9. அரஞ்ஞாயதனஇஸிஸுத்தவண்ணனா

255. நவமே பண்ணகுடீஸு ஸம்மந்தீதி ஹிமவந்தபதே³ஸே ரமணீயே அரஞ்ஞாயதனே ரத்திட்டா²னதி³வாட்டா²னசங்கமனாதீ³ஹி ஸம்பன்னாஸு பண்ணஸாலாஸு வஸந்தி. ஸக்கோ ச தே³வானமிந்தோ³ வேபசித்தி சாதி இமே த்³வே ஜனா ஜாமாதிகஸஸுரா காலேன கலஹம் கரோந்தி, காலேன ஏகதோ சரந்தி, இமஸ்மிம் பன காலே ஏகதோ சரந்தி. படலியோதி க³ணங்க³ணூபாஹனா. க²க்³க³ம் ஓலக்³கே³த்வாதி க²க்³க³ம் அம்ஸே ஓலக்³கே³த்வா. ச²த்தேனாதி தி³ப்³ப³ஸேதச்ச²த்தேன மத்த²கே தா⁴ரயமானேன. அபப்³யாமதோ கரித்வாதி ப்³யாமதோ அகத்வா. சிரதி³க்கி²தானந்தி சிரஸமாதி³ண்ணவதானம். இதோ படிக்கம்மாதி ‘‘இதோ பக்கம பரிவஜ்ஜய, மா உபரிவாதே திட்டா²’’தி வத³ந்தி. ந ஹேத்த² தே³வாதி ஏதஸ்மிம் ஸீலவந்தானம் க³ந்தே⁴ தே³வா ந படிக்கூலஸஞ்ஞினோ, இட்ட²கந்தமனாபஸஞ்ஞினோயேவாதி தீ³பேதி. நவமம்.