1. நானத்தவக்³கோ³

1. தா⁴துனானத்தஸுத்தம்

85. ஸாவத்தி²யம் விஹரதி…பே… ‘‘தா⁴துனானத்தம் வோ, பி⁴க்க²வே, தே³ஸேஸ்ஸாமி. தம் ஸுணாத², ஸாது⁴கம் மனஸி கரோத²; பா⁴ஸிஸ்ஸாமீ’’தி. ‘‘ஏவம், ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸும். ப⁴க³வா ஏதத³வோச –

‘‘கதமஞ்ச, பி⁴க்க²வே, தா⁴துனானத்தம்? சக்கு²தா⁴து ரூபதா⁴து சக்கு²விஞ்ஞாணதா⁴து, ஸோததா⁴து ஸத்³த³தா⁴து ஸோதவிஞ்ஞாணதா⁴து, கா⁴னதா⁴து க³ந்த⁴தா⁴து கா⁴னவிஞ்ஞாணதா⁴து, ஜிவ்ஹாதா⁴து ரஸதா⁴து ஜிவ்ஹாவிஞ்ஞாணதா⁴து, காயதா⁴து போ²ட்ட²ப்³ப³தா⁴து காயவிஞ்ஞாணதா⁴து, மனோதா⁴து த⁴ம்மதா⁴து மனோவிஞ்ஞாணதா⁴து – இத³ம் வுச்சதி, பி⁴க்க²வே, தா⁴துனானத்த’’ந்தி. பட²மம்.

2. ப²ஸ்ஸனானத்தஸுத்தம்

86. ஸாவத்தி²யம் விஹரதி…பே… ‘‘தா⁴துனானத்தம், பி⁴க்க²வே, படிச்ச உப்பஜ்ஜதி ப²ஸ்ஸனானத்தம். கதமஞ்ச, பி⁴க்க²வே, தா⁴துனானத்தம்? சக்கு²தா⁴து ஸோததா⁴து கா⁴னதா⁴து ஜிவ்ஹாதா⁴து காயதா⁴து மனோதா⁴து – இத³ம் வுச்சதி, பி⁴க்க²வே, தா⁴துனானத்தம்’’.

‘‘கத²ஞ்ச, பி⁴க்க²வே, தா⁴துனானத்தம் படிச்ச உப்பஜ்ஜதி ப²ஸ்ஸனானத்தம்? சக்கு²தா⁴தும், பி⁴க்க²வே, படிச்ச உப்பஜ்ஜதி சக்கு²ஸம்ப²ஸ்ஸோ. ஸோததா⁴தும் படிச்ச… கா⁴னதா⁴தும் படிச்ச … ஜிவ்ஹாதா⁴தும் படிச்ச… காயதா⁴தும் படிச்ச… மனோதா⁴தும் படிச்ச உப்பஜ்ஜதி மனோஸம்ப²ஸ்ஸோ. ஏவம் கோ², பி⁴க்க²வே, தா⁴துனானத்தம் படிச்ச உப்பஜ்ஜதி ப²ஸ்ஸனானத்த’’ந்தி. து³தியம்.

3. நோப²ஸ்ஸனானத்தஸுத்தம்

87. ஸாவத்தி²யம் விஹரதி…பே… ‘‘தா⁴துனானத்தம், பி⁴க்க²வே, படிச்ச உப்பஜ்ஜதி ப²ஸ்ஸனானத்தம், நோ ப²ஸ்ஸனானத்தம் படிச்ச உப்பஜ்ஜதி தா⁴துனானத்தம். கதமஞ்ச, பி⁴க்க²வே, தா⁴துனானத்தம்? சக்கு²தா⁴து…பே… மனோதா⁴து – இத³ம் வுச்சதி, பி⁴க்க²வே, தா⁴துனானத்தம்’’.

‘‘கத²ஞ்ச, பி⁴க்க²வே, தா⁴துனானத்தம் படிச்ச உப்பஜ்ஜதி ப²ஸ்ஸனானத்தம், நோ ப²ஸ்ஸனானத்தம் படிச்ச உப்பஜ்ஜதி தா⁴துனானத்தம்? சக்கு²தா⁴தும், பி⁴க்க²வே, படிச்ச உப்பஜ்ஜதி சக்கு²ஸம்ப²ஸ்ஸோ, நோ சக்கு²ஸம்ப²ஸ்ஸம் படிச்ச உப்பஜ்ஜதி சக்கு²தா⁴து…பே… மனோதா⁴தும் படிச்ச உப்பஜ்ஜதி மனோஸம்ப²ஸ்ஸோ, நோ மனோஸம்ப²ஸ்ஸம் படிச்ச உப்பஜ்ஜதி மனோதா⁴து. ஏவம் கோ², பி⁴க்க²வே, தா⁴துனானத்தம் படிச்ச உப்பஜ்ஜதி ப²ஸ்ஸனானத்தம், நோ ப²ஸ்ஸனானத்தம் படிச்ச உப்பஜ்ஜதி தா⁴துனானத்த’’ந்தி. ததியம்.

4. வேத³னானானத்தஸுத்தம்

88. ஸாவத்தி²யம் விஹரதி…பே… ‘‘தா⁴துனானத்தம், பி⁴க்க²வே, படிச்ச உப்பஜ்ஜதி ப²ஸ்ஸனானத்தம், ப²ஸ்ஸனானத்தம் படிச்ச உப்பஜ்ஜதி வேத³னானானத்தம். கதமஞ்ச, பி⁴க்க²வே, தா⁴துனானத்தம்? சக்கு²தா⁴து …பே… மனோதா⁴து – இத³ம் வுச்சதி, பி⁴க்க²வே, தா⁴துனானத்தம்’’.

‘‘கத²ஞ்ச, பி⁴க்க²வே, தா⁴துனானத்தம் படிச்ச உப்பஜ்ஜதி ப²ஸ்ஸனானத்தம், ப²ஸ்ஸனானத்தம் படிச்ச உப்பஜ்ஜதி வேத³னானானத்தம்? சக்கு²தா⁴தும், பி⁴க்க²வே, படிச்ச உப்பஜ்ஜதி சக்கு²ஸம்ப²ஸ்ஸோ, சக்கு²ஸம்ப²ஸ்ஸம் படிச்ச உப்பஜ்ஜதி சக்கு²ஸம்ப²ஸ்ஸஜா வேத³னா…பே… மனோதா⁴தும் படிச்ச உப்பஜ்ஜதி மனோஸம்ப²ஸ்ஸோ, மனோஸம்ப²ஸ்ஸம் படிச்ச உப்பஜ்ஜதி மனோஸம்ப²ஸ்ஸஜா வேத³னா. ஏவம் கோ², பி⁴க்க²வே, தா⁴துனானத்தம் படிச்ச உப்பஜ்ஜதி ப²ஸ்ஸனானத்தம், ப²ஸ்ஸனானத்தம் படிச்ச உப்பஜ்ஜதி வேத³னானானத்த’’ந்தி. சதுத்த²ம்.

5. து³தியவேத³னானானத்தஸுத்தம்

89. ஸாவத்தி²யம் விஹரதி…பே… ‘‘தா⁴துனானத்தம், பி⁴க்க²வே, படிச்ச உப்பஜ்ஜதி ப²ஸ்ஸனானத்தம், ப²ஸ்ஸனானத்தம் படிச்ச உப்பஜ்ஜதி வேத³னானானத்தம், நோ வேத³னானானத்தம் படிச்ச உப்பஜ்ஜதி ப²ஸ்ஸனானத்தம், நோ ப²ஸ்ஸனானத்தம் படிச்ச உப்பஜ்ஜதி தா⁴துனானத்தம். கதமஞ்ச, பி⁴க்க²வே, தா⁴துனானத்தம்? சக்கு²தா⁴து…பே… மனோதா⁴து – இத³ம் வுச்சதி, பி⁴க்க²வே, தா⁴துனானத்தம்’’.

‘‘கத²ஞ்ச, பி⁴க்க²வே, தா⁴துனானத்தம் படிச்ச உப்பஜ்ஜதி ப²ஸ்ஸனானத்தம், ப²ஸ்ஸனானத்தம் படிச்ச உப்பஜ்ஜதி வேத³னானானத்தம், நோ வேத³னானானத்தம் படிச்ச உப்பஜ்ஜதி ப²ஸ்ஸனானத்தம், நோ ப²ஸ்ஸனானத்தம் படிச்ச உப்பஜ்ஜதி தா⁴துனானத்தம்? சக்கு²தா⁴தும், பி⁴க்க²வே, படிச்ச உப்பஜ்ஜதி சக்கு²ஸம்ப²ஸ்ஸோ, சக்கு²ஸம்ப²ஸ்ஸம் படிச்ச உப்பஜ்ஜதி சக்கு²ஸம்ப²ஸ்ஸஜா வேத³னா, நோ சக்கு²ஸம்ப²ஸ்ஸஜம் வேத³னம் படிச்ச உப்பஜ்ஜதி சக்கு²ஸம்ப²ஸ்ஸோ, நோ சக்கு²ஸம்ப²ஸ்ஸம் படிச்ச உப்பஜ்ஜதி சக்கு²தா⁴து…பே… மனோதா⁴தும் படிச்ச உப்பஜ்ஜதி மனோஸம்ப²ஸ்ஸோ, மனோஸம்ப²ஸ்ஸம் படிச்ச உப்பஜ்ஜதி மனோஸம்ப²ஸ்ஸஜா வேத³னா, நோ மனோஸம்ப²ஸ்ஸஜம் வேத³னம் படிச்ச உப்பஜ்ஜதி மனோஸம்ப²ஸ்ஸோ, நோ மனோஸம்ப²ஸ்ஸம் படிச்ச உப்பஜ்ஜதி மனோதா⁴து. ஏவம் கோ², பி⁴க்க²வே, தா⁴துனானத்தம் படிச்ச உப்பஜ்ஜதி ப²ஸ்ஸனானத்தம், ப²ஸ்ஸனானத்தம் படிச்ச உப்பஜ்ஜதி வேத³னானானத்தம், நோ வேத³னானானத்தம் படிச்ச உப்பஜ்ஜதி ப²ஸ்ஸனானத்தம், நோ ப²ஸ்ஸனானத்தம் படிச்ச உப்பஜ்ஜதி தா⁴துனானத்த’’ந்தி. பஞ்சமம்.

6. பா³ஹிரதா⁴துனானத்தஸுத்தம்

90. ஸாவத்தி²யம் விஹரதி…பே… ‘‘தா⁴துனானத்தம் வோ, பி⁴க்க²வே, தே³ஸேஸ்ஸாமி. தம் ஸுணாத²…பே… கதமஞ்ச, பி⁴க்க²வே, தா⁴துனானத்தம்? ரூபதா⁴து ஸத்³த³தா⁴து க³ந்த⁴தா⁴து ரஸதா⁴து போ²ட்ட²ப்³ப³தா⁴து த⁴ம்மதா⁴து – இத³ம் வுச்சதி, பி⁴க்க²வே, தா⁴துனானத்த’’ந்தி. ச²ட்ட²ம்.

7. ஸஞ்ஞானானத்தஸுத்தம்

91. ஸாவத்தி²யம் விஹரதி…பே… ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸும். ப⁴க³வா ஏதத³வோச – ‘‘தா⁴துனானத்தம், பி⁴க்க²வே, படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி ஸங்கப்பனானத்தம், ஸங்கப்பனானத்தம் படிச்ச உப்பஜ்ஜதி ச²ந்த³னானத்தம், ச²ந்த³னானத்தம் படிச்ச உப்பஜ்ஜதி பரிளாஹனானத்தம், பரிளாஹனானத்தம் படிச்ச உப்பஜ்ஜதி பரியேஸனானானத்தம். கதமஞ்ச, பி⁴க்க²வே, தா⁴துனானத்தம்? ரூபதா⁴து…பே… த⁴ம்மதா⁴து – இத³ம் வுச்சதி, பி⁴க்க²வே, தா⁴துனானத்தம்’’.

‘‘கத²ஞ்ச, பி⁴க்க²வே, தா⁴துனானத்தம் படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி ஸங்கப்பனானத்தம், ஸங்கப்பனானத்தம் படிச்ச உப்பஜ்ஜதி ச²ந்த³னானத்தம், ச²ந்த³னானத்தம் படிச்ச உப்பஜ்ஜதி பரிளாஹனானத்தம், பரிளாஹனானத்தம் படிச்ச உப்பஜ்ஜதி பரியேஸனானானத்தம்?

‘‘ரூபதா⁴தும், பி⁴க்க²வே, படிச்ச உப்பஜ்ஜதி ரூபஸஞ்ஞா, ரூபஸஞ்ஞம் படிச்ச உப்பஜ்ஜதி ரூபஸங்கப்போ, ரூபஸங்கப்பம் படிச்ச உப்பஜ்ஜதி ரூபச்ச²ந்தோ³, ரூபச்ச²ந்த³ம் படிச்ச உப்பஜ்ஜதி ரூபபரிளாஹோ, ரூபபரிளாஹம் படிச்ச உப்பஜ்ஜதி ரூபபரியேஸனா…பே… த⁴ம்மதா⁴தும் படிச்ச உப்பஜ்ஜதி த⁴ம்மஸஞ்ஞா, த⁴ம்மஸஞ்ஞம் படிச்ச உப்பஜ்ஜதி த⁴ம்மஸங்கப்போ, த⁴ம்மஸங்கப்பம் படிச்ச உப்பஜ்ஜதி த⁴ம்மச்ச²ந்தோ³, த⁴ம்மச்ச²ந்த³ம் படிச்ச உப்பஜ்ஜதி த⁴ம்மபரிளாஹோ, த⁴ம்மபரிளாஹம் படிச்ச உப்பஜ்ஜதி த⁴ம்மபரியேஸனா.

‘‘ஏவம், கோ², பி⁴க்க²வே, தா⁴துனானத்தம் படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி ஸங்கப்பனானத்தம், ஸங்கப்பனானத்தம் படிச்ச உப்பஜ்ஜதி ச²ந்த³னானத்தம், ச²ந்த³னானத்தம் படிச்ச உப்பஜ்ஜதி பரிளாஹனானத்தம், பரிளாஹனானத்தம் படிச்ச உப்பஜ்ஜதி பரியேஸனானானத்த’’ந்தி. ஸத்தமம்.

8. நோபரியேஸனானானத்தஸுத்தம்

92. ஸாவத்தி²யம் விஹரதி…பே… ‘‘தா⁴துனானத்தம், பி⁴க்க²வே, படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி ஸங்கப்பனானத்தம், ஸங்கப்பனானத்தம் படிச்ச உப்பஜ்ஜதி ச²ந்த³னானத்தம், ச²ந்த³னானத்தம் படிச்ச உப்பஜ்ஜதி பரிளாஹனானத்தம், பரிளாஹனானத்தம் படிச்ச உப்பஜ்ஜதி பரியேஸனானானத்தம்; நோ பரியேஸனானானத்தம் படிச்ச உப்பஜ்ஜதி பரிளாஹனானத்தம், நோ பரிளாஹனானத்தம் படிச்ச உப்பஜ்ஜதி ச²ந்த³னானத்தம், நோ ச²ந்த³னானத்தம் படிச்ச உப்பஜ்ஜதி ஸங்கப்பனானத்தம், நோ ஸங்கப்பனானத்தம் படிச்ச உப்பஜ்ஜதி ஸஞ்ஞானானத்தம், நோ ஸஞ்ஞானானத்தம் படிச்ச உப்பஜ்ஜதி தா⁴துனானத்தம். கதமஞ்ச, பி⁴க்க²வே, தா⁴துனானத்தம்? ரூபதா⁴து…பே… த⁴ம்மதா⁴து – இத³ம் வுச்சதி, பி⁴க்க²வே, தா⁴துனானத்தம்’’.

‘‘கத²ஞ்ச, பி⁴க்க²வே, தா⁴துனானத்தம் படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி…பே… பரியேஸனானானத்தம்; நோ பரியேஸனானானத்தம் படிச்ச உப்பஜ்ஜதி பரிளாஹனானத்தம், நோ பரிளாஹனானத்தம் படிச்ச உப்பஜ்ஜதி ச²ந்த³னானத்தம், நோ ச²ந்த³னானத்தம் படிச்ச உப்பஜ்ஜதி ஸங்கப்பனானத்தம், நோ ஸங்கப்பனானத்தம் படிச்ச உப்பஜ்ஜதி ஸஞ்ஞானானத்தம், நோ ஸஞ்ஞானானத்தம் படிச்ச உப்பஜ்ஜதி தா⁴துனானத்தம்?

‘‘ரூபதா⁴தும், பி⁴க்க²வே, படிச்ச உப்பஜ்ஜதி ரூபஸஞ்ஞா…பே… த⁴ம்மதா⁴தும் படிச்ச உப்பஜ்ஜதி த⁴ம்மஸஞ்ஞா, த⁴ம்மஸஞ்ஞம் படிச்ச உப்பஜ்ஜதி…பே… த⁴ம்மபரியேஸனா; நோ த⁴ம்மபரியேஸனம் படிச்ச உப்பஜ்ஜதி த⁴ம்மபரிளாஹோ, நோ த⁴ம்மபரிளாஹம் படிச்ச உப்பஜ்ஜதி த⁴ம்மச்ச²ந்தோ³, நோ த⁴ம்மச்ச²ந்த³ம் படிச்ச உப்பஜ்ஜதி த⁴ம்மஸங்கப்போ, நோ த⁴ம்மஸங்கப்பம் படிச்ச உப்பஜ்ஜதி த⁴ம்மஸஞ்ஞா, நோ த⁴ம்மஸஞ்ஞம் படிச்ச உப்பஜ்ஜதி த⁴ம்மதா⁴து.

‘‘ஏவம் கோ², பி⁴க்க²வே, தா⁴துனானத்தம் படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி…பே… பரியேஸனானானத்தம்; நோ பரியேஸனானானத்தம் படிச்ச உப்பஜ்ஜதி பரிளாஹனானத்தம், நோ பரிளாஹனானத்தம் படிச்ச உப்பஜ்ஜதி ச²ந்த³னானத்தம், நோ ச²ந்த³னானத்தம் படிச்ச உப்பஜ்ஜதி ஸங்கப்பனானத்தம், நோ ஸங்கப்பனானத்தம் படிச்ச உப்பஜ்ஜதி ஸஞ்ஞானானத்தம், நோ ஸஞ்ஞானானத்தம் படிச்ச உப்பஜ்ஜதி தா⁴துனானத்த’’ந்தி. அட்ட²மம்.

9. பா³ஹிரப²ஸ்ஸனானத்தஸுத்தம்

93. ஸாவத்தி²யம் விஹரதி…பே… ‘‘தா⁴துனானத்தம், பி⁴க்க²வே, படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி ஸங்கப்பனானத்தம், ஸங்கப்பனானத்தம் படிச்ச உப்பஜ்ஜதி ப²ஸ்ஸனானத்தம், ப²ஸ்ஸனானத்தம் படிச்ச உப்பஜ்ஜதி வேத³னானானத்தம், வேத³னானானத்தம் படிச்ச உப்பஜ்ஜதி ச²ந்த³னானத்தம், ச²ந்த³னானத்தம் படிச்ச உப்பஜ்ஜதி பரிளாஹனானத்தம், பரிளாஹனானத்தம் படிச்ச உப்பஜ்ஜதி பரியேஸனானானத்தம், பரியேஸனானானத்தம் படிச்ச உப்பஜ்ஜதி லாப⁴னானத்தம். கதமஞ்ச, பி⁴க்க²வே, தா⁴துனானத்தம்? ரூபதா⁴து…பே… த⁴ம்மதா⁴து – இத³ம் வுச்சதி, பி⁴க்க²வே, தா⁴துனானத்தம்’’.

‘‘கத²ஞ்ச, பி⁴க்க²வே, தா⁴துனானத்தம் படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி…பே… லாப⁴னானத்தம்?

‘‘ரூபதா⁴தும், பி⁴க்க²வே, படிச்ச உப்பஜ்ஜதி ரூபஸஞ்ஞா, ரூபஸஞ்ஞம் படிச்ச உப்பஜ்ஜதி ரூபஸங்கப்போ, ரூபஸங்கப்பம் படிச்ச உப்பஜ்ஜதி ரூபஸம்ப²ஸ்ஸோ, ரூபஸம்ப²ஸ்ஸம் படிச்ச உப்பஜ்ஜதி ரூபஸம்ப²ஸ்ஸஜா வேத³னா, ரூபஸம்ப²ஸ்ஸஜம் வேத³னம் படிச்ச உப்பஜ்ஜதி ரூபச்ச²ந்தோ³, ரூபச்ச²ந்த³ம் படிச்ச உப்பஜ்ஜதி ரூபபரிளாஹோ, ரூபபரிளாஹம் படிச்ச உப்பஜ்ஜதி ரூபபரியேஸனா, ரூபபரியேஸனம் படிச்ச உப்பஜ்ஜதி ரூபலாபோ⁴…பே… த⁴ம்மதா⁴தும் படிச்ச உப்பஜ்ஜதி த⁴ம்மஸஞ்ஞா, த⁴ம்மஸஞ்ஞம் படிச்ச உப்பஜ்ஜதி த⁴ம்மஸங்கப்போ, த⁴ம்மஸங்கப்பம் படிச்ச உப்பஜ்ஜதி த⁴ம்மஸம்ப²ஸ்ஸோ, த⁴ம்மஸம்ப²ஸ்ஸம் படிச்ச உப்பஜ்ஜதி த⁴ம்மஸம்ப²ஸ்ஸஜா வேத³னா, த⁴ம்மஸம்ப²ஸ்ஸஜம் வேத³னம் படிச்ச உப்பஜ்ஜதி த⁴ம்மச்ச²ந்தோ³, த⁴ம்மச்ச²ந்த³ம் படிச்ச உப்பஜ்ஜதி த⁴ம்மபரிளாஹோ, த⁴ம்மபரிளாஹம் படிச்ச உப்பஜ்ஜதி த⁴ம்மபரியேஸனா, த⁴ம்மபரியேஸனம் படிச்ச உப்பஜ்ஜதி த⁴ம்மலாபோ⁴.

‘‘ஏவம் கோ², பி⁴க்க²வே, தா⁴துனானத்தம் படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி…பே… பரியேஸனானானத்தம், பரியேஸனானானத்தம் படிச்ச உப்பஜ்ஜதி லாப⁴னானத்த’’ந்தி. நவமம்.

10. து³தியபா³ஹிரப²ஸ்ஸனானத்தஸுத்தம்

94. ஸாவத்தி²யம் விஹரதி…பே… ‘‘தா⁴துனானத்தம், பி⁴க்க²வே, படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி ஸங்கப்பனானத்தம், ப²ஸ்ஸ… வேத³னா… ச²ந்த³… பரிளாஹ… பரியேஸனானானத்தம் படிச்ச உப்பஜ்ஜதி லாப⁴னானத்தம்; நோ லாப⁴னானத்தம் படிச்ச உப்பஜ்ஜதி பரியேஸனானானத்தம், நோ பரியேஸனானானத்தம் படிச்ச உப்பஜ்ஜதி பரிளாஹனானத்தம், நோ பரிளாஹனானத்தம் படிச்ச உப்பஜ்ஜதி…பே… ச²ந்த³… வேத³னா… ப²ஸ்ஸ… ஸங்கப்ப… ஸஞ்ஞானானத்தம், நோ ஸஞ்ஞானானத்தம் படிச்ச உப்பஜ்ஜதி தா⁴துனானத்தம். கதமஞ்ச, பி⁴க்க²வே, தா⁴துனானத்தம்? ரூபதா⁴து…பே… த⁴ம்மதா⁴து – இத³ம் வுச்சதி, பி⁴க்க²வே, தா⁴துனானத்தம்’’.

‘‘கத²ஞ்ச, பி⁴க்க²வே, தா⁴துனானத்தம் படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி ஸங்கப்பனானத்தம்? ப²ஸ்ஸ… வேத³னா… ச²ந்த³… பரிளாஹ… பரியேஸனா… லாப⁴… நோ லாப⁴னானத்தம் படிச்ச உப்பஜ்ஜதி பரியேஸனானானத்தம், நோ பரியேஸனானானத்தம் படிச்ச உப்பஜ்ஜதி பரிளாஹ… ச²ந்த³… வேத³னா… ப²ஸ்ஸ… நோ ஸங்கப்பனானத்தம் படிச்ச உப்பஜ்ஜதி ஸஞ்ஞானானத்தம், நோ ஸஞ்ஞானானத்தம் படிச்ச உப்பஜ்ஜதி தா⁴துனானத்தம்?

‘‘ரூபதா⁴தும், பி⁴க்க²வே, படிச்ச உப்பஜ்ஜதி ரூபஸஞ்ஞா…பே… த⁴ம்மதா⁴தும் படிச்ச உப்பஜ்ஜதி த⁴ம்மஸஞ்ஞா, த⁴ம்மஸஞ்ஞம் படிச்ச உப்பஜ்ஜதி…பே… த⁴ம்மபரியேஸனா, த⁴ம்மபரியேஸனம் படிச்ச உப்பஜ்ஜதி த⁴ம்மலாபோ⁴; நோ த⁴ம்மலாப⁴ம் படிச்ச உப்பஜ்ஜதி த⁴ம்மபரியேஸனா, நோ த⁴ம்மபரியேஸனம் படிச்ச உப்பஜ்ஜதி த⁴ம்மபரிளாஹோ, நோ த⁴ம்மபரிளாஹம் படிச்ச உப்பஜ்ஜதி த⁴ம்மச்ச²ந்தோ³, நோ த⁴ம்மச்ச²ந்த³ம் படிச்ச உப்பஜ்ஜதி த⁴ம்மஸம்ப²ஸ்ஸஜா வேத³னா, நோ த⁴ம்மஸம்ப²ஸ்ஸஜம் வேத³னம் படிச்ச உப்பஜ்ஜதி த⁴ம்மஸம்ப²ஸ்ஸோ, நோ த⁴ம்மஸம்ப²ஸ்ஸம் படிச்ச உப்பஜ்ஜதி த⁴ம்மஸங்கப்போ, நோ த⁴ம்மஸங்கப்பம் படிச்ச உப்பஜ்ஜதி த⁴ம்மஸஞ்ஞா, நோ த⁴ம்மஸஞ்ஞம் படிச்ச உப்பஜ்ஜதி த⁴ம்மதா⁴து.

‘‘ஏவம் கோ², பி⁴க்க²வே, தா⁴துனானத்தம் படிச்ச உப்பஜ்ஜதி ஸஞ்ஞானானத்தம், ஸஞ்ஞானானத்தம் படிச்ச உப்பஜ்ஜதி…பே… ஸங்கப்ப… ப²ஸ்ஸ… வேத³னா… ச²ந்த³… பரிளாஹ… பரியேஸனா… லாப⁴… நோ லாப⁴னானத்தம் படிச்ச உப்பஜ்ஜதி பரியேஸனானானத்தம், நோ பரியேஸனானானத்தம் படிச்ச உப்பஜ்ஜதி பரிளாஹனானத்தம், நோ பரிளாஹனானத்தம் படிச்ச உப்பஜ்ஜதி ச²ந்த³னானத்தம், நோ ச²ந்த³னானத்தம் படிச்ச உப்பஜ்ஜதி வேத³னானானத்தம், நோ வேத³னானானத்தம் படிச்ச உப்பஜ்ஜதி ப²ஸ்ஸனானத்தம், நோ ப²ஸ்ஸனானத்தம் படிச்ச உப்பஜ்ஜதி ஸங்கப்பனானத்தம், நோ ஸங்கப்பனானத்தம் படிச்ச உப்பஜ்ஜதி ஸஞ்ஞானானத்தம், நோ ஸஞ்ஞானானத்தம் படிச்ச உப்பஜ்ஜதி தா⁴துனானத்த’’ந்தி. த³ஸமம்.

நானத்தவக்³கோ³ பட²மோ.

தஸ்ஸுத்³தா³னம் –

தா⁴துப²ஸ்ஸஞ்ச நோ சேதம், வேத³னா அபரே து³வே;

ஏதம் அஜ்ஜ²த்தபஞ்சகம், தா⁴துஸஞ்ஞஞ்ச நோ சேதம்;

ப²ஸ்ஸஸ்ஸ அபரே து³வே, ஏதம் பா³ஹிரபஞ்சகந்தி.