301. சூளகாலிங்க³ஜாதகம் (4-1-1)

1. விவரதி²மாஸம் [விவரத² இமாஸம் (ஸீ. ஸ்யா. பீ.)] த்³வாரம், நக³ரம் பவிஸந்து [பவிஸிதும் மயா; (க.)] அருணராஜஸ்ஸ;

ஸீஹேன ஸுஸிட்டே²ன, ஸுரக்கி²தம் [ஸுஸத்தே²ன, ஸுரக்கி²தம் (ஸீ. பீ.), ஸுஸிட்டே²ன (க.)] நந்தி³ஸேனேன.

2. ஜயோ கலிங்கா³னமஸய்ஹஸாஹினம், பராஜயோ அனயோ [அஜயோ (ஸ்யா.), அன்விதோ (க.)] அஸ்ஸகானம்;

இச்சேவ தே பா⁴ஸிதம் ப்³ரஹ்மசாரி, ந உஜ்ஜுபூ⁴தா விதத²ம் ப⁴ணந்தி.

3. தே³வா முஸாவாத³முபாதிவத்தா, ஸச்சம் த⁴னம் பரமம் தேஸு [தத²ம் பேமகரம் நு (க.), தத²ம் பரமம் கரம் நு (ஸ்யா.)] ஸக்க;

தம் தே முஸா பா⁴ஸிதம் தே³வராஜ, கிம் வா படிச்ச மக⁴வா மஹிந்த³.

4. நனு தே ஸுதம் ப்³ராஹ்மண ப⁴ஞ்ஞமானே, தே³வா ந இஸ்ஸந்தி புரிஸபரக்கமஸ்ஸ;

த³மோ ஸமாதி⁴ மனஸோ அபே⁴ஜ்ஜோ [அதே³ஜ்ஜோ (ஸீ. பீ.), அபி⁴ஜ்ஜோ (க.)], அப்³யக்³க³தா நிக்கமனஞ்ச [நிக்க²மனஞ்ச (ஸீ.)] காலே;

த³ள்ஹஞ்ச விரியம் புரிஸபரக்கமோ ச, தேனேவ ஆஸி விஜயோ அஸ்ஸகானந்தி.

சூளகாலிங்க³ஜாதகம் பட²மம்.