1. பது³மகேஸரியத்தே²ரஅபதா³னம்

1. ‘‘இஸிஸங்கே⁴ அஹம் புப்³பே³, ஆஸிம் மாதங்க³வாரணோ;

மஹேஸீனம் பஸாதே³ன, பத்³மகேஸரமோகிரிம்.

2. ‘‘பச்சேகஜினஸேட்டே²ஸு, து⁴தராகே³ஸு தாதி³ஸு;

தேஸு சித்தம் பஸாதே³த்வா, கப்பம் ஸக்³க³ம்ஹி மோத³ஹம்.

3. ‘‘ஏகனவுதிதோ கப்பே, கேஸரம் ஓகிரிம் ததா³;

து³க்³க³திம் நாபி⁴ஜானாமி, பு³த்³த⁴பூஜாயித³ம் ப²லம்.

4. ‘‘படிஸம்பி⁴தா³ சதஸ்ஸோ, விமோக்கா²பி ச அட்டி²மே;

ச²ளபி⁴ஞ்ஞா ஸச்சி²கதா, கதம் பு³த்³த⁴ஸ்ஸ ஸாஸனம்’’.

இத்த²ம் ஸுத³ம் ஆயஸ்மா பது³மகேஸரியோ தே²ரோ இமா கா³தா²யோ அபா⁴ஸித்தா²தி.

பது³மகேஸரியத்தே²ரஸ்ஸாபதா³னம் பட²மம்.