399. மாதுபோஸககி³ஜ்ஜ²ஜாதகம் (7-1-4)

22. தே கத²ம் நு கரிஸ்ஸந்தி, வுத்³தா⁴ கி³ரித³ரீஸயா;

அஹம் ப³த்³தோ⁴ஸ்மி பாஸேன, நிலீயஸ்ஸ வஸம் க³தோ.

23. கிம் கி³ஜ்ஜ² பரிதே³வஸி, கா நு தே பரிதே³வனா;

ந மே ஸுதோ வா தி³ட்டோ² வா, பா⁴ஸந்தோ மானுஸிம் தி³ஜோ.

24. ப⁴ராமி மாதாபிதரோ, வுத்³தே⁴ கி³ரித³ரீஸயே;

தே கத²ம் நு கரிஸ்ஸந்தி, அஹம் வஸம் க³தோ தவ.

25. யம் நு கி³ஜ்ஜோ² யோஜனஸதம், குணபானி அவேக்க²தி;

கஸ்மா ஜாலஞ்ச பாஸஞ்ச, ஆஸஜ்ஜாபி ந பு³ஜ்ஜ²ஸி.

26. யதா³ பராப⁴வோ ஹோதி, போஸோ ஜீவிதஸங்க²யே;

அத² ஜாலஞ்ச பாஸஞ்ச, ஆஸஜ்ஜாபி ந பு³ஜ்ஜ²தி.

27. ப⁴ரஸ்ஸு மாதாபிதரோ, வுத்³தே⁴ கி³ரித³ரீஸயே;

மயா த்வம் ஸமனுஞ்ஞாதோ, ஸோத்தி²ம் பஸ்ஸாஹி ஞாதகே.

28. ஏவம் லுத்³த³க நந்த³ஸ்ஸு, ஸஹ ஸப்³பே³ஹி ஞாதிபி⁴;

ப⁴ரிஸ்ஸம் மாதாபிதரோ, வுத்³தே⁴ கி³ரித³ரீஸயேதி.

மாதுபோஸககி³ஜ்ஜ²ஜாதகம் சதுத்த²ம்.