4. சதுத்தோ² பரிச்சே²தோ³

ஏகவிதா⁴தி³னித்³தே³ஸோ

127. இதோ பரம் பவக்கா²மி, நயமேகவிதா⁴தி³கம்;

ஆபி⁴த⁴ம்மிகபி⁴க்கூ²னம், பு³த்³தி⁴யா பன வுத்³தி⁴யா.

128. ஸப்³ப³மேகவித⁴ம் சித்தம், விஜானனஸபா⁴வதோ;

து³வித⁴ஞ்ச ப⁴வே சித்தம், அஹேதுகஸஹேதுதோ.

129. புஞ்ஞாபுஞ்ஞவிபாகா ஹி, காமே த³ஸ ச பஞ்ச ச;

க்ரியா திஸ்ஸோதி ஸப்³பே³பி, அட்டா²ரஸ அஹேதுகா.

130. ஏகஸத்ததி ஸேஸானி, சித்துப்பாதா³ மஹேஸினா;

ஸஹேதுகாதி நித்³தி³ட்டா², தாதி³னா ஹேதுவாதி³னா.

131. ஸவத்து²காவத்து²கதோ, ததோ²ப⁴யவஸேன ச;

ஸப்³ப³ம் வுத்தபகாரம் து, திவித⁴ம் ஹோதி மானஸம்.

132. ஸப்³போ³ காமவிபாகோ ச, ரூபே பஞ்சத³ஸாபி ச;

ஆதி³மக்³கோ³ ஸிதுப்பாதோ³, மனோதா⁴து க்ரியாபி ச.

133. தோ³மனஸ்ஸத்³வயஞ்சாபி, தேசத்தாலீஸ மானஸா;

நுப்பஜ்ஜந்தி வினா வத்து²ம், ஏகந்தேன ஸவத்து²கா.

134. அரூபாவசரபாகா ச, ஏகந்தேன அவத்து²கா;

த்³வாசத்தாலீஸ ஸேஸானி, சித்தானுப⁴யதா² ஸியும்.

135. ஏகேகாரம்மணம் சித்தம், பஞ்சாரம்மணமேவ ச;

ச²ளாரம்மணகஞ்சேதி, ஏவம்பி திவித⁴ம் ஸியா.

136. விஞ்ஞாணானி ச த்³வேபஞ்ச, அட்ட² லோகுத்தரானி ச;

ஸப்³ப³ம் மஹக்³க³தஞ்சேவ, ட²பேத்வாபி⁴ஞ்ஞமானஸம்.

137. தேசத்தாலீஸ விஞ்ஞேய்யா, ஏகேகாரம்மணா பன;

மனோதா⁴துத்தயம் தத்த², பஞ்சாரம்மணமீரிதம்.

138. தேசத்தாலீஸ ஸேஸானி, ச²ளாரம்மணிகா மதா;

ததா² ச திவித⁴ம் சித்தம், குஸலாகுஸலாதி³தோ.

139. அஹேதும் ஏகஹேதுஞ்ச, த்³விஹேதுஞ்ச திஹேதுகம்;

ஏவம் சதுப்³பி³த⁴ம் சித்தம், விஞ்ஞாதப்³ப³ம் விபா⁴வினா.

140. ஹேட்டா² மயாபி நித்³தி³ட்டா², அட்டா²ரஸ அஹேதுகா;

விசிகிச்சு²த்³த⁴ச்சஸம்யுத்தம், ஏகஹேதுமுதீ³ரிதம்.

141. காமே த்³வாத³ஸதா⁴ புஞ்ஞ-விபாகக்ரியதோ பன;

த³ஸதா⁴குஸலா சாதி, பா³வீஸதி து³ஹேதுகா.

142. காமே த்³வாத³ஸதா⁴ புஞ்ஞ-விபாகக்ரியதோ பன;

ஸப்³ப³ம் மஹக்³க³தஞ்சேவ, அப்பமாணம் திஹேதுகம்.

143. ரூபீரியாபத²விஞ்ஞத்தி-ஜனகாஜனகாதி³தோ;

ஏவஞ்சாபி ஹி தம் சித்தம், ஹோதி ஸப்³ப³ம் சதுப்³பி³த⁴ம்.

144. த்³வாத³ஸாகுஸலா தத்த², குஸலா காமதா⁴துயா;

ததா² த³ஸ க்ரியா காமே, அபி⁴ஞ்ஞாமானஸம் த்³வயம்.

145. ஸமுட்டா²பேந்தி ரூபானி, கப்பேந்தி இரியாபத²ம்;

ஜனயந்தி ச விஞ்ஞத்திம், இமே த்³வத்திம்ஸ மானஸா.

146. குஸலா ச க்ரியா சேவ, தே மஹக்³க³தமானஸா;

அட்டா²னாஸவசித்தானி, ச²ப்³பீ³ஸதி ச மானஸா.

147. ஸமுட்டா²பேந்தி ரூபானி, கப்பேந்தி இரியாபத²ம்;

சோபனம் ந ச பாபேந்தி, த்³விகிச்சா நியதா இமே.

148. ட²பேத்வா த³ஸ விஞ்ஞாணே, விபாகா த்³வீஸு பூ⁴மிஸு;

க்ரியா சேவ மனோதா⁴து, இமானேகூனவீஸதி.

149. ஸமுட்டா²பேந்தி ரூபானி, ந கரோந்திதரத்³வயம்;

புன த்³வேபஞ்சவிஞ்ஞாணா, விபாகா ச அரூபிஸு.

150. ஸப்³பே³ஸம் ஸந்தி⁴சித்தஞ்ச, சுதிசித்தஞ்சாரஹதோ;

ந கரோந்தி திகிச்சானி, இமே ஸோளஸ மானஸா.

151. ஏகத்³விதிசதுட்டா²ன-பஞ்சட்டா²னபபே⁴த³தோ;

பஞ்சதா⁴ சித்தமக்கா²ஸி, பஞ்சனிம்மலலோசனோ.

152. குஸலாகுஸலா ஸப்³பே³, சித்துப்பாதா³ மஹாக்ரியா;

மஹக்³க³தா க்ரியா சேவ, சத்தாரோ ப²லமானஸா.

153. ஸப்³பே³வ பஞ்சபஞ்ஞாஸ, நிப்பபஞ்சேன ஸத்து²னா;

ஜவனட்டா²னதோயேவ, ஏகட்டா²னே நியாமிதா.

154. புன த்³வேபஞ்சவிஞ்ஞாணா, த³ஸ்ஸனே ஸவனே ததா²;

கா⁴யனே ஸாயனே டா²னே, பு²ஸனே படிபாடியா.

155. மனோதா⁴துத்திகம் டா²னே, ஆவஜ்ஜனே படிச்ச²னே;

அட்ட²ஸட்டி² ப⁴வந்தேதே, ஏகட்டா²னிகதம் க³தா.

156. புன த்³விட்டா²னிகம் நாம, சித்தத்³வயமுதீ³ரிதம்;

ஸோமனஸ்ஸயுதம் பஞ்ச-த்³வாரே ஸந்தீரணம் ஸியா.

157. ததா³ரம்மணம் ச²த்³வாரே, ப³லவாரம்மணே ஸதி;

ததா² வோட்ட²ப்³ப³னம் ஹோதி, பஞ்சத்³வாரேஸு வோட்ட²போ³.

158. மனோத்³வாரேஸு ஸப்³பே³ஸம், ஹோதி ஆவஜ்ஜனம் பன;

இத³ம் த்³விட்டா²னிகம் நாம, ஹோதி சித்தத்³வயம் பன.

159. படிஸந்தி⁴ப⁴வங்க³ஸ்ஸ, சுதியா டா²னதோ பன;

மஹக்³க³தவிபாகா தே, நவ திட்டா²னிகா மதா.

160. அட்ட² காமா மஹாபாகா, படிஸந்தி⁴ப⁴வங்க³தோ;

ததா³ரம்மணதோ சேவ, சுதிட்டா²னவஸேன ச.

161. சதுட்டா²னிகசித்தானி, அட்ட² ஹோந்தீதி நித்³தி³ஸே;

குஸலாகுஸலபாகம் து-பேக்கா²ஸஹக³தத்³வயம்.

162. ஸந்தீரணம் ப⁴வே பஞ்ச-த்³வாரே ச²த்³வாரிகேஸு ச;

ததா³ரம்மணதம் யாதி, ப³லவாரம்மணே ஸதி.

163. படிஸந்தி⁴ப⁴வங்கா³னம், சுதிட்டா²னவஸேன ச;

பஞ்சட்டா²னிகசித்தந்தி, இத³ம் த்³வயமுதீ³ரிதம்.

164. பஞ்சகிச்சம் த்³வயம் சித்தம், சதுகிச்சம் பனட்ட²கம்;

திகிச்சம் நவகம் த்³வே து, த்³விகிச்சா ஸேஸமேககம்.

165. ப⁴வங்கா³வஜ்ஜனஞ்சேவ, த³ஸ்ஸனம் ஸம்படிச்ச²னம்;

ஸந்தீரணம் வோட்ட²ப்³ப³னம், ஜவனம் ப⁴வதி ஸத்தமம்.

166. ச²ப்³பி³த⁴ம் ஹோதி தம் ச²ன்னம், விஞ்ஞாணானம் பபே⁴த³தோ;

ஸத்ததா⁴ ஸத்தவிஞ்ஞாண-தா⁴தூனம் து பபே⁴த³தோ.

167. ஏகேகாரம்மணம் ச²க்கம், பஞ்சாரம்மணபே⁴த³தோ;

ச²ளாரம்மணதோ சேவ, ஹோதி அட்ட²வித⁴ம் மனோ.

168. தத்த² த்³வேபஞ்சவிஞ்ஞாணா, ஹோந்தி ஏகேககோ³சரா;

ரூபாரம்மணிகா த்³வே து, த்³வே த்³வே ஸத்³தா³தி³கோ³சரா.

169. ஸப்³ப³ம் மஹக்³க³தம் சித்தம், பஞ்சாபி⁴ஞ்ஞாவிவஜ்ஜிதம்;

ஸப்³ப³ம் லோகுத்தரஞ்சேதி, ஏகேகாரம்மணம் ப⁴வே.

170. ஏகேகாரம்மணம் ச²க்க-மித³ம் ஞேய்யம் விபா⁴வினா;

பஞ்சாரம்மணிகம் நாம, மனோதா⁴துத்தயம் ப⁴வே.

171. காமாவசரசித்தானி, சத்தாலீஸம் ததே²ககம்;

அபி⁴ஞ்ஞானி ச ஸப்³பா³னி, ச²ளாரம்மணிகானிதி.

172. சித்தம் நவவித⁴ம் ஹோதி, ஸத்தவிஞ்ஞாணதா⁴துஸு;

பச்சி²மஞ்ச திதா⁴ கத்வா, குஸலாகுஸலாதி³தோ.

173. புஞ்ஞாபுஞ்ஞவஸேனேவ, விபாகக்ரியபே⁴த³தோ;

ச²ஸத்ததிவிதோ⁴ பே⁴தோ³, மனோவிஞ்ஞாணதா⁴துயா.

174. மனோதா⁴தும் த்³விதா⁴ கத்வா, விபாகக்ரியபே⁴த³தோ;

நவதா⁴ புப்³ப³வுத்தேஹி, த³ஸதா⁴ ஹோதி மானஸம்.

175. தா⁴துத்³வயம் திதா⁴ கத்வா, பச்சி²மம் புன பண்டி³தோ;

ஏகாத³ஸவித⁴ம் சித்தம், ஹோதீதி பரிதீ³பயே.

176. மனோவிஞ்ஞாணதா⁴தும்பி, குஸலாகுஸலாதி³தோ;

சதுதா⁴ விப⁴ஜித்வான, வதே³ த்³வாத³ஸதா⁴ டி²தம்.

177. ப⁴வே சுத்³த³ஸதா⁴ சித்தம், சுத்³த³ஸட்டா²னபே⁴த³தோ;

படிஸந்தி⁴ப⁴வங்க³ஸ்ஸ, சுதியாவஜ்ஜனஸ்ஸ ச.

178. பஞ்சன்னம் த³ஸ்ஸனாதீ³னம், ஸம்படிச்ச²னசேதஸோ;

ஸந்தீரணஸ்ஸ வோட்ட²ப்³ப³-ஜவனானம் வஸேன ச.

179. ததா³ரம்மணசித்தஸ்ஸ, ததே²வ டா²னபே⁴த³தோ;

ஏவம் சுத்³த³ஸதா⁴ சித்தம், ஹோதீதி பரிதீ³பயே.

180. பூ⁴மிபுக்³க³லனானாத்த-வஸேன ச பவத்திதோ;

ப³ஹுதா⁴ பனித³ம் சித்தம், ஹோதீதி ச விபா⁴வயே.

181. ஏகவிதா⁴தி³னயே பனிமஸ்மிம்,

யோ குஸலோ மதிமா இத⁴ பி⁴க்கு²;

தஸ்ஸபி⁴த⁴ம்மக³தா பன அத்தா²,

ஹத்த²க³தாமலகா விய ஹோந்தி.

இதி அபி⁴த⁴ம்மாவதாரே ஏகவிதா⁴தி³னித்³தே³ஸோ நாம

சதுத்தோ² பரிச்சே²தோ³.