8. க³ஹட்ட²வந்த³னாஸுத்தவண்ணனா

264. அட்ட²மே புது²த்³தி³ஸாதி சதஸ்ஸோ தி³ஸா சதஸ்ஸோ அனுதி³ஸா ச. பு⁴ம்மாதி பூ⁴மிவாஸினோ. சிரரத்தஸமாஹிதேதி உபசாரப்பனாஹி சிரரத்தஸமாஹிதசித்தே. வந்தே³தி வந்தா³மி. ப்³ரஹ்மசரியபராயணேதி த³ஸபி வஸ்ஸானி வீஸதிபி வஸ்ஸானி…பே… ஸட்டி²பி வஸ்ஸானி ஆபாணகோடிகம் ஏகஸேய்யம் ஏகப⁴த்தந்திஆதி³கம் ஸேட்ட²சரியம் ப்³ரஹ்மசரியம் சரமானேதி அத்தோ². புஞ்ஞகராதி சதுபச்சயதா³னம் குஸும்ப⁴ஸுமனபூஜா தீ³பஸஹஸ்ஸஜாலந்தி ஏவமாதி³புஞ்ஞகாரகா. ஸீலவந்தோதி உபாஸகத்தே பதிட்டா²ய பஞ்சஹிபி த³ஸஹிபி ஸீலேஹி ஸமன்னாக³தா. த⁴ம்மேன தா³ரம் போஸேந்தீதி உமங்க³பி⁴ந்த³னாதீ³னி அகத்வா த⁴ம்மிகேஹி கஸிகோ³ரக்க²வணிஜ்ஜாதீ³ஹி புத்ததா³ரம் போஸேந்தி. பமுகோ² ரத²மாருஹீதி தே³வானம் பமுகோ² ஸேட்டோ² ரத²ம் ஆருஹி. அட்ட²மம்.