1. அனிச்சவக்³கோ³

1. அஜ்ஜ²த்தானிச்சஸுத்தம்

1. ஏவம் மே ஸுதம். ஏகம் ஸமயம் ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸும். ப⁴க³வா ஏதத³வோச –

‘‘சக்கு²ம், பி⁴க்க²வே, அனிச்சம். யத³னிச்சம் தம் து³க்க²ம்; யம் து³க்க²ம் தத³னத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஸோதம் அனிச்சம். யத³னிச்சம்…பே… கா⁴னம் அனிச்சம். யத³னிச்சம்…பே… ஜிவ்ஹா அனிச்சா. யத³னிச்சம் தம் து³க்க²ம்; யம் து³க்க²ம் தத³னத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். காயோ அனிச்சோ. யத³னிச்சம்…பே… மனோ அனிச்சோ. யத³னிச்சம் தம் து³க்க²ம்; யம் து³க்க²ம் தத³னத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி, ஸோதஸ்மிம்பி நிப்³பி³ந்த³தி, கா⁴னஸ்மிம்பி நிப்³பி³ந்த³தி, ஜிவ்ஹாயபி நிப்³பி³ந்த³தி, காயஸ்மிம்பி நிப்³பி³ந்த³தி, மனஸ்மிம்பி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமுத்தஸ்மிம் விமுத்தமிதி ஞாணம் ஹோதி. ‘கீ²ணா ஜாதி, வுஸிதம் ப்³ரஹ்மசரியம், கதம் கரணீயம், நாபரம் இத்த²த்தாயா’தி பஜானாதீ’’தி. பட²மம்.

2. அஜ்ஜ²த்தது³க்க²ஸுத்தம்

2. ‘‘சக்கு²ம், பி⁴க்க²வே, து³க்க²ம். யம் து³க்க²ம் தத³னத்தா; யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஸோதம் து³க்க²ம்…பே… கா⁴னம் து³க்க²ம்… ஜிவ்ஹா து³க்கா²… காயோ து³க்கோ²… மனோ து³க்கோ². யம் து³க்க²ம் தத³னத்தா; யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி. து³தியம்.

3. அஜ்ஜ²த்தானத்தஸுத்தம்

3. ‘‘சக்கு²ம், பி⁴க்க²வே, அனத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஸோதம் அனத்தா…பே… கா⁴னம் அனத்தா… ஜிவ்ஹா அனத்தா… காயோ அனத்தா… மனோ அனத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி. ததியம்.

4. பா³ஹிரானிச்சஸுத்தம்

4. ‘‘ரூபா, பி⁴க்க²வே, அனிச்சா. யத³னிச்சம் தம் து³க்க²ம்; யம் து³க்க²ம் தத³னத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனிச்சா. யத³னிச்சம் தம் து³க்க²ம்; யம் து³க்க²ம் தத³னத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம், பி⁴க்க²வே, ஸுதவா அரியஸாவகோ ரூபேஸுபி நிப்³பி³ந்த³தி, ஸத்³தே³ஸுபி நிப்³பி³ந்த³தி, க³ந்தே⁴ஸுபி நிப்³பி³ந்த³தி, ரஸேஸுபி நிப்³பி³ந்த³தி, போ²ட்ட²ப்³பே³ஸுபி நிப்³பி³ந்த³தி, த⁴ம்மேஸுபி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமுத்தஸ்மிம் விமுத்தமிதி ஞாணம் ஹோதி. ‘கீ²ணா ஜாதி, வுஸிதம் ப்³ரஹ்மசரியம், கதம் கரணீயம், நாபரம் இத்த²த்தாயா’தி பஜானாதீ’’தி. சதுத்த²ம்.

5. பா³ஹிரது³க்க²ஸுத்தம்

5. ‘‘ரூபா, பி⁴க்க²வே, து³க்கா². யம் து³க்க²ம் தத³னத்தா; யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா து³க்கா². யம் து³க்க²ம் தத³னத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி. பஞ்சமம்.

6. பா³ஹிரானத்தஸுத்தம்

6. ‘‘ரூபா, பி⁴க்க²வே, அனத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனத்தா. யத³னத்தா தம் ‘நேதம் மம, நேஸோஹமஸ்மி, ந மேஸோ அத்தா’தி ஏவமேதம் யதா²பூ⁴தம் ஸம்மப்பஞ்ஞாய த³ட்ட²ப்³ப³ம். ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி. ச²ட்ட²ம்.

7. அஜ்ஜ²த்தானிச்சாதீதானாக³தஸுத்தம்

7. ‘‘சக்கு²ம், பி⁴க்க²வே, அனிச்சம் அதீதானாக³தம்; கோ பன வாதோ³ பச்சுப்பன்னஸ்ஸ! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதஸ்மிம் சக்கு²ஸ்மிம் அனபேக்கோ² ஹோதி; அனாக³தம் சக்கு²ம் நாபி⁴னந்த³தி; பச்சுப்பன்னஸ்ஸ சக்கு²ஸ்ஸ நிப்³பி³தா³ய விராகா³ய நிரோதா⁴ய படிபன்னோ ஹோதி. ஸோதம் அனிச்சம்… கா⁴னம் அனிச்சம்… ஜிவ்ஹா அனிச்சா அதீதானாக³தா; கோ பன வாதோ³ பச்சுப்பன்னாய! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதாய ஜிவ்ஹாய அனபேக்கோ² ஹோதி; அனாக³தம் ஜிவ்ஹம் நாபி⁴னந்த³தி; பச்சுப்பன்னாய ஜிவ்ஹாய நிப்³பி³தா³ய விராகா³ய நிரோதா⁴ய படிபன்னோ ஹோதி. காயோ அனிச்சோ…பே… மனோ அனிச்சோ அதீதானாக³தோ; கோ பன வாதோ³ பச்சுப்பன்னஸ்ஸ! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதஸ்மிம் மனஸ்மிம் அனபேக்கோ² ஹோதி; அனாக³தம் மனம் நாபி⁴னந்த³தி; பச்சுப்பன்னஸ்ஸ மனஸ்ஸ நிப்³பி³தா³ய விராகா³ய நிரோதா⁴ய படிபன்னோ ஹோதீ’’தி. ஸத்தமம்.

8. அஜ்ஜ²த்தது³க்கா²தீதானாக³தஸுத்தம்

8. ‘‘சக்கு²ம், பி⁴க்க²வே, து³க்க²ம் அதீதானாக³தம்; கோ பன வாதோ³ பச்சுப்பன்னஸ்ஸ! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதஸ்மிம் சக்கு²ஸ்மிம் அனபேக்கோ² ஹோதி; அனாக³தம் சக்கு²ம் நாபி⁴னந்த³தி; பச்சுப்பன்னஸ்ஸ சக்கு²ஸ்ஸ நிப்³பி³தா³ய விராகா³ய நிரோதா⁴ய படிபன்னோ ஹோதி. ஸோதம் து³க்க²ம்…பே… கா⁴னம் து³க்க²ம்…பே… ஜிவ்ஹா து³க்கா² அதீதானாக³தா; கோ பன வாதோ³ பச்சுப்பன்னாய! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதாய ஜிவ்ஹாய அனபேக்கோ² ஹோதி; அனாக³தம் ஜிவ்ஹம் நாபி⁴னந்த³தி; பச்சுப்பன்னாய ஜிவ்ஹாய நிப்³பி³தா³ய விராகா³ய நிரோதா⁴ய படிபன்னோ ஹோதி. காயோ து³க்கோ²…பே… மனோ து³க்கோ² அதீதானாக³தோ; கோ பன வாதோ³ பச்சுப்பன்னஸ்ஸ! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதஸ்மிம் மனஸ்மிம் அனபேக்கோ² ஹோதி; அனாக³தம் மனம் நாபி⁴னந்த³தி; பச்சுப்பன்னஸ்ஸ மனஸ்ஸ நிப்³பி³தா³ய விராகா³ய நிரோதா⁴ய படிபன்னோ ஹோதீ’’தி. அட்ட²மம்.

9. அஜ்ஜ²த்தானத்தாதீதானாக³தஸுத்தம்

9. ‘‘சக்கு²ம், பி⁴க்க²வே, அனத்தா அதீதானாக³தம்; கோ பன வாதோ³ பச்சுப்பன்னஸ்ஸ! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதஸ்மிம் சக்கு²ஸ்மிம் அனபேக்கோ² ஹோதி; அனாக³தம் சக்கு²ம் நாபி⁴னந்த³தி; பச்சுப்பன்னஸ்ஸ சக்கு²ஸ்ஸ நிப்³பி³தா³ய விராகா³ய நிரோதா⁴ய படிபன்னோ ஹோதி. ஸோதம் அனத்தா…பே… கா⁴னம் அனத்தா…பே… ஜிவ்ஹா அனத்தா அதீதானாக³தா; கோ பன வாதோ³ பச்சுப்பன்னாய! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதாய ஜிவ்ஹாய அனபேக்கோ² ஹோதி; அனாக³தம் ஜிவ்ஹம் நாபி⁴னந்த³தி; பச்சுப்பன்னாய ஜிவ்ஹாய நிப்³பி³தா³ய விராகா³ய நிரோதா⁴ய படிபன்னோ ஹோதி. காயோ அனத்தா…பே… மனோ அனத்தா அதீதானாக³தோ; கோ பன வாதோ³ பச்சுப்பன்னஸ்ஸ! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதஸ்மிம் மனஸ்மிம் அனபேக்கோ² ஹோதி; அனாக³தம் மனம் நாபி⁴னந்த³தி; பச்சுப்பன்னஸ்ஸ மனஸ்ஸ நிப்³பி³தா³ய விராகா³ய நிரோதா⁴ய படிபன்னோ ஹோதீ’’தி. நவமம்.

10. பா³ஹிரானிச்சாதீதானாக³தஸுத்தம்

10. ‘‘ரூபா, பி⁴க்க²வே, அனிச்சா அதீதானாக³தா; கோ பன வாதோ³ பச்சுப்பன்னானம்! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதேஸு ரூபேஸு அனபேக்கோ² ஹோதி; அனாக³தே ரூபே நாபி⁴னந்த³தி; பச்சுப்பன்னானம் ரூபானம் நிப்³பி³தா³ய விராகா³ய நிரோதா⁴ய படிபன்னோ ஹோதி. ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனிச்சா அதீதானாக³தா; கோ பன வாதோ³ பச்சுப்பன்னானம்! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதேஸு த⁴ம்மேஸு அனபேக்கோ² ஹோதி; அனாக³தே த⁴ம்மே நாபி⁴னந்த³தி; பச்சுப்பன்னானம் த⁴ம்மானம் நிப்³பி³தா³ய விராகா³ய நிரோதா⁴ய படிபன்னோ ஹோதீ’’தி. த³ஸமம்.

11. பா³ஹிரது³க்கா²தீதானாக³தஸுத்தம்

11. ‘‘ரூபா, பி⁴க்க²வே, து³க்கா² அதீதானாக³தா; கோ பன வாதோ³ பச்சுப்பன்னானம்! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதேஸு ரூபேஸு அனபேக்கோ² ஹோதி; அனாக³தே ரூபே நாபி⁴னந்த³தி; பச்சுப்பன்னானம் ரூபானம் நிப்³பி³தா³ய விராகா³ய நிரோதா⁴ய படிபன்னோ ஹோதீ’’தி…பே. …. ஏகாத³ஸமம்.

12. பா³ஹிரானத்தாதீதானாக³தஸுத்தம்

12. ‘‘ரூபா, பி⁴க்க²வே, அனத்தா அதீதானாக³தா; கோ பன வாதோ³ பச்சுப்பன்னானம்! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதேஸு ரூபேஸு அனபேக்கோ² ஹோதி; அனாக³தே ரூபே நாபி⁴னந்த³தி; பச்சுப்பன்னானம் ரூபானம் நிப்³பி³தா³ய விராகா³ய நிரோதா⁴ய படிபன்னோ ஹோதி. ஸத்³தா³… க³ந்தா⁴… ரஸா… போ²ட்ட²ப்³பா³… த⁴ம்மா அனத்தா அதீதானாக³தா; கோ பன வாதோ³ பச்சுப்பன்னானம்! ஏவம் பஸ்ஸம், பி⁴க்க²வே, ஸுதவா அரியஸாவகோ அதீதேஸு த⁴ம்மேஸு அனபேக்கோ² ஹோதி; அனாக³தே த⁴ம்மே நாபி⁴னந்த³தி; பச்சுப்பன்னானம் த⁴ம்மானம் நிப்³பி³தா³ய விராகா³ய நிரோதா⁴ய படிபன்னோ ஹோதீ’’தி. த்³வாத³ஸமம்.

அனிச்சவக்³கோ³ பட²மோ.

தஸ்ஸுத்³தா³னம் –

அனிச்சம் து³க்க²ம் அனத்தா ச, தயோ அஜ்ஜ²த்தபா³ஹிரா;

யத³னிச்சேன தயோ வுத்தா, தே தே அஜ்ஜ²த்தபா³ஹிராதி.