏவம் அபி⁴ஸபனவத்து²ஸ்மிம் பஞ்ஞத்தம், திகபாசித்தியம், அனுபஸம்பன்னாய திகது³க்கடம், திரச்சா²னயோனியா வா பேத்திவிஸயேன வா மனுஸ்ஸதோ³ப⁴க்³கே³ன வா அபி⁴ஸபனே து³க்கடம். அத்த²த⁴ம்மானுஸாஸனிபுரேக்கா²ரானம் உம்மத்திகாதீ³னஞ்ச அனாபத்தி. நிரயேன வா ப்³ரஹ்மசரியேன வா அபி⁴ஸபனம், உபஸம்பன்னதா, அத்த²த⁴ம்மபுரேக்கா²ராதீ³னம் அபா⁴வோதி இமானேத்த² தீணி அங்கா³னி. ஸமுட்டா²னாதீ³னி அட்ட²மஸதி³ஸானேவாதி.

பரஅபி⁴ஸபனஸிக்கா²பத³வண்ணனா நிட்டி²தா.