8. து³ஸ்ஸதா³யகத்தே²ரஅபதா³னம்

38. ‘‘திவராயம் புரே ரம்மே, ராஜபுத்தோஸஹம் [ராஜபுத்தோ அஹம் (ஸீ. ஸ்யா.)] ததா³;

பண்ணாகாரம் லபி⁴த்வான, உபஸந்தஸ்ஸதா³ஸஹம்.

39. ‘‘அதி⁴வாஸேஸி ப⁴க³வா, வத்த²ம் [நவம் (க.)] ஹத்தே²ன ஆமஸி;

ஸித்³த⁴த்தோ² அதி⁴வாஸேத்வா, வேஹாஸம் நப⁴முக்³க³மி.

40. ‘‘பு³த்³த⁴ஸ்ஸ க³ச்ச²மானஸ்ஸ, து³ஸ்ஸா தா⁴வந்தி பச்ச²தோ;

தத்த² சித்தம் பஸாதே³ஸிம், பு³த்³தோ⁴ நோ அக்³க³புக்³க³லோ.

41. ‘‘சதுன்னவுதிதோ கப்பே, யம் து³ஸ்ஸமத³தி³ம் ததா³;

து³க்³க³திம் நாபி⁴ஜானாமி, து³ஸ்ஸதா³னஸ்ஸித³ம் ப²லம்.

42. ‘‘ஸத்தஸட்டி²ம்ஹிதோ கப்பே, சக்கவத்தீ ததா³ அஹு;

பரிஸுத்³தோ⁴தி நாமேன, மனுஜிந்தோ³ மஹப்³ப³லோ.

43. ‘‘படிஸம்பி⁴தா³ சதஸ்ஸோ…பே… கதம் பு³த்³த⁴ஸ்ஸ ஸாஸனம்’’.

இத்த²ம் ஸுத³ம் ஆயஸ்மா து³ஸ்ஸதா³யகோ தே²ரோ இமா கா³தா²யோ அபா⁴ஸித்தா²தி.

து³ஸ்ஸதா³யகத்தே²ரஸ்ஸாபதா³னம் அட்ட²மம்.