த³ஸமோ பரிச்சே²தோ³

10. பபே⁴த³கதா²

352. ஏகுப்பாதா³ நிரோதா⁴ ச, ஏகாலம்ப³ணவத்து²கா;

ஸஹக³தா ஸஹஜாதா, ஸம்ஸட்டா² ஸஹவுத்தினோ.

353. தேபஞ்ஞாஸ பனிச்சேதே, ஸம்பயுத்தா யதா²ரஹம்;

சித்தசேதஸிகா த⁴ம்மா, அட்டா²ரஸவிதா⁴பி ச.

354. ஏகதா⁴ ச²ப்³பி³தா⁴ சேவ, சதுதா⁴ ஸத்ததா⁴ டி²தா;

சித்துப்பாத³பபே⁴தே³ன, பி⁴ந்தி³தப்³பா³ விபா⁴வினா.

355. அட்ட² த⁴ம்மாவினிப்³போ⁴கா³, பி⁴ன்னாஸீதி நவுத்தரா;

ஸத்தஸதம் த³ஸ த்³வே ச, ஸப்³பே³ ஹோந்தி ஸமிஸ்ஸிதா.

356. ஸந்தீரணமனோதா⁴து, ஸிதவோட்ட²ப்³ப³னா ததா²;

அபுஞ்ஞா காமபுஞ்ஞா ச, மஹாபாகா மஹாக்ரியா.

357. பட²மஜ்ஜா²னத⁴ம்மா ச, லோகுத்தரமஹக்³க³தா;

பஞ்சபஞ்ஞாஸ ஸப்³பே³பி, விதக்கா ஹோந்தி பே⁴தி³தா.

358. விசாராபி ச தேயேவ, து³தியஜ்ஜா²னனாமகா;

ஏகாத³ஸாபரே சேதி, ச²ஸட்டி² பரிதீ³பிதா.

359. அபுஞ்ஞா காமபுஞ்ஞா ச, மஹாபாகா மஹாக்ரியா;

சதுக்கா சேவ சத்தாரோ, ஸிதஞ்ச ஸுக²தீரணம்.

360. பட²மாதி³திகஜ்ஜா²னா, லோகுத்தரமஹக்³க³தா;

இச்சேவமேகபஞ்ஞாஸ, பீதியோ ஹோந்தி ஸப்³ப³தா².

361. ஸிதவோட்ட²ப்³ப³னா த்³வே ச, ஸாவஜ்ஜா சானவஜ்ஜகா;

பி⁴ன்னமேவம் து வீரியம், தேஸத்ததிவித⁴ம் ப⁴வே.

362. ஸாவஜ்ஜா சானவஜ்ஜா ச, மோமூஹத்³வயவஜ்ஜிதா;

ச²ந்தா³ ப⁴வந்தி ஸப்³பே³பி, ஸட்டி²பே⁴தா³ நவுத்தரா.

363. ஸந்தீரணமனோதா⁴து, ஸிதவோட்ட²ப்³ப³னா ததா²;

ஸாவஜ்ஜா சானவஜ்ஜா ச, விசிகிச்சா²விவஜ்ஜிதா.

364. அதி⁴மோக்கா² பனிச்சேவம், அட்ட²ஸத்ததி பே⁴தி³தா;

திஸதம் நவுதி த்³வே ச, பி⁴ன்னா ஹோந்தி பகிண்ணகா.

365. ஏகூனஸட்டி² வா ஹோந்தி, ஸத்³தா⁴தே³கூனவீஸதி;

ஸஹஸ்ஸஞ்ச ஸதஞ்சேகம், ஏகவீஸஞ்ச ஸப்³ப³தா².

366. ஞாணேன ஸம்பயுத்தா ச, காமே த்³வாத³ஸதா⁴பரே;

பஞ்சதிம்ஸாதி பஞ்ஞாபி, ஸத்ததாலீஸதா⁴ கதா².

367. ரூபஜ்ஜா²னசதுக்கா ச, காமபுஞ்ஞா மஹாக்ரியா;

அட்ட²வீஸப்பமஞ்ஞேவம், ச²ப்பஞ்ஞாஸ ப⁴வந்தி ச.

368. அனுத்தரா காமபுஞ்ஞா, திஸ்ஸோ விரதியோ பன;

ஹோந்தி ஸோளஸதா⁴ பி⁴ன்னா, அட்ட²தாலீஸ பிண்டி³தா.

369. பஞ்சவீஸானவஜ்ஜேவம், ஸம்பயுத்தா சதுப்³பி³தா⁴;

ஸஹஸ்ஸத்³விஸதஞ்சேவ, த்³வி ச ஸத்ததி பே⁴த³தோ.

370. சத்தாரோ பாபஸாமஞ்ஞா, பி⁴ன்னா த்³வாத³ஸதா⁴ பன;

அட்ட²தாலீஸதா⁴ ஹோந்தி, தே ஸப்³பே³ பரிபிண்டி³தா.

371. லோபோ⁴ பனட்ட²தா⁴ பி⁴ன்னோ, தி²னமித்³த⁴ஞ்ச பஞ்சதா⁴;

சதுதா⁴ தி³ட்டி²மானோ ச, சதுதா⁴ தி³ட்டி²யோ விஸும்.

372. த்³விதா⁴ தோ³ஸாதி³சத்தாரோ, விசிகிச்சே²கதா⁴தி ச;

ஸாவஜ்ஜா ஸத்ததா⁴ வுத்தா, பி⁴ன்னாஸீதி திகுத்தரா.

373. இச்சட்டா²ரஸதா⁴ வுத்தா, தேபஞ்ஞாஸாபி பே⁴த³தோ;

த்³விஸஹஸ்ஸஞ்ச து ஸதம், ப⁴வந்தேகூனஸட்டி² ச.

374. விதக்கவிசாரபீதிஸுகோ²பேக்கா²ஸு பஞ்சஸு;

பி⁴ந்தி³த்வா ஜா²னபே⁴தே³ன, க³ஹேதப்³பா³ அனுத்தரா.

375. அஞ்ஞத்ர பன ஸப்³ப³த்த², நத்தி² பே⁴த³ப்பயோஜனம்;

அட்டே²வ கஸ்மா க³ய்ஹந்தி, அபே⁴தே³னாதி லக்க²யே.

376. பட²மாதி³சதுஜ்ஜா²னா, லோகுத்தரமஹக்³க³தா;

இச்சேகமேகத³ஸதா⁴, சதுதாலீஸ பிண்டி³தா.

377. தேவீஸ பஞ்சமா சேதி, ஸத்தஸட்டி² ஸமிஸ்ஸிதா;

அப்பனா தத்த² ஸப்³பா³பி, அட்ட²பஞ்ஞாஸ தீ³பிதா.

378. பஞ்சதிம்ஸேவ ஸங்கே²பா, லோகுத்தரமஹக்³க³தா;

அப்பனா தத்த² ஸப்³பா³பி, ச²ப்³பீ³ஸதி பகாஸிதா.

379. இத்³தி⁴வித⁴ம் தி³ப்³ப³ஸோதம், சேதோபரியனாமகா;

புப்³பே³னிவாஸானுஸ்ஸதி, தி³ப்³ப³சக்கூ²தி பஞ்சதா⁴.

380. அபி⁴ஞ்ஞாஞாணமீரேந்தி, ரூபாவசரபஞ்சமா;

குஸலஞ்ச க்ரியா சேதி, பே⁴தி³தம் து³வித⁴ம்பி ச.

381. தம் த்³வயம்பி ஸம்மிஸ்ஸேத்வா, பஞ்சாபி⁴ஞ்ஞா ச லோகியா;

ஆஸவக்க²யஞாணஞ்ச, ச²ளபி⁴ஞ்ஞா பவுச்சரே.

382. லோகியா ச த³ஸாபி⁴ஞ்ஞா, பி⁴ந்தி³த்வா குஸலக்ரியா;

ஸத்தஸத்ததி ஜா²னானி, அட்ட²ஸட்டி² பனப்பனா.

383. ஸத்தஸத்ததி சித்தானி, சதுபஞ்ஞாஸ ஸப்³ப³தா²;

பசிதானி ச சித்தானி, ஏகதிம்ஸஸதம் ஸியுந்தி.

இதி சேதஸிகவிபா⁴கே³ பபே⁴த³கதா² நிட்டி²தா.

த³ஸமோ பரிச்சே²தோ³.