17. ஸட்டி²பேய்யாலவக்³கோ³

1. அஜ்ஜ²த்தஅனிச்சச²ந்த³ஸுத்தம்

168. ‘‘யம், பி⁴க்க²வே, அனிச்சம், தத்ர வோ ச²ந்தோ³ பஹாதப்³போ³. கிஞ்ச, பி⁴க்க²வே, அனிச்சம்? சக்கு², பி⁴க்க²வே, அனிச்சம்; தத்ர வோ ச²ந்தோ³ பஹாதப்³போ³…பே… ஜிவ்ஹா அனிச்சா; தத்ர வோ ச²ந்தோ³ பஹாதப்³போ³…பே… மனோ அனிச்சோ; தத்ர வோ ச²ந்தோ³ பஹாதப்³போ³. யம், பி⁴க்க²வே, அனிச்சம், தத்ர வோ ச²ந்தோ³ பஹாதப்³போ³’’தி.

2. அஜ்ஜ²த்தஅனிச்சராக³ஸுத்தம்

169. ‘‘யம், பி⁴க்க²வே, அனிச்சம், தத்ர வோ ராகோ³ பஹாதப்³போ³. கிஞ்ச, பி⁴க்க²வே, அனிச்சம்? சக்கு², பி⁴க்க²வே, அனிச்சம்; தத்ர வோ ராகோ³ பஹாதப்³போ³…பே… ஜிவ்ஹா அனிச்சா; தத்ர வோ ராகோ³ பஹாதப்³போ³…பே… மனோ அனிச்சோ; தத்ர வோ ராகோ³ பஹாதப்³போ³. யம், பி⁴க்க²வே, அனிச்சம், தத்ர வோ ராகோ³ பஹாதப்³போ³’’தி.

3. அஜ்ஜ²த்தஅனிச்சச²ந்த³ராக³ஸுத்தம்

170. ‘‘யம், பி⁴க்க²வே, அனிச்சம், தத்ர வோ ச²ந்த³ராகோ³ பஹாதப்³போ³. கிஞ்ச, பி⁴க்க²வே, அனிச்சம்? சக்கு², பி⁴க்க²வே, அனிச்சம்; தத்ர வோ ச²ந்த³ராகோ³ பஹாதப்³போ³…பே… ஜிவ்ஹா அனிச்சா; தத்ர வோ ச²ந்த³ராகோ³ பஹாதப்³போ³…பே… மனோ அனிச்சோ; தத்ர வோ ச²ந்த³ராகோ³ பஹாதப்³போ³. யம், பி⁴க்க²வே, அனிச்சம், தத்ர வோ ச²ந்த³ராகோ³ பஹாதப்³போ³’’தி.

4-6. து³க்க²ச²ந்தா³தி³ஸுத்தம்

171-173. ‘‘யம், பி⁴க்க²வே, து³க்க²ம், தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. கிஞ்ச, பி⁴க்க²வே, து³க்க²ம்? சக்கு², பி⁴க்க²வே, து³க்க²ம்; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³…பே… ஜிவ்ஹா து³க்கா²…பே… மனோ து³க்கோ²; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. யம், பி⁴க்க²வே, து³க்க²ம் தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³’’தி.

7-9. அனத்தச²ந்தா³தி³ஸுத்தம்

174-176. ‘‘யோ, பி⁴க்க²வே, அனத்தா, தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. கோ ச, பி⁴க்க²வே, அனத்தா? சக்கு², பி⁴க்க²வே, அனத்தா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³…பே… ஜிவ்ஹா அனத்தா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³…பே… மனோ அனத்தா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. யோ, பி⁴க்க²வே, அனத்தா தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³’’தி.

10-12. பா³ஹிரானிச்சச²ந்தா³தி³ஸுத்தம்

177-179. ‘‘யம், பி⁴க்க²வே, அனிச்சம், தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. கிஞ்ச, பி⁴க்க²வே, அனிச்சம்? ரூபா, பி⁴க்க²வே, அனிச்சா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. ஸத்³தா³ அனிச்சா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. க³ந்தா⁴ அனிச்சா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. ரஸா அனிச்சா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. போ²ட்ட²ப்³பா³ அனிச்சா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. த⁴ம்மா அனிச்சா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. யம், பி⁴க்க²வே, அனிச்சம் தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³’’தி.

13-15. பா³ஹிரது³க்க²ச²ந்தா³தி³ஸுத்தம்

180-182. ‘‘யம், பி⁴க்க²வே, து³க்க²ம், தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. கிஞ்ச, பி⁴க்க²வே, து³க்க²ம்? ரூபா, பி⁴க்க²வே, து³க்கா²; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா து³க்கா²; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. யம், பி⁴க்க²வே, து³க்க²ம், தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³’’தி.

16-18. பா³ஹிரானத்தச²ந்தா³தி³ஸுத்தம்

183-185. ‘‘யோ, பி⁴க்க²வே, அனத்தா, தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. கோ ச, பி⁴க்க²வே, அனத்தா? ரூபா, பி⁴க்க²வே, அனத்தா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனத்தா; தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³. யோ, பி⁴க்க²வே, அனத்தா தத்ர வோ ச²ந்தோ³ பஹாதப்³போ³, ராகோ³ பஹாதப்³போ³, ச²ந்த³ராகோ³ பஹாதப்³போ³’’தி.

19. அஜ்ஜ²த்தாதீதானிச்சஸுத்தம்

186. ‘‘சக்கு², பி⁴க்க²வே, அனிச்சம் அதீதம்…பே… ஜிவ்ஹா அனிச்சா அதீதா…பே… மனோ அனிச்சோ அதீதோ. ஏவம் பஸ்ஸம், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி…பே… ஜிவ்ஹாயபி நிப்³பி³ந்த³தி…பே… மனஸ்மிம்பி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமுத்தஸ்மிம் விமுத்தமிதி ஞாணம் ஹோதி. ‘கீ²ணா ஜாதி, வுஸிதம் ப்³ரஹ்மசரியம், கதம் கரணீயம், நாபரம் இத்த²த்தாயா’தி பஜானாதீ’’தி.

20. அஜ்ஜ²த்தானாக³தானிச்சஸுத்தம்

187. ‘‘சக்கு², பி⁴க்க²வே, அனிச்சம் அனாக³தம்…பே… ஜிவ்ஹா அனிச்சா அனாக³தா…பே… மனோ அனிச்சோ அனாக³தோ. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

21. அஜ்ஜ²த்தபச்சுப்பன்னானிச்சஸுத்தம்

188. ‘‘சக்கு², பி⁴க்க²வே, அனிச்சம் பச்சுப்பன்னம்…பே… ஜிவ்ஹா அனிச்சா பச்சுப்பன்னா…பே… மனோ அனிச்சோ பச்சுப்பன்னோ. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

22-24. அஜ்ஜ²த்தாதீதாதி³து³க்க²ஸுத்தம்

189-191. ‘‘சக்கு², பி⁴க்க²வே, து³க்க²ம் அதீதம் அனாக³தம் பச்சுப்பன்னம்…பே… ஜிவ்ஹா து³க்கா² அதீதா அனாக³தா பச்சுப்பன்னா…பே… மனோ து³க்கோ² அதீதோ அனாக³தோ பச்சுப்பன்னோ. ஏவம் பஸ்ஸம், பி⁴க்க²வே…பே… நாபரம் இத்த²த்தாயாதி பஜானாதீ’’தி.

25-27. அஜ்ஜ²த்தாதீதாதி³அனத்தஸுத்தம்

192-194. ‘‘சக்கு², பி⁴க்க²வே, அனத்தா அதீதம் அனாக³தம் பச்சுப்பன்னம்…பே… ஜிவ்ஹா அனத்தா…பே… மனோ அனத்தா அதீதோ அனாக³தோ பச்சுப்பன்னோ. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

28-30. பா³ஹிராதீதாதி³அனிச்சஸுத்தம்

195-197. ‘‘ரூபா, பி⁴க்க²வே, அனிச்சா அதீதா அனாக³தா பச்சுப்பன்னா. ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனிச்சா அதீதா அனாக³தா பச்சுப்பன்னா. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

31-33. பா³ஹிராதீதாதி³து³க்க²ஸுத்தம்

198-200. ‘‘ரூபா, பி⁴க்க²வே, து³க்கா² அதீதா அனாக³தா பச்சுப்பன்னா. ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா து³க்கா² அதீதா அனாக³தா பச்சுப்பன்னா. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

34-36. பா³ஹிராதீதாதி³அனத்தஸுத்தம்

201-203. ‘‘ரூபா, பி⁴க்க²வே, அனத்தா அதீதா அனாக³தா பச்சுப்பன்னா. ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனத்தா அதீதா அனாக³தா பச்சுப்பன்னா. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

37. அஜ்ஜ²த்தாதீதயத³னிச்சஸுத்தம்

204. ‘‘சக்கு², பி⁴க்க²வே, அனிச்சம் அதீதம். யத³னிச்சம், தம் து³க்க²ம். யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம்…பே… ஜிவ்ஹா அனிச்சா அதீதா. யத³னிச்சம், தம் து³க்க²ம். யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம்…பே… மனோ அனிச்சோ அதீதோ. யத³னிச்சம், தம் து³க்க²ம். யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

38. அஜ்ஜ²த்தானாக³தயத³னிச்சஸுத்தம்

205. ‘‘சக்கு², பி⁴க்க²வே, அனிச்சம் அனாக³தம். யத³னிச்சம், தம் து³க்க²ம். யம் து³க்க²ம், தத³னத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம்…பே… ஜிவ்ஹா அனிச்சா அனாக³தா. யத³னிச்சம், தம் து³க்க²ம். யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம்…பே… மனோ அனிச்சோ அனாக³தோ. யத³னிச்சம், தம் து³க்க²ம். யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம், பி⁴க்க²வே…பே… நாபரம் இத்த²த்தாயாதி பஜானாதீ’’தி.

39. அஜ்ஜ²த்தபச்சுப்பன்னயத³னிச்சஸுத்தம்

206. ‘‘சக்கு², பி⁴க்க²வே, அனிச்சம் பச்சுப்பன்னம். யத³னிச்சம், தம் து³க்க²ம். யம் து³க்க²ம், தத³னத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம்…பே… ஜிவ்ஹா அனிச்சா பச்சுப்பன்னா. யத³னிச்சம், தம் து³க்க²ம். யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம்…பே… மனோ அனிச்சோ பச்சுப்பன்னோ. யத³னிச்சம் தம் து³க்க²ம். யம் து³க்க²ம் தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

40-42. அஜ்ஜ²த்தாதீதாதி³யம்து³க்க²ஸுத்தம்

207-209. ‘‘சக்கு², பி⁴க்க²வே, து³க்க²ம் அதீதம் அனாக³தம் பச்சுப்பன்னம். யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம்…பே… ஜிவ்ஹா து³க்கா²…பே… மனோ து³க்கோ² அதீதோ அனாக³தோ பச்சுப்பன்னோ. யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

43-45. அஜ்ஜ²த்தாதீதாதி³யத³னத்தஸுத்தம்

210-212. ‘‘சக்கு², பி⁴க்க²வே, அனத்தா அதீதம் அனாக³தம் பச்சுப்பன்னம். யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம்…பே… ஜிவ்ஹா அனத்தா…பே… மனோ அனத்தா அதீதோ அனாக³தோ பச்சுப்பன்னோ. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

46-48. பா³ஹிராதீதாதி³யத³னிச்சஸுத்தம்

213-215. ‘‘ரூபா, பி⁴க்க²வே, அனிச்சா அதீதா அனாக³தா பச்சுப்பன்னா. யத³னிச்சம், தம் து³க்க²ம். யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனிச்சா அதீதா அனாக³தா பச்சுப்பன்னா. யத³னிச்சம் தம் து³க்க²ம். யம் து³க்க²ம் தத³னத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

49-51. பா³ஹிராதீதாதி³யம்து³க்க²ஸுத்தம்

216-218. ‘‘ரூபா, பி⁴க்க²வே, து³க்கா² அதீதா அனாக³தா பச்சுப்பன்னா. யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா து³க்கா² அதீதா அனாக³தா பச்சுப்பன்னா. யம் து³க்க²ம், தத³னத்தா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

52-54. பா³ஹிராதீதாதி³யத³னத்தஸுத்தம்

219-221. ‘‘ரூபா, பி⁴க்க²வே, அனத்தா அதீதா அனாக³தா பச்சுப்பன்னா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனத்தா அதீதா அனாக³தா பச்சுப்பன்னா. யத³னத்தா, தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

55. அஜ்ஜ²த்தாயதனஅனிச்சஸுத்தம்

222. ‘‘சக்கு², பி⁴க்க²வே, அனிச்சம்…பே… ஜிவ்ஹா அனிச்சா…பே… மனோ அனிச்சோ. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

56. அஜ்ஜ²த்தாயதனது³க்க²ஸுத்தம்

223. ‘‘சக்கு², பி⁴க்க²வே, து³க்க²ம்…பே… ஜிவ்ஹா து³க்கா²…பே… மனோ து³க்கோ². ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

57. அஜ்ஜ²த்தாயதனஅனத்தஸுத்தம்

224. ‘‘சக்கு², பி⁴க்க²வே, அனத்தா…பே… ஜிவ்ஹா அனத்தா…பே… மனோ அனத்தா. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

58. பா³ஹிராயதனஅனிச்சஸுத்தம்

225. ‘‘ரூபா, பி⁴க்க²வே, அனிச்சா. ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனிச்சா. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

59. பா³ஹிராயதனது³க்க²ஸுத்தம்

226. ‘‘ரூபா, பி⁴க்க²வே, து³க்கா². ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா து³க்கா². ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

60. பா³ஹிராயதனஅனத்தஸுத்தம்

227. ‘‘ரூபா, பி⁴க்க²வே, அனத்தா. ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனத்தா. ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.

ஸட்டி²பேய்யாலவக்³கோ³ ஸத்தரஸமோ.

தஸ்ஸுத்³தா³னம் –

ச²ந்தே³னட்டா²ரஸ ஹோந்தி, அதீதேன ச த்³வே நவ;

யத³னிச்சாட்டா²ரஸ வுத்தா, தயோ அஜ்ஜ²த்தபா³ஹிரா;

பேய்யாலோ ஸட்டி²கோ வுத்தோ, பு³த்³தே⁴னாதி³ச்சப³ந்து⁴னாதி.

ஸுத்தந்தானி ஸட்டி².