26. அது³க்க²மஸுகீ²ஸுத்தம்

275. ஸாவத்தி²னிதா³னம். ‘‘கிஸ்மிம் நு கோ², பி⁴க்க²வே, ஸதி, கிம் உபாதா³ய, கிம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘அது³க்க²மஸுகீ² அத்தா ஹோதி அரோகோ³ பரம் மரணா’’’தி? ப⁴க³வம்மூலகா நோ, ப⁴ந்தே, த⁴ம்மா…பே….

‘‘ரூபே கோ², பி⁴க்க²வே, ஸதி, ரூபம் உபாதா³ய, ரூபம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘அது³க்க²மஸுகீ² அத்தா ஹோதி அரோகோ³ பரம் மரணா’தி. வேத³னாய ஸதி …பே… ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி, விஞ்ஞாணம் உபாதா³ய, விஞ்ஞாணம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘அது³க்க²மஸுகீ² அத்தா ஹோதி, அரோகோ³ பரம் மரணா’’’தி.

‘‘தம் கிம் மஞ்ஞத², பி⁴க்க²வே, ரூபம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘அது³க்க²மஸுகீ² அத்தா ஹோதி அரோகோ³ பரம் மரணா’’’தி? ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, யத³னிச்சம் தம் து³க்க²ம். தஸ்மிம் ஸதி, தது³பாதா³ய ஏவம் தி³ட்டி² உப்பஜ்ஜதி – ‘அது³க்க²மஸுகீ² அத்தா ஹோதி அரோகோ³ பரம் மரணா’’’தி. ‘‘வேத³னா…பே… ஸஞ்ஞா… ஸங்கா²ரா… விஞ்ஞாணம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘அது³க்க²மஸுகீ² அத்தா ஹோதி, அரோகோ³ பரம் மரணா’’’தி? ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, யத³னிச்சம் தம் து³க்க²ம். தஸ்மிம் ஸதி, தது³பாதா³ய ஏவம் தி³ட்டி² உப்பஜ்ஜதி – ‘அது³க்க²மஸுகீ² அத்தா ஹோதி அரோகோ³ பரம் மரணா’’’தி. ச²ப்³பீ³ஸதிமம்.

ததியபேய்யாலோ.