5. தா³மலிஸுத்தவண்ணனா

86. பஞ்சமே ந தேனாஸீஸதே ப⁴வந்தி தேன காரணேன யம் கிஞ்சி ப⁴வம் ந பத்தே²தி. ஆயதபக்³க³ஹோ நாமேஸ தே³வபுத்தோ, கீ²ணாஸவஸ்ஸ கிச்சவோஸானம் நத்தி². கீ²ணாஸவேன ஹி ஆதி³தோ அரஹத்தப்பத்தியா வீரியம் கதம், அபரபா⁴கே³ மயா அரஹத்தம் பத்தந்தி மா துண்ஹீ ப⁴வது, ததே²வ வீரியம் த³ள்ஹம் கரோது பரக்கமதூதி சிந்தேத்வா ஏவமாஹ.

அத² ப⁴க³வா ‘‘அயம் தே³வபுத்தோ கீ²ணாஸவஸ்ஸ கிச்சவோஸானம் அகதே²ந்தோ மம ஸாஸனம் அனிய்யானிகம் கதே²தி, கிச்சவோஸானமஸ்ஸ கதே²ஸ்ஸாமீ’’தி சிந்தேத்வா நத்தி² கிச்சந்திஆதி³மாஹ. தீஸு கிர பிடகேஸு அயம் கா³தா² அஸம்கிண்ணா. ப⁴க³வதா ஹி அஞ்ஞத்த² வீரியஸ்ஸ தோ³ஸோ நாம த³ஸ்ஸிதோ நத்தி². இத⁴ பன இமம் தே³வபுத்தம் படிபா³ஹித்வா ‘‘கீ²ணாஸவேன புப்³ப³பா⁴கே³ ஆஸவக்க²யத்தா²ய அரஞ்ஞே வஸந்தேன கம்மட்டா²னம் ஆதா³ய வீரியம் கதம், அபரபா⁴கே³ ஸசே இச்ச²தி, கரோது, நோ சே இச்ச²தி, யதா²ஸுக²ம் விஹரதூ’’தி கீ²ணாஸவஸ்ஸ கிச்சவோஸானத³ஸ்ஸனத்த²ம் ஏவமாஹ. தத்த² கா³த⁴ந்தி பதிட்ட²ம். பஞ்சமம்.