467. காமஜாதகம் (4)

37. காமம் காமயமானஸ்ஸ, தஸ்ஸ சே தம் ஸமிஜ்ஜ²தி;

அத்³தா⁴ பீதிமனோ ஹோதி, லத்³தா⁴ மச்சோ யதி³ச்ச²தி.

38. காமம் காமயமானஸ்ஸ, தஸ்ஸ சே தம் ஸமிஜ்ஜ²தி;

ததோ நம் அபரம் காமே, த⁴ம்மே தண்ஹம்வ விந்த³தி.

39. க³வம்வ ஸிங்கி³னோ ஸிங்க³ம், வட்³ட⁴மானஸ்ஸ வட்³ட⁴தி;

ஏவம் மந்த³ஸ்ஸ போஸஸ்ஸ, பா³லஸ்ஸ அவிஜானதோ;

பி⁴ய்யோ தண்ஹா பிபாஸா ச, வட்³ட⁴மானஸ்ஸ வட்³ட⁴தி.

40. பத²ப்³யா ஸாலியவகம், க³வஸ்ஸம் [க³வாஸம் (ஸீ. ஸ்யா. பீ.)] தா³ஸபோரிஸம்;

த³த்வா ச [த³த்வாபி (ஸீ. ஸ்யா.), த³த்வா வா (பீ.)] நாலமேகஸ்ஸ, இதி வித்³வா [வித்³தா⁴ (ஸ்யா.)] ஸமம் சரே.

41. ராஜா பஸய்ஹ பத²விம் விஜித்வா, ஸஸாக³ரந்தம் மஹிமாவஸந்தோ;

ஓரம் ஸமுத்³த³ஸ்ஸ அதித்தரூபோ [அதித்திரூபோ (க.)], பாரம் ஸமுத்³த³ஸ்ஸபி பத்த²யேத².

42. யாவ அனுஸ்ஸரம் காமே, மனஸா தித்தி நாஜ்ஜ²கா³;

ததோ நிவத்தா படிகம்ம தி³ஸ்வா, தே வே ஸுதித்தா யே [தித்தா (ஸீ. ஸ்யா. பீ.)] பஞ்ஞாய தித்தா.

43. பஞ்ஞாய தித்தினம் [தித்தீனம் (ஸீ. ஸ்யா.)] ஸேட்ட²ம், ந ஸோ காமேஹி தப்பதி;

பஞ்ஞாய தித்தம் புரிஸம், தண்ஹா ந குருதே வஸம்.

44. அபசினேதே²வ காமானம் [காமானி (ஸீ. ஸ்யா. பீ.)], அப்பிச்ச²ஸ்ஸ அலோலுபோ;

ஸமுத்³த³மத்தோ புரிஸோ, ந ஸோ காமேஹி தப்பதி.

45. ரத²காரோவ சம்மஸ்ஸ, பரிகந்தம் உபாஹனம்;

யம் யம் சஜதி [ஜஹதி (ஸ்யா. க.)] காமானம், தம் தம் ஸம்பஜ்ஜதே ஸுக²ம்;

ஸப்³ப³ம் சே ஸுக²மிச்சே²ய்ய, ஸப்³பே³ காமே பரிச்சஜே.

46. அட்ட² தே பா⁴ஸிதா கா³தா², ஸப்³பா³ ஹோந்தி ஸஹஸ்ஸியோ [ஸஹஸ்ஸியா (?) உபரி ஸுதஸோமஜாதகே ததா² தி³ஸ்ஸதி];

படிக³ண்ஹ மஹாப்³ரஹ்மே, ஸாதே⁴தம் தவ பா⁴ஸிதம்.

47. ந மே அத்தோ² ஸஹஸ்ஸேஹி, ஸதேஹி நஹுதேஹி வா;

பச்சி²மம் பா⁴ஸதோ கா³த²ம், காமே மே ந ரதோ மனோ.

48. ப⁴த்³ரகோ [ஸத்³தோ³ (ஸீ.)] வதாயம் மாணவகோ, ஸப்³ப³லோகவிதூ³ முனி;

யோ இமம் தண்ஹம் [யோ தண்ஹம் (ஸீ. ஸ்யா.)] து³க்க²ஜனனிம், பரிஜானாதி பண்டி³தோதி.

காமஜாதகம் சதுத்த²ம்.