10. யூதி²கபுப்பி²யத்தே²ரஅபதா³னம்

53. ‘‘பது³முத்தரோ நாம ஜினோ, ஆஹுதீனம் படிக்³க³ஹோ;

பவனா நிக்க²மித்வான, விஹாரம் யாதி சக்கு²மா.

54. ‘‘உபோ⁴ ஹத்தே²ஹி பக்³க³ய்ஹ, யூதி²கம் புப்ப²முத்தமம்;

பு³த்³த⁴ஸ்ஸ அபி⁴ரோபயிம், மேத்தசித்தஸ்ஸ தாதி³னோ.

55. ‘‘தேன சித்தப்பஸாதே³ன, அனுபோ⁴த்வான ஸம்பதா³;

கப்பானம் ஸதஸஹஸ்ஸம், து³க்³க³திம் நுபபஜ்ஜஹம்.

56. ‘‘இதோ பஞ்ஞாஸகப்பேஸு, ஏகோ ஆஸிம் ஜனாதி⁴போ;

ஸமித்தனந்த³னோ நாம, சக்கவத்தீ மஹப்³ப³லோ.

57. ‘‘படிஸம்பி⁴தா³ சதஸ்ஸோ…பே… கதம் பு³த்³த⁴ஸ்ஸ ஸாஸனம்’’.

இத்த²ம் ஸுத³ம் ஆயஸ்மா யூதி²கபுப்பி²யோ தே²ரோ இமா கா³தா²யோ அபா⁴ஸித்தா²தி;

யூதி²கபுப்பி²யத்தே²ரஸ்ஸாபதா³னம் த³ஸமம்.

தமாலபுப்பி²யவக்³கோ³ வீஸதிமோ.

தஸ்ஸுத்³தா³னம் –

தமாலதிணஸந்தா²ரோ, க²ண்ட³பு²ல்லி அஸோகியோ;

அங்கோலகீ கிஸலயோ, திந்து³கோ நேலபுப்பி²யோ;

கிம்கணிகோ யூதி²கோ ச, கா³தா² பஞ்ஞாஸ அட்ட² சாதி.

அத² வக்³கு³த்³தா³னம் –

பி⁴க்கா²தா³யீ பரிவாரோ, ஸேரேய்யோ ஸோபி⁴தோ ததா²;

ச²த்தஞ்ச ப³ந்து⁴ஜீவீ ச, ஸுபாரிசரியோபி ச.

குமுதோ³ குடஜோ சேவ, தமாலி த³ஸமோ கதோ;

ச²ஸதானி ச கா³தா²னி, ச²ஸட்டி² ச ததுத்தரி.

பி⁴க்கா²வக்³க³த³ஸகம்.