1. பட²மமாரபாஸஸுத்தம்

114. ‘‘ஸந்தி, பி⁴க்க²வே, சக்கு²விஞ்ஞேய்யா ரூபா, இட்டா² கந்தா மனாபா பியரூபா காமூபஸம்ஹிதா ரஜனீயா. தஞ்சே, பி⁴க்கு², அபி⁴னந்த³தி அபி⁴வத³தி அஜ்ஜோ²ஸாய திட்ட²தி – அயம் வுச்சதி, பி⁴க்க²வே, பி⁴க்கு² ஆவாஸக³தோ மாரஸ்ஸ, மாரஸ்ஸ வஸம் க³தோ [வஸக³தோ (ஸீ. அட்ட². ஸ்யா. அட்ட².)], படிமுக்கஸ்ஸ மாரபாஸோ. ப³த்³தோ⁴ ஸோ மாரப³ந்த⁴னேன யதா²காமகரணீயோ பாபிமதோ…பே….

‘‘ஸந்தி, பி⁴க்க²வே, ஜிவ்ஹாவிஞ்ஞேய்யா ரஸா, இட்டா² கந்தா மனாபா பியரூபா காமூபஸம்ஹிதா ரஜனீயா. தஞ்சே பி⁴க்கு² அபி⁴னந்த³தி அபி⁴வத³தி அஜ்ஜோ²ஸாய திட்ட²தி – அயம் வுச்சதி, பி⁴க்க²வே, பி⁴க்கு² ஆவாஸக³தோ மாரஸ்ஸ, மாரஸ்ஸ வஸம் க³தோ, படிமுக்கஸ்ஸ மாரபாஸோ. ப³த்³தோ⁴ ஸோ மாரப³ந்த⁴னேன…பே….

‘‘ஸந்தி, பி⁴க்க²வே, மனோவிஞ்ஞேய்யா த⁴ம்மா, இட்டா² கந்தா மனாபா பியரூபா காமூபஸம்ஹிதா ரஜனீயா. தஞ்சே பி⁴க்கு² அபி⁴னந்த³தி அபி⁴வத³தி அஜ்ஜோ²ஸாய திட்ட²தி – அயம் வுச்சதி, பி⁴க்க²வே, பி⁴க்கு² ஆவாஸக³தோ மாரஸ்ஸ, மாரஸ்ஸ வஸம் க³தோ, படிமுக்கஸ்ஸ மாரபாஸோ. ப³த்³தோ⁴ ஸோ மாரப³ந்த⁴னேன யதா²காமகரணீயோ பாபிமதோ.

‘‘ஸந்தி ச கோ², பி⁴க்க²வே, சக்கு²விஞ்ஞேய்யா ரூபா, இட்டா² கந்தா மனாபா பியரூபா காமூபஸம்ஹிதா ரஜனீயா. தஞ்சே பி⁴க்கு² நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி – அயம் வுச்சதி, பி⁴க்க²வே, பி⁴க்கு² நாவாஸக³தோ மாரஸ்ஸ, ந மாரஸ்ஸ வஸம் க³தோ, உம்முக்கஸ்ஸ மாரபாஸோ. முத்தோ ஸோ மாரப³ந்த⁴னேன ந யதா²காமகரணீயோ பாபிமதோ…பே….

‘‘ஸந்தி, பி⁴க்க²வே, ஜிவ்ஹாவிஞ்ஞேய்யா ரஸா, இட்டா² கந்தா மனாபா பியரூபா காமூபஸம்ஹிதா ரஜனீயா. தஞ்சே பி⁴க்கு² நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி – அயம் வுச்சதி, பி⁴க்க²வே, பி⁴க்கு² நாவாஸக³தோ மாரஸ்ஸ, ந மாரஸ்ஸ வஸம் க³தோ, உம்முக்கஸ்ஸ மாரபாஸோ. முத்தோ ஸோ மாரப³ந்த⁴னேன ந யதா²காமகரணீயோ பாபிமதோ…பே….

‘‘ஸந்தி, பி⁴க்க²வே, மனோவிஞ்ஞேய்யா த⁴ம்மா, இட்டா² கந்தா மனாபா பியரூபா காமூபஸம்ஹிதா ரஜனீயா. தஞ்சே பி⁴க்கு² நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி – அயம் வுச்சதி, பி⁴க்க²வே, பி⁴க்கு² நாவாஸக³தோ மாரஸ்ஸ, ந மாரஸ்ஸ வஸம் க³தோ, உம்முக்கஸ்ஸ மாரபாஸோ. முத்தோ ஸோ மாரப³ந்த⁴னேன ந யதா²காமகரணீயோ பாபிமதோ’’தி. பட²மம்.