7. பச்சயஸுத்தவண்ணனா

27-28. ஸத்தமே படிபாடியா வுத்தேஸு பரியோஸானபத³ம் க³ஹேத்வா கதமஞ்ச, பி⁴க்க²வே, ஜராமரணந்திஆதி³ வுத்தம். ஏவம் பச்சயம் பஜானாதீதி ஏவம் து³க்க²ஸச்சவஸேன பச்சயம் ஜானாதி. பச்சயஸமுத³யாத³யோபி ஸமுத³யஸச்சாதீ³னம்யேவ வஸேன வேதி³தப்³பா³. தி³ட்டி²ஸம்பன்னோதி மக்³க³தி³ட்டி²யா ஸம்பன்னோ. த³ஸ்ஸனஸம்பன்னோதி தஸ்ஸேவ வேவசனம். ஆக³தோ இமம் ஸத்³த⁴ம்மந்தி மக்³க³ஸத்³த⁴ம்மம் ஆக³தோ. பஸ்ஸதீதி மக்³க³ஸத்³த⁴ம்மமேவ பஸ்ஸதி. ஸேக்கே²ன ஞாணேனாதி மக்³க³ஞாணேனேவ. ஸேக்கா²ய விஜ்ஜாயாதி மக்³க³விஜ்ஜாய ஏவ. த⁴ம்மஸோதம் ஸமாபன்னோதி மக்³க³ஸங்கா²தமேவ த⁴ம்மஸோதம் ஸமாபன்னோ. அரியோதி புது²ஜ்ஜனபூ⁴மிம் அதிக்கந்தோ. நிப்³பே³தி⁴கபஞ்ஞோதி நிப்³பே³தி⁴கபஞ்ஞாய ஸமன்னாக³தோ. அமதத்³வாரம் ஆஹச்ச திட்ட²தீதி அமதம் நாம நிப்³பா³னம், தஸ்ஸ த்³வாரம் அரியமக்³க³ம் ஆஹச்ச திட்ட²தீதி. அட்ட²மம் உத்தானமேவ. ஸத்தமஅட்ட²மானி.