5. ஓகிலினீஸுத்தவண்ணனா

216. ஓகிலினீவத்து²ஸ்மிம் உப்பக்கம் ஓகிலினிம் ஓகிரினிந்தி ஸா கிர அங்கா³ரசிதகே நிபன்னா விப்ப²ந்த³மானா விபரிவத்தமானா பச்சதி, தஸ்மா உப்பக்கா சேவ ஹோதி உண்ஹேன அக்³கி³னா பக்கஸரீரா, ஓகிலினீ ச கிலின்னஸரீரா, பி³ந்தூ³னிஸ்ஸா ஸரீரதோ பக்³க⁴ரந்தி, ஓகிரினீ ச அங்கா³ரஸம்பரிகிண்ணா. தஸ்ஸா ஹி ஹேட்ட²தோபி கிம்ஸுகபுப்ப²வண்ணா அங்கா³ரா, உப⁴யபஸ்ஸேஸுபி, ஆகாஸதோபிஸ்ஸா உபரி பதந்தி. தேன வுத்தம் – ‘‘உப்பக்கம் ஓகிலினிம் ஓகிரினி’’ந்தி. ஸா இஸ்ஸாபகதா ஸபத்திம் அங்கா³ரகடாஹேன ஓகிரீதி தஸ்ஸ கிர ரஞ்ஞோ ஏகா நாடகினீ அங்கா³ரகடாஹம் ஸமீபே ட²பேத்வா க³த்ததோ உத³கம் புஞ்ச²தி, பாணினா ச ஸேத³ம் கரோதி. ராஜாபி தாய ஸத்³தி⁴ம் கத²ஞ்ச கரோதி, பரிதுட்டா²காரஞ்ச த³ஸ்ஸேதி. அக்³க³மஹேஸீ தம் அஸஹமானா இஸ்ஸாபகதா ஹுத்வா அசிரபக்கந்தஸ்ஸ ரஞ்ஞோ தம் அங்கா³ரகடாஹம் க³ஹேத்வா தஸ்ஸா உபரி அங்கா³ரே ஓகிரி. ஸா தம் கம்மம் கத்வா தாதி³ஸம்யேவ விபாகம் பச்சனுப⁴விதும் பேதலோகே நிப்³ப³த்தா. பஞ்சமம்.