351. மணிகுண்ட³லஜாதகம் (5-1-1)

1. ஜீனோ ரத²ஸ்ஸம் மணிகுண்ட³லே ச, புத்தே ச தா³ரே ச ததே²வ ஜீனோ;

ஸப்³பே³ஸு போ⁴கே³ஸு அஸேஸகேஸு [அஸேஸிதேஸு (ஸீ. பீ.), அஸேஸிகேஸு (க.)], கஸ்மா ந ஸந்தப்பஸி ஸோககாலே.

2. புப்³பே³வ மச்சம் விஜஹந்தி போ⁴கா³, மச்சோ வா தே [ச நே (பீ.), த⁴னே (க.)] புப்³ப³தரம் ஜஹாதி;

அஸஸ்ஸதா போ⁴கி³னோ காமகாமி, தஸ்மா ந ஸோசாமஹம் ஸோககாலே.

3. உதே³தி ஆபூரதி வேதி [பூரேதி கீ²யதி (ஸ்யா.)] சந்தோ³, அத்த²ம் தபேத்வான [அந்த⁴ம் தபேத்வான (க.), அத்த²ங்க³மேத்வான (ஸ்யா.), ஏத்த² ‘‘தபேத்வான அத்த²ம் பலேதீ’’தி ஸம்ப³ந்தோ⁴] பலேதி ஸூரியோ;

விதி³தா [விஜிதா (ஸ்யா.)] மயா ஸத்துக லோகத⁴ம்மா, தஸ்மா ந ஸோசாமஹம் ஸோககாலே.

4. அலஸோ கி³ஹீ காமபோ⁴கீ³ ந ஸாது⁴, அஸஞ்ஞதோ பப்³ப³ஜிதோ ந ஸாது⁴;

ராஜா ந ஸாது⁴ அனிஸம்மகாரீ, யோ பண்டி³தோ கோத⁴னோ தம் ந ஸாது⁴.

5. நிஸம்ம க²த்தியோ கயிரா, நானிஸம்ம தி³ஸம்பதி;

நிஸம்மகாரினோ ராஜ [ரஞ்ஞோ (ஸீ. ஸ்யா.)], யஸோ கித்தி ச வட்³ட⁴தீதி.

மணிகுண்ட³லஜாதகம் பட²மம்.