11. ஸப்பகத்தே²ரகா³தா²

307. ‘‘யதா³ ப³லாகா ஸுசிபண்ட³ரச்ச²தா³, காளஸ்ஸ மேக⁴ஸ்ஸ ப⁴யேன தஜ்ஜிதா;

பலேஹிதி ஆலயமாலயேஸினீ, ததா³ நதீ³ அஜகரணீ ரமேதி மம்.

308. ‘‘யதா³ ப³லாகா ஸுவிஸுத்³த⁴பண்ட³ரா, காளஸ்ஸ மேக⁴ஸ்ஸ ப⁴யேன தஜ்ஜிதா;

பரியேஸதி லேணமலேணத³ஸ்ஸினீ, ததா³ நதீ³ அஜகரணீ ரமேதி மம்.

309. ‘‘கம் நு தத்த² ந ரமேந்தி, ஜம்பு³யோ உப⁴தோ தஹிம்;

ஸோபே⁴ந்தி ஆபகா³கூலம், மம லேணஸ்ஸ [மஹாலேணஸ்ஸ (ஸ்யா. க.)] பச்ச²தோ.

310. ‘‘தா மதமத³ஸங்க⁴ஸுப்பஹீனா,

பே⁴கா மந்த³வதீ பனாத³யந்தி;

‘நாஜ்ஜ கி³ரினதீ³ஹி விப்பவாஸஸமயோ,

கே²மா அஜகரணீ ஸிவா ஸுரம்மா’’’தி.

… ஸப்பகோ தே²ரோ….