414. ஜாக³ரஜாதகம் (7-2-9)

135. கோத⁴ ஜாக³ரதம் ஸுத்தோ, கோத⁴ ஸுத்தேஸு ஜாக³ரோ;

கோ மமேதம் விஜானாதி, கோ தம் படிப⁴ணாதி மே.

136. அஹம் ஜாக³ரதம் ஸுத்தோ, அஹம் ஸுத்தேஸு ஜாக³ரோ;

அஹமேதம் விஜானாமி, அஹம் படிப⁴ணாமி தே.

137. கத²ம் ஜாக³ரதம் ஸுத்தோ, கத²ம் ஸுத்தேஸு ஜாக³ரோ;

கத²ம் ஏதம் விஜானாஸி, கத²ம் படிப⁴ணாஸி மே.

138. யே த⁴ம்மம் நப்பஜானந்தி, ஸம்யமோதி த³மோதி ச;

தேஸு ஸுப்பமானேஸு, அஹம் ஜக்³கா³மி தே³வதே.

139. யேஸம் ராகோ³ ச தோ³ஸோ ச, அவிஜ்ஜா ச விராஜிதா;

தேஸு ஜாக³ரமானேஸு, அஹம் ஸுத்தோஸ்மி தே³வதே.

140. ஏவம் ஜாக³ரதம் ஸுத்தோ, ஏவம் ஸுத்தேஸு ஜாக³ரோ;

ஏவமேதம் விஜானாமி, ஏவம் படிப⁴ணாமி தே.

141. ஸாது⁴ ஜாக³ரதம் ஸுத்தோ, ஸாது⁴ ஸுத்தேஸு ஜாக³ரோ;

ஸாது⁴மேதம் விஜானாஸி, ஸாது⁴ படிப⁴ணாஸி மேதி.

ஜாக³ரஜாதகம் நவமம்.