6. த³ண்ட³தா³யகத்தே²ரஅபதா³னம்

36. ‘‘கானனம் வனமோக³ய்ஹ, வேளும் சே²த்வானஹம் ததா³;

ஆலம்ப³ணம் கரித்வான, ஸங்க⁴ஸ்ஸ அத³தி³ம் ப³ஹும் [அஹம் (ஸீ. ஸ்யா. பீ.)].

37. ‘‘தேன சித்தப்பஸாதே³ன, ஸுப்³ப³தே அபி⁴வாதி³ய;

ஆலம்ப³த³ண்ட³ம் த³த்வான, பக்காமிம் உத்தராமுகோ².

38. ‘‘சதுன்னவுதிதோ கப்பே, யம் த³ண்ட³மத³தி³ம் ததா³;

து³க்³க³திம் நாபி⁴ஜானாமி, த³ண்ட³தா³னஸ்ஸித³ம் ப²லம்.

39. ‘‘கிலேஸா ஜா²பிதா மய்ஹம்…பே… விஹராமி அனாஸவோ.

40. ‘‘ஸ்வாக³தம் வத மே ஆஸி…பே… கதம் பு³த்³த⁴ஸ்ஸ ஸாஸனம்.

41. ‘‘படிஸம்பி⁴தா³ சதஸ்ஸோ…பே… கதம் பு³த்³த⁴ஸ்ஸ ஸாஸனம்’’.

இத்த²ம் ஸுத³ம் ஆயஸ்மா த³ண்ட³தா³யகோ தே²ரோ இமா கா³தா²யோ

அபா⁴ஸித்தா²தி.

த³ண்ட³தா³யகத்தே²ரஸ்ஸாபதா³னம் ச²ட்ட²ம்.

தேவீஸதிமம் பா⁴ணவாரம்.