5. ரம்ஸிஸஞ்ஞகத்தே²ரஅபதா³னம்

30. ‘‘பப்³ப³தே ஹிமவந்தம்ஹி, வாஸம் கப்பேஸஹம் புரே;

அஜினுத்தரவாஸோஹம், வஸாமி பப்³ப³தந்தரே.

31. ‘‘ஸுவண்ணவண்ணம் ஸம்பு³த்³த⁴ம், ஸதரம்ஸிம்வ பா⁴ணுமம்;

வனந்தரக³தம் தி³ஸ்வா, ஸாலராஜம்வ புப்பி²தம்.

32. ‘‘ரம்ஸ்யா [ரம்ஸே (ஸ்யா. க.)] சித்தம் பஸாதே³த்வா, விபஸ்ஸிஸ்ஸ மஹேஸினோ;

பக்³க³ய்ஹ அஞ்ஜலிம் வந்தி³ம், ஸிரஸா உக்குடீ [ஸிரஸா உக்குடிகோ (ஸ்யா.), ஸிரஸுக்குடிகோ (க.)] அஹம்.

33. ‘‘ஏகனவுதிதோ கப்பே, யம் கம்மமகரிம் ததா³;

து³க்³க³திம் நாபி⁴ஜானாமி, ரம்ஸிஸஞ்ஞாயித³ம் ப²லம்.

34. ‘‘படிஸம்பி⁴தா³ சதஸ்ஸோ…பே… கதம் பு³த்³த⁴ஸ்ஸ ஸாஸனம்’’.

இத்த²ம் ஸுத³ம் ஆயஸ்மா ரம்ஸிஸஞ்ஞகோ தே²ரோ இமா கா³தா²யோ அபா⁴ஸித்தா²தி.

ரம்ஸிஸஞ்ஞகத்தே²ரஸ்ஸாபதா³னம் பஞ்சமம்.