4. ஸீஸபாவனவக்³கோ³

1. ஸீஸபாவனஸுத்தவண்ணனா

1101. சதுத்த²ஸ்ஸ பட²மே யதி³த³ம் உபரீதி யானி இமானி உபரி. ஸீஸபாவனேதி ஸீஸபாருக்கே².

2. க²தி³ரபத்தஸுத்தவண்ணனா

1102. து³தியே அனபி⁴ஸமேச்சாதி ஞாணேன அனபி⁴ஸமாக³ந்த்வா, அப்படிவிஜ்ஜி²த்வாதி அத்தோ².

3. த³ண்ட³ஸுத்தவண்ணனா

1103. ததியே அஸ்மா லோகா பரம் லோகந்தி இமம்ஹா மனுஸ்ஸலோகா பரம் நிரயம்பி, திரச்சா²னயோனிம்பி, பேத்திவிஸயம்பி, மனுஸ்ஸலோகம்பி, தே³வலோகம்பி, க³ச்ச²ந்தி, புனப்புனம் வட்டஸ்மிம்யேவ நிப்³ப³த்தந்தீதி அத்தோ².

5. ஸத்திஸதஸுத்தவண்ணனா

1105. பஞ்சமே ஏவஞ்சேதம், பி⁴க்க²வே, அஸ்ஸாதி, பி⁴க்க²வே, ஏவம் சே ஏதம் ப⁴வேய்ய, நிரந்தரம் ஸத்திஸதேஹி ஹஞ்ஞமானஸ்ஸ து³க்க²தோ³மனஸ்ஸேஹி ஸஹேவேஸ ஸச்சாபி⁴ஸமயோ ப⁴வேய்ய சேதி அத்தோ².

9. இந்த³கீ²லஸுத்தவண்ணனா

1109. நவமே முக²ம் ஓலோகேந்தீதி அஜ்ஜா²ஸயம் ஓலோகேந்தி. அஜ்ஜா²ஸயோ இத⁴ முக²ந்தி அதி⁴ப்பேதோ.

10. வாத³த்தி²கஸுத்தவண்ணனா

1110. த³ஸமே ஸிலாயூபோதி ஸிலாத²ம்போ⁴. ஸோளஸகுக்குகோதி ஸோளஸஹத்தோ². ஸோளஸகுக்கூதிபி பாடோ². ஹேட்டா² நேமங்க³மாதி ஹேட்டா² ஆவாடம் பவிட்டா². அட்ட² குக்கு உபரினேமஸ்ஸாதி அட்ட² ஹத்தா² ஆவாடஸ்ஸ உபரி உக்³க³ந்த்வா டி²தா ப⁴வேய்யும். பு⁴ஸாதி ப³லவதீ. ஸேஸம் ஸப்³ப³த்த² உத்தானமேவாதி.

ஸீஸபாவனவக்³கோ³ சதுத்தோ².