6. ச²ட்டோ² பரிச்சே²தோ³

ஆரம்மணவிபா⁴க³னித்³தே³ஸோ

291. ஏதேஸம் பன சித்தானம், ஆரம்மணமிதோ பரம்;

த³ஸ்ஸயிஸ்ஸாமஹம் தேன, வினா நத்தி² ஹி ஸம்ப⁴வோ.

292. ரூபம் ஸத்³த³ம் க³ந்த⁴ம் ரஸம், போ²ட்ட²ப்³ப³ம் த⁴ம்மமேவ ச;

ச²தா⁴ ஆரம்மணம் ஆஹு, ச²ளாரம்மணகோவிதா³.

293. தத்த² பூ⁴தே உபாதா³ய, வண்ணோ சதுஸமுட்டி²தோ;

ஸனித³ஸ்ஸனபடிகோ⁴, ரூபாரம்மணஸஞ்ஞிதோ.

294. து³விதோ⁴ ஹி ஸமுத்³தி³ட்டோ², ஸத்³தோ³ சித்தோதுஸம்ப⁴வோ;

ஸவிஞ்ஞாணகஸத்³தோ³வ, ஹோதி சித்தஸமுட்டி²தோ.

295. அவிஞ்ஞாணகஸத்³தோ³ யோ,

ஸோ ஹோதூதுஸமுட்டி²தோ;

து³விதோ⁴பி அயம் ஸத்³தோ³,

ஸத்³தா³ரம்மணதம் க³தோ.

296. த⁴ரீயதீதி க³ச்ச²ந்தோ, க³ந்தோ⁴ ஸூசனதோபி வா;

அயம் சதுஸமுட்டா²னோ, க³ந்தா⁴ரம்மணஸம்மதோ.

297. ரஸமானா ரஸந்தீதி, ரஸோதி பரிகித்திதோ;

ஸோவ சதுஸமுட்டா²னோ, ரஸாரம்மணனாமகோ.

298. பு²ஸீயதீதி போ²ட்ட²ப்³ப³ம், பத²வீதேஜவாயவோ;

போ²ட்ட²ப்³ப³ம் சதுஸம்பூ⁴தம், போ²ட்ட²ப்³பா³ரம்மணம் மதம்.

299. ஸப்³ப³ம் நாமஞ்ச ரூபஞ்ச, ஹித்வா ரூபாதி³பஞ்சகம்;

லக்க²ணானி ச பஞ்ஞத்தி-த⁴ம்மாரம்மணஸஞ்ஞிதம்.

300. சா²ரம்மணானி லப்³ப⁴ந்தி, காமாவசரபூ⁴மியம்;

தீணி ரூபே பனாரூபே, த⁴ம்மாரம்மணமேககம்.

301. க²ணவத்து²பரித்தத்தா, ஆபாத²ம் ந வஜந்தி யே;

தே த⁴ம்மாரம்மணா ஹோந்தி, யேஸம் ரூபாத³யோ கிர.

302. தே படிக்கி²பிதப்³பா³வ, அஞ்ஞமஞ்ஞஸ்ஸ கோ³சரம்;

நேவ பச்சனுபோ⁴ந்தானம், மனோ தேஸம் து கோ³சரம்.

303. தஞ்ச ‘‘பச்சனுபோ⁴தீ’’தி, வுத்தத்தா பன ஸத்து²னா;

ரூபாதா³ரம்மணானேவ, ஹோந்தி ரூபாத³யோ பன.

304. தி³ப்³ப³சக்கா²தி³ஞாணானம், ரூபாதீ³னேவ கோ³சரா;

அனாபாத²க³தானேவ, தானீதிபி ந யுஜ்ஜதி.

305. யம் ரூபாரம்மணம் ஹோந்தம், தம் த⁴ம்மாரம்மணம் கத²ம்;

ஏவம் ஸதி பனேதேஸம், நியமோதி கத²ம் ப⁴வே.

306. ஸப்³ப³ம் ஆரம்மணம் ஏதம், ச²ப்³பி³த⁴ம் ஸமுதீ³ரிதம்;

தம் பரித்தத்திகாதீ³னம், வஸேன ப³ஹுதா⁴ மதம்.

307. ஸப்³போ³ காமவிபாகோ ச, க்ரியாஹேதுத்³வயம்பி ச;

பஞ்சவீஸதி ஏகந்தம், பரித்தாரம்மணா ஸியும்.

308. இட்டா²தி³பே⁴தா³ பஞ்சேவ, ரூபஸத்³தா³த³யோ பன;

விஞ்ஞாணானம் த்³விபஞ்சன்னம், கோ³சரா படிபாடியா.

309. ரூபாதி³பஞ்சகம் ஸப்³ப³ம், மனோதா⁴துத்தயஸ்ஸ து;

தேரஸன்னம் பனேதேஸம், ரூபக்க²ந்தோ⁴வ கோ³சரோ.

310. நாரூபம் ந ச பஞ்ஞத்திம், நாதீதம் ந சனாக³தம்;

ஆரம்மணம் கரோந்தே ச, வத்தமானோ ஹி கோ³சரோ.

311. தேரஸேதானி சித்தானி, ஜாயந்தே காமதா⁴துயம்;

சத்தாரி ரூபாவசரே, நேவ கிஞ்சி அரூபிஸு.

312. மஹாபாகானமட்ட²ன்னம், ஸந்தீரணத்தயஸ்ஸபி;

ச²ஸு த்³வாரேஸு ரூபாதி³ச²பரித்தானி கோ³சரா.

313. ரூபாத³யோ பரித்தா ச², ஹஸிதுப்பாத³கோ³சரா;

பஞ்சத்³வாரே படுப்பன்னா, மனோத்³வாரே திகாலிகா.

314. து³தியாருப்பசித்தஞ்ச, சதுத்தா²ருப்பமானஸம்;

ச²ப்³பி³த⁴ம் நியதம் ஹோதி, தம் மஹக்³க³தகோ³சரம்.

315. நிப்³பா³னாரம்மணத்தா ஹி, ஏகந்தேன அனஞ்ஞதோ;

அட்டா²னாஸவசித்தானம், அப்பமாணோவ கோ³சரோ.

316. சத்தாரோ ஞாணஹீனா ச, காமாவசரபுஞ்ஞதோ;

க்ரியதோபி ச சத்தாரோ, த்³வாத³ஸாகுஸலானி ச.

317. பரித்தாரம்மணா சேவ, தே மஹக்³க³தகோ³சரா;

பஞ்ஞத்தாரம்மணத்தா ஹி, நவத்தப்³பா³வ ஹோந்தி தே.

318. சத்தாரோ ஞாணஸம்யுத்தா, புஞ்ஞதோ க்ரியதோபி ச;

ததா²பி⁴ஞ்ஞாத்³வயஞ்சேவ, க்ரியாவோட்ட²ப்³ப³னம்பி ச.

319. ஏகாத³ஸன்னமேதேஸம், திவிதோ⁴ ஹோதி கோ³சரோ;

பஞ்ஞத்தாரம்மணத்தா ஹி, நவத்தப்³பா³பி ஹோந்திமே.

320. யானி வுத்தாவஸேஸானி, சித்தானி பன தானி ஹி;

நவத்தப்³பா³ரம்மணானீதி, விஞ்ஞேய்யானி விபா⁴வினா.

பரித்தாரம்மணத்திகம் ஸமத்தம்.

321. து³தியாருப்பசித்தஞ்ச, சதுத்தா²ருப்பமானஸம்;

ச²ப்³பி³த⁴ம் பன ஏகந்த-அதீதாரம்மணம் ஸியா.

322. விஞ்ஞாணானம் த்³விபஞ்சன்னம், மனோதா⁴துத்தயஸ்ஸ ச;

பஞ்ச ரூபாத³யோ த⁴ம்மா, பச்சுப்பன்னாவ கோ³சரா.

323. அட்ட² காமமஹாபாகா, ஸந்தீரணத்தயம்பி ச;

ஹஸிதுப்பாத³சித்தந்தி, த்³வாத³ஸேதே து மானஸா.

324. ஸியாதீதாரம்மணா பச்சு-ப்பன்னானாக³தகோ³சரா;

குஸலாகுஸலா காமே, க்ரியதோ நவ மானஸா.

325. அபி⁴ஞ்ஞாமானஸா த்³வேபி, ஸியாதீதாதி³கோ³சரா;

ஸந்தபஞ்ஞத்திகாலேபி, நவத்தப்³பா³ ப⁴வந்திமே.

326. ஸேஸானி பன ஸப்³பா³னி, ரூபாரூபப⁴வேஸுபி;

நவத்தப்³பா³னி ஹோந்தேவ, அதீதாரம்மணாதி³னா.

327. காமதோ ச க்ரியா பஞ்ச, ரூபதோ பஞ்சமீ க்ரியா;

சித்தானம் ச²ன்னமேதேஸம், நத்தி² கிஞ்சி அகோ³சரம்.

328. நிப்³பா³னஞ்ச ப²லம் மக்³க³ம், ரூபஞ்சாரூபமேவ ச;

ஸக்கோந்தி கோ³சரம் காதும், கதி சித்தானி மே வத³.

329. சத்தாரோ ஞாணஸம்யுத்தா,

புஞ்ஞதோ க்ரியதோ ததா²;

அபி⁴ஞ்ஞாஹத³யா த்³வேபி,

க்ரியா வோட்ட²ப்³ப³னம்பி ச.

330. ஸக்கோந்தி கோ³சரம் காதும், சித்தானேகாத³ஸாபி ச;

நிப்³பா³னஞ்ச ப²லம் மக்³க³ம், ரூபஞ்சாரூபமேவ ச.

331. சித்தேஸு பன ஸப்³பே³ஸு, கதி சித்தானி மே வத³;

அரஹத்தப²லம் மக்³க³ம், காதும் ஸக்கோந்தி கோ³சரம்.

332. ஸப்³பே³ஸு பன சித்தேஸு, ச² ச சித்தானி மே ஸுண;

அரஹத்தப²லம் மக்³க³ம், காதும் ஸக்கோந்தி கோ³சரம்.

333. சத்தாரோ ஞாணஸம்யுத்தா, க்ரியா வோட்ட²ப்³ப³னம்பி ச;

க்ரியாபி⁴ஞ்ஞா மனோதா⁴து, ச² ச ஸக்கோந்தி கோ³சரம்.

334. சத்தாரோ ஞாணஸம்யுத்தா-பி⁴ஞ்ஞாசித்தஞ்ச புஞ்ஞதோ;

நாரஹத்தம் ப²லம் மக்³க³ம், காதும் ஸக்கோந்தி கோ³சரம்.

335. கஸ்மா அரஹதோ மக்³க³-சித்தம் வா ப²லமானஸம்;

புது²ஜ்ஜனா வா ஸேக்கா² வா, ந ஸக்கோந்தி ஹி ஜானிதும்.

336. புது²ஜ்ஜனோ ந ஜானாதி,

ஸோதாபன்னஸ்ஸ மானஸம்;

ஸோதாபன்னோ ந ஜானாதி,

ஸகதா³கா³மிஸ்ஸ மானஸம்.

337. ஸகதா³கா³மீ ந ஜானாதி, அனாகா³மிஸ்ஸ மானஸம்;

அனாகா³மீ ந ஜானாதி, அரஹந்தஸ்ஸ மானஸம்.

338. ஹேட்டி²மோ ஹேட்டி²மோ நேவ, ஜானாதி உபரூபரி;

உபரூபரி ஜானாதி, ஹேட்டி²மஸ்ஸ ச மானஸம்.

339. யோ த⁴ம்மோ யஸ்ஸ த⁴ம்மஸ்ஸ,

ஹோதி ஆரம்மணம் பன;

தமுத்³த⁴ரித்வா ஏகேகம்,

பவக்கா²மி இதோ பரம்.

340. குஸலாரம்மணம் காமே, குஸலாகுஸலஸ்ஸ ச;

அபி⁴ஞ்ஞாமானஸஸ்ஸாபி, குஸலஸ்ஸ க்ரியஸ்ஸ ச.

341. காமாவசரபாகஸ்ஸ, ததா² காமக்ரியஸ்ஸ ச;

ஏதேஸம் பன ராஸீனம், ச²ன்னம் ஆரம்மணம் ஸியா.

342. ரூபாவசரபுஞ்ஞானி, காமபாகம் ததோ வினா;

பஞ்சன்னம் பன ராஸீனம், ஹோந்தி ஆரம்மணானி ஹி.

343. ஆருப்பகுஸலஞ்சாபி, தேபூ⁴மகுஸலஸ்ஸ ச;

தேபூ⁴மகக்ரியஸ்ஸாபி, ததே²வாகுஸலஸ்ஸபி.

344. அரூபாவசரபாகானம், த்³வின்னம் பன சதுத்த²து³;

இமேஸம் அட்ட²ராஸீனம், ஹோதாரம்மணபச்சயோ.

345. அபரியாபன்னபுஞ்ஞம்பி, காமாவசரதோபி ச;

ரூபதோ பஞ்சமஸ்ஸாபி, குஸலஸ்ஸ க்ரியஸ்ஸ ச.

346. சதுன்னம் பன ராஸீனம், ஹோதி ஆரம்மணம் ஸதா³;

ததே²வாகுஸலம் காம-ரூபாவசரதோ பன.

347. குஸலஸ்ஸ க்ரியஸ்ஸாபி, ததே²வாகுஸலஸ்ஸ ச;

காமாவசரபாகானம், ச²ன்னம் ராஸீனமீரிதம்.

348. விபாகாரம்மணம் காமே, காமாவசரதோபி ச;

ரூபாவசரதோ சேவ, குஸலஸ்ஸ க்ரியஸ்ஸ ச.

349. காமாவசரபாகானம், ததே²வாகுஸலஸ்ஸ ச;

ச²ன்னஞ்ச பன ராஸீனம், ஹோதாரம்மணபச்சயோ.

350. விபாகாரம்மணம் ரூபே, காமாவசரதோபி ச;

ரூபாவசரதோ சேவ, குஸலஸ்ஸ க்ரியஸ்ஸ ச.

351. அபுஞ்ஞஸ்ஸாதி பஞ்சன்னம், ராஸீனம் ஹோதி கோ³சரோ;

அரூபாவசரபாகேஸு, அயமேவ நயோ மதோ.

352. அபரியாபன்னபாகம்பி, காமதோ ரூபதோபி ச;

குஸலஸ்ஸ க்ரியஸ்ஸாபி, ஹோதி ஆரம்மணம் பன.

353. க்ரியசித்தமித³ம் காமே, காமாவசரதோபி ச;

ரூபாவசரதோ சேவ, குஸலஸ்ஸ க்ரியஸ்ஸ ச.

354. காமாவசரபாகஸ்ஸ, ததே²வாகுஸலஸ்ஸ ச;

ச²ன்னம் ராஸீனமேதேஸம், ஹோதாரம்மணபச்சயோ.

355. யம் க்ரியாமானஸம் ரூபே, காமபாகம் ததோ வினா;

பஞ்சன்னம் பன ராஸீனம், ஹோதி ஆரம்மணம் பன.

356. க்ரியாசித்தம் பனாருப்பே, தேஸம் பஞ்சன்னமேவ ச;

ஆருப்பஸ்ஸ க்ரியஸ்ஸாபி, ச²ன்னம் ஹோதேவ கோ³சரோ.

357. ரூபம் சதுஸமுட்டா²னம், ரூபாரம்மணஸஞ்ஞிதம்;

காமாவசரபுஞ்ஞஸ்ஸ, ததே²வ குஸலஸ்ஸ ச.

358. அபி⁴ஞ்ஞாத்³வயசித்தஸ்ஸ, காமபாகக்ரியஸ்ஸ ச;

ச²ன்னம் ராஸீனமேதேஸம், ஹோதாரம்மணபச்சயோ.

359. நிப்³பா³னாரம்மணம் காம-ரூபாவசரதோ பன;

குஸலஸ்ஸுப⁴யஸ்ஸாபி, காமரூபக்ரியஸ்ஸ ச.

360. அபரியாபன்னதோ சேவ, ப²லஸ்ஸ குஸலஸ்ஸ ச;