46-49. கோ³சரமூலகஅபி⁴னீஹாரஸுத்தாதி³சதுக்கம்

707. ஸாவத்தி²னிதா³னம்… ‘‘ஸமாதி⁴ஸ்மிம் கோ³சரகுஸலோ ஹோதி, ந ஸமாதி⁴ஸ்மிம் அபி⁴னீஹாரகுஸலோ… ஸமாதி⁴ஸ்மிம் அபி⁴னீஹாரகுஸலோ ஹோதி, ந ஸமாதி⁴ஸ்மிம் கோ³சரகுஸலோ… நேவ ஸமாதி⁴ஸ்மிம் கோ³சரகுஸலோ ஹோதி, ந ச ஸமாதி⁴ஸ்மிம் அபி⁴னீஹாரகுஸலோ… ஸமாதி⁴ஸ்மிம் கோ³சரகுஸலோ ச ஹோதி, ஸமாதி⁴ஸ்மிம் அபி⁴னீஹாரகுஸலோ ச… ஸேய்யதா²பி, பி⁴க்க²வே, க³வா கீ²ரம், கீ²ரம்ஹா த³தி⁴, த³தி⁴ம்ஹா நவனீதம், நவனீதம்ஹா ஸப்பி, ஸப்பிம்ஹா ஸப்பிமண்டோ³ தத்ர அக்³க³மக்கா²யதி; ஏவமேவ கோ², பி⁴க்க²வே, ய்வாயம் ஜா²யீ ஸமாதி⁴ஸ்மிம் கோ³சரகுஸலோ ச ஹோதி ஸமாதி⁴ஸ்மிம் அபி⁴னீஹாரகுஸலோ ச அயம் இமேஸம் சதுன்னம் ஜா²யீனம்…பே… உத்தமோ ச பவரோ சா’’தி. ச²சத்தாலீஸமம்.

708. ஸமாதி⁴ஸ்மிம் கோ³சரகுஸலோ ஹோதி, ந ஸமாதி⁴ஸ்மிம் ஸக்கச்சகாரீ…பே…. வித்தா²ரேதப்³ப³ம். ஸத்தசத்தாலீஸமம்.

709. ஸமாதி⁴ஸ்மிம் கோ³சரகுஸலோ ஹோதி, ந ஸமாதி⁴ஸ்மிம் ஸாதச்சகாரீ…பே…. அட்ட²சத்தாலீஸமம்.

710. ஸமாதி⁴ஸ்மிம் கோ³சரகுஸலோ ஹோதி, ந ஸமாதி⁴ஸ்மிம் ஸப்பாயகாரீ…பே…. ஏகூனபஞ்ஞாஸமம். (கோ³சரமூலகம்.)