3. சித்தவக்³கோ³

33. ப²ந்த³னம் சபலம் சித்தம், தூ³ரக்க²ம் [து³ரக்க²ம் (ஸப்³ப³த்த²)] து³ன்னிவாரயம்;

உஜும் கரோதி மேதா⁴வீ, உஸுகாரோவ தேஜனம்.

34. வாரிஜோவ த²லே கி²த்தோ, ஓகமோகதஉப்³ப⁴தோ;

பரிப²ந்த³தித³ம் சித்தம், மாரதே⁴ய்யம் பஹாதவே.

35. து³ன்னிக்³க³ஹஸ்ஸ லஹுனோ, யத்த²காமனிபாதினோ;

சித்தஸ்ஸ த³மதோ² ஸாது⁴, சித்தம் த³ந்தம் ஸுகா²வஹம்.

36. ஸுது³த்³த³ஸம் ஸுனிபுணம், யத்த²காமனிபாதினம்;

சித்தம் ரக்கே²த² மேதா⁴வீ, சித்தம் கு³த்தம் ஸுகா²வஹம்.

37. தூ³ரங்க³மம் ஏகசரம் [ஏகசாரம் (க.)], அஸரீரம் கு³ஹாஸயம்;

யே சித்தம் ஸம்யமேஸ்ஸந்தி, மோக்க²ந்தி மாரப³ந்த⁴னா.

38. அனவட்டி²தசித்தஸ்ஸ, ஸத்³த⁴ம்மம் அவிஜானதோ;

பரிப்லவபஸாத³ஸ்ஸ, பஞ்ஞா ந பரிபூரதி.

39. அனவஸ்ஸுதசித்தஸ்ஸ, அனன்வாஹதசேதஸோ;

புஞ்ஞபாபபஹீனஸ்ஸ, நத்தி² ஜாக³ரதோ ப⁴யம்.

40. கும்பூ⁴பமம் காயமிமம் விதி³த்வா, நக³ரூபமம் சித்தமித³ம் ட²பேத்வா;

யோதே⁴த² மாரம் பஞ்ஞாவுதே⁴ன, ஜிதஞ்ச ரக்கே² அனிவேஸனோ ஸியா.

41. அசிரம் வதயம் காயோ, பத²விம் அதி⁴ஸேஸ்ஸதி;

சு²த்³தோ⁴ அபேதவிஞ்ஞாணோ, நிரத்த²ம்வ கலிங்க³ரம்.

42. தி³ஸோ தி³ஸம் யம் தம் கயிரா, வேரீ வா பன வேரினம்;

மிச்சா²பணிஹிதம் சித்தம், பாபியோ [பாபியம் (?)] நம் ததோ கரே.

43. ந தம் மாதா பிதா கயிரா, அஞ்ஞே வாபி ச ஞாதகா;

ஸம்மாபணிஹிதம் சித்தம், ஸேய்யஸோ நம் ததோ கரே.

சித்தவக்³கோ³ ததியோ நிட்டி²தோ.