9. து³தியகி³ஞ்ஜகாவஸத²ஸுத்தம்

1005. ஏகமந்தம் நிஸின்னோ கோ² ஆயஸ்மா ஆனந்தோ³ ப⁴க³வந்தம் ஏதத³வோச – ‘‘அஸோகோ நாம, ப⁴ந்தே, பி⁴க்கு² காலங்கதோ; தஸ்ஸ கா க³தி, கோ அபி⁴ஸம்பராயோ? அஸோகா நாம, ப⁴ந்தே, பி⁴க்கு²னீ காலங்கதா…பே… அஸோகோ நாம, ப⁴ந்தே, உபாஸகோ காலங்கதோ…பே… அஸோகா நாம, ப⁴ந்தே, உபாஸிகா காலங்கதா; தஸ்ஸா கா க³தி, கோ அபி⁴ஸம்பராயோ’’தி?

‘‘அஸோகோ, ஆனந்த³, பி⁴க்கு² காலங்கதோ ஆஸவானம் க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹாஸி…பே… (புரிமவேய்யாகரணேன ஏகனிதா³னம்).

‘‘அயம் கோ² ஸோ, ஆனந்த³, த⁴ம்மாதா³ஸோ த⁴ம்மபரியாயோ; யேன ஸமன்னாக³தோ அரியஸாவகோ ஆகங்க²மானோ அத்தனாவ அத்தானம் ப்³யாகரேய்ய – ‘கீ²ணனிரயோம்ஹி கீ²ணதிரச்சா²னயோனி கீ²ணபேத்திவிஸயோ கீ²ணாபாயது³க்³க³திவினிபாதோ, ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’’’தி. நவமம்.