6. சிதகபூஜகத்தே²ரஅபதா³னம்

49. ‘‘வஸாமி ராஜாயதனே, ஸாமச்சோ ஸபரிஜ்ஜனோ;

பரினிப்³பு³தே ப⁴க³வதி, ஸிகி²னோ லோகப³ந்து⁴னோ.

50. ‘‘பஸன்னசித்தோ ஸுமனோ, சிதகம் அக³மாஸஹம்;

தூரியம் தத்த² வாதே³த்வா, க³ந்த⁴மாலம் ஸமோகிரிம்.

51. ‘‘சிதம்ஹி பூஜம் கத்வான, வந்தி³த்வா சிதகம் அஹம்;

பஸன்னசித்தோ ஸுமனோ, ஸகம் ப⁴வனுபாக³மிம்.

52. ‘‘ப⁴வனே உபவிட்டோ²ஹம், சிதபூஜம் அனுஸ்ஸரிம்;

தேன கம்மேன த்³விபதி³ந்த³, லோகஜேட்ட² நராஸப⁴.

53. ‘‘அனுபோ⁴த்வான ஸம்பத்திம், தே³வேஸு மானுஸேஸு ச;

பத்தோம்ஹி அசலம் டா²னம், ஹித்வா ஜயபராஜயம்.

54. ‘‘ஏகத்திம்ஸே இதோ கப்பே, யம் புப்ப²மபி⁴ரோபயிம்;

து³க்³க³திம் நாபி⁴ஜானாமி, சிதபூஜாயித³ம் ப²லம்.

55. ‘‘ஏகூனதிம்ஸகப்பம்ஹி, இதோ ஸோளஸ ராஜானோ;

உக்³க³தா நாம நாமேன, சக்கவத்தீ மஹப்³ப³லா.

56. ‘‘படிஸம்பி⁴தா³ சதஸ்ஸோ…பே… கதம் பு³த்³த⁴ஸ்ஸ ஸாஸனம்’’.

இத்த²ம் ஸுத³ம் ஆயஸ்மா சிதகபூஜகோ தே²ரோ இமா கா³தா²யோ அபா⁴ஸித்தா²தி.

சிதகபூஜகத்தே²ரஸ்ஸாபதா³னம் ச²ட்ட²ம்.