496. பி⁴க்கா²பரம்பரஜாதகம் (13)

270. ஸுகு²மாலரூபம் தி³ஸ்வா [தி³ஸ்வான (க. ஸீ. அட்ட².)], ரட்டா² விவனமாக³தம்;

கூடாகா³ரவரூபேதம், மஹாஸயனமுபாஸிதம் [முபோசிதம் (ப³ஹூஸு)].

271. தஸ்ஸ தே பேமகேனாஹம், அதா³ஸிம் வட்³ட⁴மோத³னம் [ப³த்³த⁴மோத³னம் (ஸீ. பீ.)];

ஸாலீனம் விசிதம் ப⁴த்தம், ஸுசிம் மம்ஸூபஸேசனம்.

272. தம் த்வம் ப⁴த்தம் படிக்³க³ய்ஹ, ப்³ராஹ்மணஸ்ஸ அதா³ஸயி [அதா³பயி (ஸீ. ஸ்யா. பீ.)];

அத்தானம் [அத்தனா (பீ. அட்ட². பாட²ந்தரம்)] அனஸித்வான, கோயம் த⁴ம்மோ நமத்து² தே.

273. ஆசரியோ ப்³ராஹ்மணோ மய்ஹம், கிச்சாகிச்சேஸு ப்³யாவடோ [வாவடோ (க.)];

க³ரு ச ஆமந்தனீயோ [ஆமந்தணீயோ (ஸீ. பீ.)] ச, தா³துமரஹாமி போ⁴ஜனம்.

274. ப்³ராஹ்மணம் தா³னி புச்சா²மி, கோ³தமம் ராஜபூஜிதம்;

ராஜா தே ப⁴த்தம் பாதா³ஸி, ஸுசிம் மம்ஸூபஸேசனம்.

275. தம் த்வம் ப⁴த்தம் படிக்³க³ய்ஹ, இஸிஸ்ஸ போ⁴ஜனம் அதா³;

அகே²த்தஞ்ஞூஸி தா³னஸ்ஸ, கோயம் த⁴ம்மோ நமத்து² தே.

276. ப⁴ராமி புத்த [புத்தே (ஸீ. பீ.)] தா³ரே ச, க⁴ரேஸு க³தி⁴தோ [க³தி²தோ (ஸீ. பீ.)] அஹம்;

பு⁴ஞ்ஜே மானுஸகே காமே, அனுஸாஸாமி ராஜினோ.

277. ஆரஞ்ஞிகஸ்ஸ [ஆரஞ்ஞகஸ்ஸ (ஸீ. பீ.)] இஸினோ, சிரரத்தம் தபஸ்ஸினோ;

வுட்³ட⁴ஸ்ஸ பா⁴விதத்தஸ்ஸ, தா³துமரஹாமி போ⁴ஜனம்.

278. இஸிஞ்ச தா³னி புச்சா²மி, கிஸம் த⁴மனிஸந்த²தம்;

பரூள்ஹகச்ச²னக²லோமம், பங்கத³ந்தம் ரஜஸ்ஸிரம்.

279. ஏகோ அரஞ்ஞே விஹரஸி [விஹாஸி (க.)], நாவகங்க²ஸி ஜீவிதம்;

பி⁴க்கு² கேன தயா ஸேய்யோ, யஸ்ஸ த்வம் போ⁴ஜனம் அதா³.

280. க²ணந்தாலுகலம்பா³னி [க²ணமாலுகலம்பா³னி (ஸ்யா. க.)], பி³லாலிதக்கலானி ச [பி³ளாலிதக்களானி ச (ஸீ. பீ.)];

து⁴னம் ஸாமாகனீவாரம், ஸங்கா⁴ரியம் பஸாரியம் [ஸம்ஹாரியம் பஹாரியம் (ஸ்யா.), ஸம்ஸாரியம் பஸாரியம் (க.)].

281. ஸாகம் பி⁴ஸம் மது⁴ம் மம்ஸம், ப³த³ராமலகானி ச;

தானி ஆஹரித்வா [ஆஹத்வ (ஸீ. ஸ்யா.)] பு⁴ஞ்ஜாமி, அத்தி² மே ஸோ பரிக்³க³ஹோ.

282. பசந்தோ அபசந்தஸ்ஸ, அமமஸ்ஸ ஸகிஞ்சனோ [அகிஞ்சனோ (க.)];

அனாதா³னஸ்ஸ ஸாதா³னோ, தா³துமரஹாமி போ⁴ஜனம்.

283. பி⁴க்கு²ஞ்ச தா³னி புச்சா²மி, துண்ஹீமாஸீன ஸுப்³ப³தம்;

இஸி தே ப⁴த்தம் பாதா³ஸி, ஸுசிம் மம்ஸூபஸேசனம்.

284. தம் த்வம் ப⁴த்தம் படிக்³க³ய்ஹ, துண்ஹீ பு⁴ஞ்ஜஸி ஏககோ;

நாஞ்ஞம் கஞ்சி [கிஞ்சி (க.)] நிமந்தேஸி, கோயம் த⁴ம்மோ நமத்து² தே.

285. ந பசாமி ந பாசேமி, ந சி²ந்தா³மி ந சே²த³யே;

தம் மம் அகிஞ்சனம் ஞத்வா, ஸப்³ப³பாபேஹி ஆரதம்.

286. வாமேன பி⁴க்க²மாதா³ய, த³க்கி²ணேன கமண்ட³லும்;

இஸி மே ப⁴த்தம் பாதா³ஸி, ஸுசிம் மம்ஸூபஸேசனம்.

287. ஏதே ஹி தா³துமரஹந்தி, ஸமமா ஸபரிக்³க³ஹா;

பச்சனீகமஹம் மஞ்ஞே, யோ தா³தாரம் நிமந்தயே.

288. அத்தா²ய வத மே அஜ்ஜ, இதா⁴க³ச்சி² ரதே²ஸபோ⁴;

ஸோஹம் அஜ்ஜ பஜானாமி [இதோ புப்³பே³ ந ஜானாமி (ஸீ. பீ.)], யத்த² தி³ன்னம் மஹப்ப²லம்.

289. ரட்டே²ஸு கி³த்³தா⁴ ராஜானோ, கிச்சாகிச்சேஸு ப்³ராஹ்மணா;

இஸீ மூலப²லே கி³த்³தா⁴, விப்பமுத்தா ச பி⁴க்க²வோதி.

பி⁴க்கா²பரம்பரஜாதகம் தேரஸமம்.

தஸ்ஸுத்³தா³னம் –

ஸுவ கின்னர முக்க க²ராஜினஸோ, பி⁴ஸஜாத மஹேஸி கபோதவரோ;

அத² மோர ஸதச்ச²க வாணிஜகோ, அத² ராஜ ஸப்³ராஹ்மண பி⁴க்க²பரந்தி.

பகிண்ணகனிபாதம் நிட்டி²தம்.