6. அனுலேபதா³யகத்தே²ரஅபதா³னம்

26. ‘‘அனோமத³ஸ்ஸீமுனினோ, போ³தி⁴வேதி³மகாஸஹம்;

ஸுதா⁴ய பிண்ட³ம் த³த்வான, பாணிகம்மம் அகாஸஹம்.

27. ‘‘தி³ஸ்வா தம் ஸுகதம் கம்மம், அனோமத³ஸ்ஸீ நருத்தமோ;

பி⁴க்கு²ஸங்கே⁴ டி²தோ ஸத்தா², இமம் கா³த²ம் அபா⁴ஸத².

28. ‘‘‘இமினா ஸுத⁴கம்மேன, சேதனாபணிதீ⁴ஹி ச;

ஸம்பத்திம் அனுபோ⁴த்வான, து³க்க²ஸ்ஸந்தம் கரிஸ்ஸதி’.

29. ‘‘பஸன்னமுக²வண்ணோம்ஹி, ஏகக்³கோ³ ஸுஸமாஹிதோ;

தா⁴ரேமி அந்திமம் தே³ஹம், ஸம்மாஸம்பு³த்³த⁴ஸாஸனே.

30. ‘‘இதோ கப்பஸதே ஆஸிம், பரிபுண்ணே அனூனகே [பரிபுண்ணோ அனூனகோ (ஸ்யா.)];

ராஜா ஸப்³ப³க⁴னோ நாம, சக்கவத்தீ மஹப்³ப³லோ.

31. ‘‘படிஸம்பி⁴தா³ சதஸ்ஸோ…பே… கதம் பு³த்³த⁴ஸ்ஸ ஸாஸனம்’’.

இத்த²ம் ஸுத³ம் ஆயஸ்மா அனுலேபதா³யகோ தே²ரோ இமா கா³தா²யோ அபா⁴ஸித்தா²தி.

அனுலேபதா³யகத்தே²ரஸ்ஸாபதா³னம் ச²ட்ட²ம்.