497. மாதங்க³ஜாதகம் (1)

1. குதோ நு ஆக³ச்ச²ஸி து³ம்மவாஸீ [ரும்மவாஸீ (ஸீ. பீ.)], ஓதல்லகோ பம்ஸுபிஸாசகோவ;

ஸங்காரசோளம் படிமுஞ்ச [படிமுச்ச (ஸீ. பீ.)] கண்டே², கோ ரே துவம் ஹோஸி [ஹோஹிஸி (ஸீ. பீ.)] அத³க்கி²ணேய்யோ.

2. அன்னம் தவேத³ம் [தவ இத³ம் (க. ஸீ. பீ.), தவயித³ம் (ஸ்யா.)] பகதம் யஸஸ்ஸி, தம் க²ஜ்ஜரே பு⁴ஞ்ஜரே பிய்யரே ச;

ஜானாஸி மம் த்வம் பரத³த்தூபஜீவிம், உத்திட்ட²பிண்ட³ம் லப⁴தம் ஸபாகோ.

3. அன்னம் மமேத³ம் [மம இத³ம் (க. ஸீ. பீ.), மமயித³ம் (ஸ்யா.)] பகதம் ப்³ராஹ்மணானம், அத்தத்தா²ய ஸத்³த³ஹதோ மமேத³ம் [மம இத³ம் (க. ஸீ. பீ.), மமயித³ம் (ஸ்யா.)];

அபேஹி ஏத்தோ கிமித⁴ட்டி²தோஸி, ந மாதி³ஸா துய்ஹம் த³த³ந்தி ஜம்ம.

4. த²லே ச நின்னே ச வபந்தி பீ³ஜம், அனூபகே²த்தே ப²லமாஸமானா [மாஸஸானா (ஸீ. பீ.), மாஸிம் ஸமானா (ஸ்யா.)];

ஏதாய ஸத்³தா⁴ய த³தா³ஹி தா³னம், அப்பேவ ஆராத⁴யே த³க்கி²ணேய்யே.

5. கே²த்தானி மய்ஹம் விதி³தானி லோகே, யேஸாஹம் பீ³ஜானி பதிட்ட²பேமி;

யே ப்³ராஹ்மணா ஜாதிமந்தூபபன்னா, தானீத⁴ கே²த்தானி ஸுபேஸலானி.

6. ஜாதிமதோ³ ச அதிமானிதா ச, லோபோ⁴ ச தோ³ஸோ ச மதோ³ ச மோஹோ;

ஏதே அகு³ணா யேஸு ச ஸந்தி [யேஸு வஸந்தி (ஸீ. பீ.)] ஸப்³பே³, தானீத⁴ கே²த்தானி அபேஸலானி.

7. ஜாதிமதோ³ ச அதிமானிதா ச, லோபோ⁴ ச தோ³ஸோ ச மதோ³ ச மோஹோ;

ஏதே அகு³ணா யேஸு ந ஸந்தி ஸப்³பே³, தானீத⁴ கே²த்தானி ஸுபேஸலானி.

8. க்வேத்த² க³தா [க்வத்த² க³தா (ஸ்யா.), கத்தே²வ ப⁴ட்டா² (பீ.)] உபஜோதியோ ச, உபஜ்ஜா²யோ ச அத²வா க³ண்ட³குச்சி² [அண்ட³குச்சி² (ஸீ. ஸ்யா. பீ.)];

இமஸ்ஸ த³ண்ட³ஞ்ச வத⁴ஞ்ச த³த்வா, க³லே க³ஹேத்வா க²லயாத² [க³லயாத² (க.)] ஜம்மம்.

9. கி³ரிம் நகே²ன க²ணஸி, அயோ த³ந்தேஹி [த³ந்தேன (ஸீ. பீ.)] கா²த³ஸி;

ஜாதவேத³ம் பத³ஹஸி, யோ இஸிம் பரிபா⁴ஸஸி.

10. இத³ம் வத்வான மாதங்கோ³, இஸி ஸச்சபரக்கமோ;

அந்தலிக்க²ஸ்மிம் பக்காமி [பக்கமி (க.)], ப்³ராஹ்மணானம் உதி³க்க²தம்.

11. ஆவேல்லிதம் [அவேடி²தம் (ஸீ. பீ.)] பிட்டி²தோ உத்தமங்க³ம், பா³ஹும் [பா³ஹம் (ஸீ. பீ.)] பஸாரேதி அகம்மனேய்யம் [அகம்பனேய்யம் (க.)];

ஸேதானி அக்கீ²னி யதா² மதஸ்ஸ, கோ மே இமம் புத்தமகாஸி ஏவம்.

12. இதா⁴க³மா ஸமணோ து³ம்மவாஸீ, ஓதல்லகோ பம்ஸுபிஸாசகோவ;

ஸங்காரசோளம் படிமுஞ்ச கண்டே², ஸோ தே இமம் புத்தமகாஸி ஏவம்.

13. கதமம் தி³ஸம் அக³மா பூ⁴ரிபஞ்ஞோ, அக்கா²த² மே மாணவா ஏதமத்த²ம்;

க³ந்த்வான தம் படிகரேமு அச்சயம், அப்பேவ நம் புத்த லபே⁴மு ஜீவிதம்.

14. வேஹாயஸம் அக³மா பூ⁴ரிபஞ்ஞோ, பத²த்³து⁴னோ பன்னரஸேவ சந்தோ³;

அபி சாபி ஸோ புரிமதி³ஸம் அக³ச்சி², ஸச்சப்படிஞ்ஞோ இஸி ஸாது⁴ரூபோ.

15. ஆவேல்லிதம் பிட்டி²தோ உத்தமங்க³ம், பா³ஹும் பஸாரேதி அகம்மனேய்யம்;

ஸேதானி அக்கீ²னி யதா² மதஸ்ஸ, கோ மே இமம் புத்தமகாஸி ஏவம்.

16. யக்கா² ஹவே ஸந்தி மஹானுபா⁴வா, அன்வாக³தா இஸயோ ஸாது⁴ரூபா;

தே து³ட்ட²சித்தம் குபிதம் விதி³த்வா, யக்கா² ஹி தே புத்தமகம்ஸு ஏவம்.

17. யக்கா² ச மே புத்தமகம்ஸு ஏவம், த்வஞ்ஞேவ மே மா குத்³தோ⁴ [குத்³த⁴ (க.)] ப்³ரஹ்மசாரி;

தும்ஹேவ [துய்ஹேவ (க.)] பாதே³ ஸரணம் க³தாஸ்மி, அன்வாக³தா புத்தஸோகேன பி⁴க்கு².

18. ததே³வ ஹி ஏதரஹி ச மய்ஹம், மனோபதோ³ஸோ ந மமத்தி² [மம நத்தி² (பீ.)] கோசி;

புத்தோ ச தே வேத³மதே³ன மத்தோ, அத்த²ம் ந ஜானாதி அதி⁴ச்ச வேதே³.

19. அத்³தா⁴ ஹவே பி⁴க்கு² முஹுத்தகேன, ஸம்முய்ஹதேவ புரிஸஸ்ஸ ஸஞ்ஞா;

ஏகாபராத⁴ம் [ஏதாபராத⁴ம் (க.)] க²ம பூ⁴ரிபஞ்ஞ, ந பண்டி³தா கோத⁴ப³லா ப⁴வந்தி.

20. இத³ஞ்ச மய்ஹம் உத்திட்ட²பிண்ட³ம், தவ [நத்தி² ஸீ. பீ. போத்த²கேஸு] மண்ட³ப்³யோ பு⁴ஞ்ஜது அப்பபஞ்ஞோ;

யக்கா² ச தே நம் [தே புத்தம் (ஸ்யா.)] ந விஹேட²யேய்யும், புத்தோ ச தே ஹேஸ்ஸதி [ஹோஹிதி (ஸீ. பீ.)] ஸோ அரோகோ³.

21. மண்ட³ப்³ய பா³லோஸி பரித்தபஞ்ஞோ, யோ புஞ்ஞகே²த்தானமகோவிதோ³ஸி;

மஹக்கஸாவேஸு த³தா³ஸி தா³னம், கிலிட்ட²கம்மேஸு அஸஞ்ஞதேஸு.

22. ஜடா ச கேஸா அஜினா நிவத்தா², ஜரூத³பானம்வ முக²ம் பரூள்ஹம்;

பஜம் இமம் பஸ்ஸத² து³ம்மரூபம் [ரும்மரூபிம் (ஸீ. பீ.)], ந ஜடாஜினம் தாயதி அப்பபஞ்ஞம்.

23. யேஸம் ராகோ³ ச தோ³ஸோ ச, அவிஜ்ஜா ச விராஜிதா;

கீ²ணாஸவா அரஹந்தோ, தேஸு தி³ன்னம் மஹப்ப²லந்தி.

மாதங்க³ஜாதகம் பட²மம்.