7. நவகம்மிகஸுத்தவண்ணனா

203. ஸத்தமே நவகம்மிகபா⁴ரத்³வாஜோதி ஸோ கிர அரஞ்ஞே ருக்க²ம் சி²ந்தா³பேத்வா தத்தே²வ பாஸாத³கூடாகா³ராதீ³னி யோஜேத்வா நக³ரம் ஆஹரித்வா விக்கிணாதி, இதி நவகம்மம் நிஸ்ஸாய ஜீவதீதி நவகம்மிகோ, கோ³த்தேன பா⁴ரத்³வாஜோதி நவகம்மிகபா⁴ரத்³வாஜோ. தி³ஸ்வானஸ்ஸ ஏதத³ஹோஸீதி ச²ப்³ப³ண்ணரஸ்மியோ விஸ்ஸஜ்ஜேத்வா நிஸின்னம் ப⁴க³வந்தம் தி³ஸ்வான அஸ்ஸ ஏதம் அஹோஸி. வனஸ்மிந்தி இமஸ்மிம் வனஸண்டே³. உச்சி²ன்னமூலம் மே வனந்தி மய்ஹம் கிலேஸவனம் உச்சி²ன்னமூலம். நிப்³ப³னதோ²தி நிக்கிலேஸவனோ. ஏகோ ரமேதி ஏககோ அபி⁴ரமாமி. அரதிம் விப்பஹாயாதி பந்தஸேனாஸனேஸு சேவ பா⁴வனாய ச உக்கண்டி²தம் ஜஹித்வா. ஸத்தமம்.