2. சித்தலதாவக்³கோ³

1. தா³ஸிவிமானவத்து²

157. ‘‘அபி ஸக்கோவ தே³விந்தோ³, ரம்மே சித்தலதாவனே;

ஸமந்தா அனுபரியாஸி, நாரீக³ணபுரக்க²தா;

ஓபா⁴ஸேந்தீ தி³ஸா ஸப்³பா³, ஓஸதீ⁴ விய தாரகா.

158. ‘‘கேன தேதாதி³ஸோ வண்ணோ, கேன தே இத⁴ மிஜ்ஜ²தி;

உப்பஜ்ஜந்தி ச தே போ⁴கா³, யே கேசி மனஸோ பியா.

159. ‘‘புச்சா²மி தம் தே³வி மஹானுபா⁴வே, மனுஸ்ஸபூ⁴தா கிமகாஸி புஞ்ஞம்;

கேனாஸி ஏவம் ஜலிதானுபா⁴வா, வண்ணோ ச தே ஸப்³ப³தி³ஸா பபா⁴ஸதீ’’தி.

160. ஸா தே³வதா அத்தமனா, மோக்³க³ல்லானேன புச்சி²தா;

பஞ்ஹம் புட்டா² வியாகாஸி, யஸ்ஸ கம்மஸ்ஸித³ம் ப²லம்.

161. ‘‘அஹம் மனுஸ்ஸேஸு மனுஸ்ஸபூ⁴தா, தா³ஸீ அஹோஸிம் பரபேஸ்ஸியா [பரபேஸியா (க.)] குலே.

162. ‘‘உபாஸிகா சக்கு²மதோ, கோ³தமஸ்ஸ யஸஸ்ஸினோ;

தஸ்ஸா மே நிக்கமோ ஆஸி, ஸாஸனே தஸ்ஸ தாதி³னோ.

163. ‘‘காமம் பி⁴ஜ்ஜதுயம் காயோ, நேவ அத்தே²த்த² ஸண்ட²னம் [ஸந்த²னம் (ஸீ. ஸ்யா. பீ.)];

ஸிக்கா²பதா³னம் பஞ்சன்னம், மக்³கோ³ ஸோவத்தி²கோ ஸிவோ.

164. ‘‘அகண்டகோ அக³ஹனோ, உஜு ஸப்³பி⁴ பவேதி³தோ;

நிக்கமஸ்ஸ ப²லம் பஸ்ஸ, யதி²த³ம் பாபுணித்தி²கா.

165. ‘‘ஆமந்தனிகா ரஞ்ஞோம்ஹி, ஸக்கஸ்ஸ வஸவத்தினோ;

ஸட்டி² துரிய [துரிய (ஸீ. ஸ்யா. பீ.)] ஸஹஸ்ஸானி, படிபோ³த⁴ம் கரோந்தி மே.

166. ‘‘ஆலம்போ³ க³க்³க³ரோ [க³க்³க³மோ (ஸ்யா.), ப⁴க்³க³ரோ (க.)] பீ⁴மோ [பி⁴ம்மோ (க.)], ஸாது⁴வாதீ³ ச ஸம்ஸயோ;

போக்க²ரோ ச ஸுப²ஸ்ஸோ ச, விணாமோக்கா² [விலாமோக்கா² (க.)] ச நாரியோ.

167. ‘‘நந்தா³ சேவ ஸுனந்தா³ ச, ஸோணதி³ன்னா ஸுசிம்ஹிதா [ஸுசிம்பி⁴கா (ஸ்யா.)];

அலம்பு³ஸா மிஸ்ஸகேஸீ ச, புண்ட³ரீகாதி தா³ருணீ.

168. ‘‘ஏணீப²ஸ்ஸா ஸுப²ஸ்ஸா ச, ஸுப⁴த்³தா³ முது³வாதி³னீ;

ஏதா சஞ்ஞா ச ஸேய்யாஸே, அச்ச²ரானம் பபோ³தி⁴கா.

169. ‘‘தா மம் காலேனுபாக³ந்த்வா, அபி⁴பா⁴ஸந்தி தே³வதா;

ஹந்த³ நச்சாம கா³யாம, ஹந்த³ தம் ரமயாமஸே.

170. ‘‘நயித³ம் அகதபுஞ்ஞானம், கதபுஞ்ஞானமேவித³ம்;

அஸோகம் நந்த³னம் ரம்மம், தித³ஸானம் மஹாவனம்.

171. ‘‘ஸுக²ம் அகதபுஞ்ஞானம், இத⁴ நத்தி² பரத்த² ச;

ஸுக²ஞ்ச கதபுஞ்ஞானம், இத⁴ சேவ பரத்த² ச.

172. ‘‘தேஸம் ஸஹப்³யகாமானம், கத்தப்³ப³ம் குஸலம் ப³ஹும்;

கதபுஞ்ஞா ஹி மோத³ந்தி, ஸக்³கே³ போ⁴க³ஸமங்கி³னோ’’தி.

தா³ஸிவிமானம் பட²மம்.

2. லகு²மாவிமானவத்து²

173. ‘‘அபி⁴க்கந்தேன வண்ணேன, யா த்வம் திட்ட²ஸி தே³வதே;

ஓபா⁴ஸேந்தீ தி³ஸா ஸப்³பா³, ஓஸதீ⁴ விய தாரகா.

174. ‘‘கேன தேதாதி³ஸோ வண்ணோ, கேன தே இத⁴ மிஜ்ஜ²தி;

உப்பஜ்ஜந்தி ச தே போ⁴கா³, யே கேசி மனஸோ பியா.

175. ‘‘புச்சா²மி தம் தே³வி மஹானுபா⁴வே, மனுஸ்ஸபூ⁴தா கிமகாஸி புஞ்ஞம்;

கேனாஸி ஏவம் ஜலிதானுபா⁴வா, வண்ணோ ச தே ஸப்³ப³தி³ஸா பபா⁴ஸதீ’’தி.

176. ஸா தே³வதா அத்தமனா, மோக்³க³ல்லானேன புச்சி²தா;

பஞ்ஹம் புட்டா² வியாகாஸி, யஸ்ஸ கம்மஸ்ஸித³ம் ப²லம்.

177. ‘‘கேவட்டத்³வாரா நிக்க²ம்ம, அஹு மய்ஹம் நிவேஸனம்;

தத்த² ஸஞ்சரமானானம், ஸாவகானம் மஹேஸினம்.

178. ‘‘ஓத³னம் கும்மாஸம் [ஸாகம் (ஸீ.)] டா³கம், லோணஸோவீரகஞ்சஹம்;

அதா³ஸிம் உஜுபூ⁴தேஸு, விப்பஸன்னேன சேதஸா.

179. ‘‘சாதுத்³த³ஸிம் பஞ்சத³ஸிம், யா ச பக்க²ஸ்ஸ அட்ட²மீ;

பாடிஹாரியபக்க²ஞ்ச, அட்ட²ங்க³ஸுஸமாக³தம்.

180. ‘‘உபோஸத²ம் உபவஸிஸ்ஸம், ஸதா³ ஸீலேஸு ஸம்வுதா;

ஸஞ்ஞமா ஸம்விபா⁴கா³ ச, விமானம் ஆவஸாமஹம்.

181. ‘‘பாணாதிபாதா விரதா, முஸாவாதா³ ச ஸஞ்ஞதா;

தே²ய்யா ச அதிசாரா ச, மஜ்ஜபானா ச ஆரகா.

182. ‘‘பஞ்சஸிக்கா²பதே³ ரதா, அரியஸச்சான கோவிதா³;

உபாஸிகா சக்கு²மதோ, கோ³தமஸ்ஸ யஸஸ்ஸினோ.

183. ‘‘தேன மேதாதி³ஸோ வண்ணோ…பே… வண்ணோ ச மே ஸப்³ப³தி³ஸா பபா⁴ஸதீதி.

‘‘மம ச, ப⁴ந்தே, வசனேன ப⁴க³வதோ பாதே³ ஸிரஸா வந்தே³ய்யாஸி – ‘லகு²மா நாம,ப⁴ந்தே,உபாஸிகா ப⁴க³வதோ பாதே³ ஸிரஸா வந்த³தீ’தி. அனச்ச²ரியம் கோ² பனேதம், ப⁴ந்தே, யம் மம் ப⁴க³வா அஞ்ஞதரஸ்மிம் ஸாமஞ்ஞப²லே ப்³யாகரேய்ய [ப்³யாகரேய்யாதி (?)]. தம் ப⁴க³வா ஸகதா³கா³மிப²லே ப்³யாகாஸீ’’தி.

லகு²மாவிமானம் து³தியம்.

3. ஆசாமதா³யிகாவிமானவத்து²

185. ‘‘பிண்டா³ய தே சரந்தஸ்ஸ, துண்ஹீபூ⁴தஸ்ஸ திட்ட²தோ;

த³லித்³தா³ கபணா நாரீ, பராகா³ரம் அபஸ்ஸிதா [அவஸ்ஸிதா (ஸீ.)].

186. ‘‘யா தே அதா³ஸி ஆசாமம், பஸன்னா ஸேஹி பாணிபி⁴;

ஸா ஹித்வா மானுஸம் தே³ஹம், கம் நு ஸா தி³ஸதம் க³தா’’தி.

187. ‘‘பிண்டா³ய மே சரந்தஸ்ஸ, துண்ஹீபூ⁴தஸ்ஸ திட்ட²தோ;

த³லித்³தா³ கபணா நாரீ, பராகா³ரம் அபஸ்ஸிதா.

188. ‘‘யா மே அதா³ஸி ஆசாமம், பஸன்னா ஸேஹி பாணிபி⁴;

ஸா ஹித்வா மானுஸம் தே³ஹம், விப்பமுத்தா இதோ சுதா.

189. ‘‘நிம்மானரதினோ நாம, ஸந்தி தே³வா மஹித்³தி⁴கா;

தத்த² ஸா ஸுகி²தா நாரீ, மோத³தாசாமதா³யிகா’’தி.

190. ‘‘அஹோ தா³னம் வராகியா, கஸ்ஸபே ஸுப்பதிட்டி²தம்;

பராப⁴தேன தா³னேன, இஜ்ஜி²த்த² வத த³க்கி²ணா.

191. ‘‘யா மஹேஸித்தம் காரேய்ய, சக்கவத்திஸ்ஸ ராஜினோ;

நாரீ ஸப்³ப³ங்க³கல்யாணீ, ப⁴த்து சானோமத³ஸ்ஸிகா;

ஏதஸ்ஸாசாமதா³னஸ்ஸ, கலம் நாக்³க⁴தி ஸோளஸிம்.

192. ‘‘ஸதம் நிக்கா² ஸதம் அஸ்ஸா, ஸதம் அஸ்ஸதரீரதா²;

ஸதம் கஞ்ஞாஸஹஸ்ஸானி, ஆமுத்தமணிகுண்ட³லா;

ஏதஸ்ஸாசாமதா³னஸ்ஸ, கலம் நாக்³க⁴ந்தி ஸோளஸிம்.

193. ‘‘ஸதம் ஹேமவதா நாகா³, ஈஸாத³ந்தா உரூள்ஹவா;

ஸுவண்ணகச்சா² மாதங்கா³, ஹேமகப்பனவாஸஸா [ஹேமகப்பனிவாஸஸா (ஸ்யா. க.)];

ஏதஸ்ஸாசாமதா³னஸ்ஸ, கலம் நாக்³க⁴தி ஸோளஸிம்.

194. ‘‘சதுன்னமபி தீ³பானம், இஸ்ஸரம் யோத⁴ காரயே;

ஏதஸ்ஸாசாமதா³னஸ்ஸ, கலம் நாக்³க⁴தி ஸோளஸி’’ந்தி.

ஆசாமதா³யிகாவிமானம் ததியம்.

4. சண்டா³லிவிமானவத்து²

195. ‘‘சண்டா³லி வந்த³ பாதா³னி, கோ³தமஸ்ஸ யஸஸ்ஸினோ;

தமேவ [தவேவ (ஸீ.)] அனுகம்பாய, அட்டா²ஸி இஸிஸத்தமோ [இஸிஸுத்தமோ (ஸீ.)].

196. ‘‘அபி⁴ப்பஸாதே³ஹி மனம், அரஹந்தம்ஹி தாதி³னி [தாதி³னே (ஸ்யா. க.)];

கி²ப்பம் பஞ்ஜலிகா வந்த³, பரித்தம் தவ ஜீவித’’ந்தி.

197. சோதி³தா பா⁴விதத்தேன, ஸரீரந்திமதா⁴ரினா;

சண்டா³லீ வந்தி³ பாதா³னி, கோ³தமஸ்ஸ யஸஸ்ஸினோ.

198. தமேனம் அவதீ⁴ கா³வீ, சண்டா³லிம் பஞ்ஜலிம் டி²தம்;

நமஸ்ஸமானம் ஸம்பு³த்³த⁴ம், அந்த⁴காரே பப⁴ங்கரந்தி.

199. ‘‘கீ²ணாஸவம் விக³தரஜம் அனேஜம், ஏகம் அரஞ்ஞம்ஹி ரஹோ நிஸின்னம்;

தே³வித்³தி⁴பத்தா உபஸங்கமித்வா, வந்தா³மி தம் வீர மஹானுபா⁴வ’’ந்தி.

200. ‘‘ஸுவண்ணவண்ணா ஜலிதா மஹாயஸா, விமானமோருய்ஹ அனேகசித்தா;

பரிவாரிதா அச்ச²ராஸங்க³ணேன [அச்ச²ரானம் க³ணேன (ஸீ.)], கா த்வம் ஸுபே⁴ தே³வதே வந்த³ஸே மம’’ந்தி.

201. ‘‘அஹம் ப⁴த்³த³ந்தே சண்டா³லீ, தயா வீரேன [தே²ரேன (க.)] பேஸிதா;

வந்தி³ம் அரஹதோ பாதே³, கோ³தமஸ்ஸ யஸஸ்ஸினோ.

202. ‘‘ஸாஹம் வந்தி³த்வா [வந்தி³த்வ (ஸீ.)] பாதா³னி, சுதா சண்டா³லயோனியா;

விமானம் ஸப்³ப³தோ ப⁴த்³த³ம், உபபன்னம்ஹி நந்த³னே.

203. ‘‘அச்ச²ரானம் ஸதஸஹஸ்ஸம், புரக்க²த்வான [புரக்கி²த்வா மம் (ஸ்யா. க.)] திட்ட²தி;

தாஸாஹம் பவரா ஸேட்டா², வண்ணேன யஸஸாயுனா.

204. ‘‘பஹூதகதகல்யாணா, ஸம்பஜானா படிஸ்ஸதா [பதிஸ்ஸதா (ஸீ. ஸ்யா.)];

முனிம் காருணிகம் லோகே, தம் ப⁴ந்தே வந்தி³துமாக³தா’’தி.

205. இத³ம் வத்வான சண்டா³லீ, கதஞ்ஞூ கதவேதி³னீ;

வந்தி³த்வா அரஹதோ பாதே³, தத்தே²வந்தரதா⁴யதா²தி [தத்தே²வந்தரதா⁴யதீதி (ஸ்யா. க.)].

சண்டா³லிவிமானம் சதுத்த²ம்.

5. ப⁴த்³தி³த்தி²விமானவத்து²

206. ‘‘நீலா பீதா ச காளா ச, மஞ்ஜிட்டா² [மஞ்ஜேட்டா² (ஸீ.), மஞ்ஜட்டா² (பீ.)] அத² லோஹிதா;

உச்சாவசானம் வண்ணானம், கிஞ்ஜக்க²பரிவாரிதா.

207. ‘‘மந்தா³ரவானம் புப்பா²னம், மாலம் தா⁴ரேஸி முத்³த⁴னி;

நயிமே அஞ்ஞேஸு காயேஸு, ருக்கா² ஸந்தி ஸுமேத⁴ஸே.

208. ‘‘கேன காயம் உபபன்னா, தாவதிம்ஸம் யஸஸ்ஸினீ;

தே³வதே புச்சி²தாசிக்க², கிஸ்ஸ கம்மஸ்ஸித³ம் ப²ல’’ந்தி.

209. ‘‘ப⁴த்³தி³த்தி²காதி [ப⁴த்³தி³த்தீ²தி (ஸீ.)] மம் அஞ்ஞம்ஸு, கிமிலாயம் உபாஸிகா;

ஸத்³தா⁴ ஸீலேன ஸம்பன்னா, ஸம்விபா⁴க³ரதா ஸதா³.

210. ‘‘அச்சா²த³னஞ்ச ப⁴த்தஞ்ச, ஸேனாஸனம் பதீ³பியம்;

அதா³ஸிம் உஜுபூ⁴தேஸு, விப்பஸன்னேன சேதஸா.

211. ‘‘சாதுத்³த³ஸிம் பஞ்சத³ஸிம், யா ச பக்க²ஸ்ஸ அட்ட²மீ;

பாடிஹாரியபக்க²ஞ்ச, அட்ட²ங்க³ஸுஸமாக³தம்.

212. ‘‘உபோஸத²ம் உபவஸிஸ்ஸம், ஸதா³ ஸீலேஸு ஸம்வுதா;

ஸஞ்ஞமா ஸம்விபா⁴கா³ ச, விமானம் ஆவஸாமஹம்.

213. ‘‘பாணாதிபாதா விரதா, முஸாவாதா³ ச ஸஞ்ஞதா;

தே²ய்யா ச அதிசாரா ச, மஜ்ஜபானா ச ஆரகா.

214. ‘‘பஞ்சஸிக்கா²பதே³ ரதா, அரியஸச்சான கோவிதா³;

உபாஸிகா சக்கு²மதோ, அப்பமாத³விஹாரினீ.

கதாவாஸா கதகுஸலா ததோ சுதா [கதாவகாஸா கதகுஸலா (க.)],

ஸயம் பபா⁴ அனுவிசராமி நந்த³னம்.

215. ‘‘பி⁴க்கூ² சாஹம் பரமஹிதானுகம்பகே, அபோ⁴ஜயிம் தபஸ்ஸியுக³ம் மஹாமுனிம்;

கதாவாஸா கதகுஸலா ததோ சுதா [கதாவகாஸா கதகுஸலா (க.)], ஸயம் பபா⁴ அனுவிசராமி நந்த³னம்.

216. ‘‘அட்ட²ங்கி³கம் அபரிமிதம் ஸுகா²வஹம், உபோஸத²ம் ஸததமுபாவஸிம் அஹம்;

கதாவாஸா கதகுஸலா ததோ சுதா [கதாவகாஸா கதகுஸலா (க.)], ஸயம் பபா⁴ அனுவிசராமி நந்த³ன’’ந்தி.

ப⁴த்³தி³த்தி²விமானம் [ப⁴த்³தி³த்தி²காவிமானம் (ஸ்யா.)] பஞ்சமம்.

6. ஸோணதி³ன்னாவிமானவத்து²

217. ‘‘அபி⁴க்கந்தேன வண்ணேன, யா த்வம் திட்ட²ஸி தே³வதே;

ஓபா⁴ஸேந்தீ தி³ஸா ஸப்³பா³, ஓஸதீ⁴ விய தாரகா.

218. ‘‘கேன தேதாதி³ஸோ வண்ணோ, கேன தே இத⁴ மிஜ்ஜ²தி;

உப்பஜ்ஜந்தி ச தே போ⁴கா³, யே கேசி மனஸோ பியா.

219. ‘‘புச்சா²மி தம் தே³வி மஹானுபா⁴வே, மனுஸ்ஸபூ⁴தா கிமகாஸி புஞ்ஞம்;

கேனாஸி ஏவம் ஜலிதானுபா⁴வா, வண்ணோ ச தே ஸப்³ப³தி³ஸா பபா⁴ஸதீ’’தி.

220. ஸா தே³வதா அத்தமனா, மோக்³க³ல்லானேன புச்சி²தா;

பஞ்ஹம் புட்டா² வியாகாஸி, யஸ்ஸ கம்மஸ்ஸித³ம் ப²லம்.

221. ‘‘ஸோணதி³ன்னாதி மம் அஞ்ஞம்ஸு, நாளந்தா³யம் உபாஸிகா;

ஸத்³தா⁴ ஸீலேன ஸம்பன்னா, ஸம்விபா⁴க³ரதா ஸதா³.

222. ‘‘அச்சா²த³னஞ்ச ப⁴த்தஞ்ச, ஸேனாஸனம் பதீ³பியம்;

அதா³ஸிம் உஜுபூ⁴தேஸு, விப்பஸன்னேன சேதஸா.

223. ‘‘சாதுத்³த³ஸிம் பஞ்சத³ஸிம், யா ச பக்க²ஸ்ஸ அட்ட²மீ;

பாடிஹாரியபக்க²ஞ்ச, அட்ட²ங்க³ஸுஸமாக³தம்.

224. ‘‘உபோஸத²ம் உபவஸிஸ்ஸம், ஸதா³ ஸீலேஸு ஸம்வுதா;