8. அம்ப³தா³யகத்தே²ரஅபதா³னம்

53. ‘‘அனோமத³ஸ்ஸீ ப⁴க³வா, நிஸின்னோ பப்³ப³தந்தரே;

மேத்தாய அப²ரி லோகே, அப்பமாணே நிரூபதி⁴.

54. ‘‘கபி அஹம் ததா³ ஆஸிம், ஹிமவந்தே நகு³த்தமே;

தி³ஸ்வா அனோமத³ஸ்ஸிம் தம் [அனோமம் அமிதம் (ஸீ.), அனோமமதி⁴தம் (ஸ்யா.)], பு³த்³தே⁴ சித்தம் பஸாத³யிம்.

55. ‘‘அவிதூ³ரே ஹிமவந்தஸ்ஸ, அம்பா³ஸும் ப²லினோ ததா³;

ததோ பக்கம் க³ஹேத்வான, அம்ப³ம் ஸமது⁴கம் அத³ம்.

56. ‘‘தம் மே பு³த்³தோ⁴ வியாகாஸி, அனோமத³ஸ்ஸீ மஹாமுனி;

இமினா மது⁴தா³னேன, அம்ப³தா³னேன சூப⁴யம்.

57. ‘‘ஸத்தபஞ்ஞாஸகப்பம்ஹி, தே³வலோகே ரமிஸ்ஸதி;

அவஸேஸேஸு கப்பேஸு, வோகிண்ணம் ஸம்ஸரிஸ்ஸதி.

58. ‘‘கே²பேத்வா பாபகம் கம்மம், பரிபக்காய பு³த்³தி⁴யா;

வினிபாதமக³ந்த்வான, கிலேஸே ஜா²பயிஸ்ஸதி.

59. ‘‘த³மேன உத்தமேனாஹம், த³மிதோம்ஹி மஹேஸினா;

பத்தோம்ஹி அசலம் டா²னம், ஹித்வா ஜயபராஜயம்.

60. ‘‘ஸத்தஸத்ததிகப்பஸதே, அம்ப³ட்ட²ஜஸனாமகா;

சதுத்³த³ஸ தே ராஜானோ, சக்கவத்தீ மஹப்³ப³லா.

61. ‘‘படிஸம்பி⁴தா³ சதஸ்ஸோ…பே… கதம் பு³த்³த⁴ஸ்ஸ ஸாஸனம்’’.

இத்த²ம் ஸுத³ம் ஆயஸ்மா அம்ப³தா³யகோ தே²ரோ இமா கா³தா²யோ அபா⁴ஸித்தா²தி.

அம்ப³தா³யகத்தே²ரஸ்ஸாபதா³னம் அட்ட²மம்.